Utshovসর্গ 74
74.1
অথ রাত্র্যাম্ ব্যতীতায়াম্ বিশ্বামিত্রো মহামুনিঃ ।
আপৃষ্ট্বা তৌ চ রাজানৌ জগাম উত্তর পর্বতম্ ॥১-৭৪-১॥
74.2
বিশ্বামিত্রো গতে রাজা বৈদেহম্ মিথিলা অধিপম্ ।
আপৃষ্ট্ব ইব জগাম আশু রাজা দশরথঃ পুরীম্ ॥১-৭৪-২॥
74.3
অথ রাজা বিদেহানাম্ দদৌ কন্যা ধনম্ বহু ।
গবাম্ শত সহস্রাণি বহূনি মিথিলেশ্বরঃ ॥১-৭৪-৩॥
74.4
কংবলানাম্ চ মুখ্যানাম্ ক্ষৌমান্ কোটি অংবরাণি চ ।
হস্তি অশ্ব রথ পাদাতম্ দিব্য রূপম্ স্বলংকৃতম্ ॥১-৭৪-৪॥
74.5
দদৌ কন্যা শতম্ তাসাম্ দাসী দাসম্ অনুত্তমম্ ।
হিরণ্যস্য সুবর্ণস্য মুক্তানাম্ বিদ্রুমস্য চ ॥১-৭৪-৫॥
74.6
দদৌ রাজা সