Utshovসর্গ 75
75.1
রাম দাশরথে বীর বীর্যম্ তে শ্রূয়তে অদ্ভুতম্ ।
ধনুষো ভেদনম্ চৈব নিখিলেন ময়া শ্রুতম্ ॥১-৭৫-১॥
75.2
তৎ অদ্ভুতম্ অচিংত্যম্ চ ভেদনম্ ধনুষঃ তথা ।
তৎ শ্রুত্বা অহম্ অনুপ্রাপ্তো ধনুর্ গৃহ্য অপরম্ শুভম্ ॥১-৭৫-২॥
75.3
তৎ ইদম্ ঘোর সংকাশম্ জামদগ্ন্যম্ মহৎ ধনুঃ ।
পূরয়স্ব শরেণ এব স্ব বলম্ দর্শয়স্ব চ ॥১-৭৫-৩॥
75.4
তৎ অহম্ তে বলম্ দৃষ্ট্বা ধনুষো অপি অস্য পূরণে ।
দ্বংদ্ব যুদ্ধম্ প্রদাস্যামি বীর্য শ্লাঘ্যম্ অহম্ তব ॥১-৭৫-৪॥
75.5
তস্য তৎ বচনম্ শ্রুত্বা রাজা দশরথঃ তদা ।
বিষণ্ণ বদনো দীনঃ প্রাংজলিঃ বাক্যম্ অব্রবীৎ ॥১-৭৫-৫॥
75.6
ক্ষত্র রোষাৎ প্রশাংতঃ ত্বম্ ব্রাহ্মণঃ চ মহাতপাঃ ।
বালানাম্ মম পুত্রাণাম্ অভয়ম্ দাতুম্ অর্হসি ॥১-৭৫-৬॥
75.7
ভার্গবাণাম্ কুলে জাতঃ স্বাধ্যায় ব্রত শালিনাম্ ।
সহস্রাক্ষে প্রতিজ্ঞায় শস্ত্রম্ প্রক্ষ্দ্ ইপ্তবান্ অসি ॥১-৭৫-৭॥
75.8
স ত্বম্ ধর্ম পরো ভূত্বা কাশ্যপায় বসুংধরাম্ ।
দত্ত্বা বনম্ উপাগম্য মহেন্দ্র কৃত কেতনঃ ॥১-৭৫-৮॥
75.9
মম সর্ব বিনাশায় সংপ্রাপ্তঃ ত্বম্ মহামুনে ।
ন চ একস্মিন্ হতে রামে সর্বে জীবামহে বয়ম্ ॥১-৭৫-৯॥
75.10
ব্রুবতি এবম্ দশরথে জামদগ্ন্যঃ প্রতাপবান্ ।
অনাদৃত্য তু তৎ বাক্যম্ রামম্ এব অভ্যভাষত ॥১-৭৫-১০॥
75.11
ইমে দ্বে ধনুষী শ্রেষ্ঠে দিব্যে লোক অভিপূজিতে ।
দৃঢে বলবতী মুখ্যে সুকৃতে বিশ্বকর্মণা ॥১-৭৫-১১॥
75.12
অনিসৃষ্টম্ সুরৈঃ একম্ ত্র্যম্বকায় যুয়ুত্সবে ।
ত্রিপুর ঘ্নম্ নরশ্রেষ্ঠ ভগ্নম্ কাকুত্স্থ যৎ ত্বয়া ॥১-৭৫-১২॥
75.13
ইদম্ দ্বিতীয়ম্ দুর্ধর্ষম্ বিষ্ণোর্ দত্তম্ সুরোত্তমৈঃ ।
তৎ ইদম্ বৈষ্ণবম্ রাম ধনুঃ পর পুরম্ জয়ম্ ॥১-৭৫-১৩॥
75.14
সমান সারম্ কাকুত্স্থ রৌদ্রেণ ধনুষা তু ইদম্ ।
তদা তু দেবতাঃ সর্বাঃ পৃচ্ছন্তি স্ম পিতামহম্ ॥১-৭৫-১৪॥
75.15
শিতি কণ্ঠস্য বিষ্ণোঃ চ বল অবল নিরীক্ষয়া ।
অভিপ্রায়ম্ তু বিজ্ঞায় দেবতানাম্ পিতামহঃ ॥১-৭৫-১৫॥
75.16
বিরোধম্ জনয়ামাস তয়োঃ সত্যবতাম্ বরঃ ।
বিরোধে তু মহৎ যুদ্ধম্ অভবৎ রোম হর্ষণম্ ॥১-৭৫-১৬॥
75.17
শিতি কণ্ঠস্য বিষ্ণোঃ চ পরস্পর জয় এষিণোঃ ।
তদা তু জৃম্ভিতম্ শৈবম্ ধনুঃ ভীম পরাক্রমম্ ॥১-৭৫-১৭॥
75.18
হুম্ কারেণ মহাদেবঃ স্তম্ভিতো অথ ত্রিলোচনঃ ।
দেবৈঃ তদা সমাগম্য স ঋষি সন্ঘৈঃ স চারণৈঃ ॥১-৭৫-১৮॥
75.19
যাচিতৌ প্রশমম্ তত্র জগ্মতুঃ তৌ সুর উত্তমৌ ।
জৃম্ভিতম্ তৎ ধনুঃ দৃষ্ট্বা শৈবম্ বিষ্ণু পরাক্রমৈঃ ॥১-৭৫-১৯॥
75.20
অধিকম্ মেনিরে বিষ্ণুম্ দেবাঃ স ঋষি গণাঃ তদা ।
ধনূ রুদ্রঃ তু সংক্রুদ্ধো বিদেহেষু মহায়শাঃ ॥১-৭৫-২০॥
75.21
দেবরাতস্য রাজ ঋষেঃ দদৌ হস্তে স সায়কম্ ।
ইদম্ চ বৈষ্ণবম্ রাম ধনুঃ পর পুরম্ জয়ম্ ॥১-৭৫-২১॥
75.22
ঋচীকে ভার্গবে প্রাদাৎ বিষ্ণুঃ স ন্যাসম্ উত্তমম্ ।
ঋচীকঃ তু মহাতেজাঃ পুত্রস্য অপ্রতিকর্মণঃ ॥১-৭৫-২২॥
75.23
পিতুঃ মম দদৌ দিব্যম্ জমদগ্নেঃ মহাত্মনঃ ।
ন্যস্ত শস্ত্রে পিতরি মে তপো বল সমন্বিতে ॥১-৭৫-২৩॥
75.24
অর্জুনো বিদধে মৃত্যুম্ প্রাকৃতাম্ বুদ্ধিম্ আস্থিতঃ ।
বধম্ অপ্রতিরূপম্ তু পিতুঃ শ্রুত্বা সু দারুণম্ ।ক্ষত্রম্ উত্সাদয়ন্ রোষাৎ জাতম্ জাতম্ অনেকশঃ ॥১-৭৫-২৪॥
75.25
পৃথিবীম্ চ অখিলাম্ প্রাপ্য কাশ্যপায় মহাত্মনে ।
যজ্ঞস্য অন্তে তদা রাম দক্ষিণাম্ পুণ্য কর্মণে ॥১-৭৫-২৫॥
75.26
দত্ত্বা মহেন্দ্র নিলয়ঃ তপো বল সমন্বিতঃ ।
শ্রুত্বা তু ধনুষো ভেদম্ ততো অহম্ দ্রুতম্ আগতঃ ॥১-৭৫-২৬॥
75.27
তৎ এবম্ বৈষ্ণবম্ রাম পিতৃ পৈতামহম্ মহৎ ।
ক্ষত্র ধর্মম্ পুরস্ কৃত্য গৃহ্ণীষ্ব ধনুর্ উত্তমম্ ॥১-৭৫-২৭॥
75.28
যোজয়স্ব ধনুঃ শ্রেষ্ঠে শরম্ পর পুরম্ জয়ম্ ।
যদি শক্তঃ অসি কাকুত্স্থ দ্বন্দ্বম্ দাস্যামি তে ততঃ ॥১-৭৫-২৮॥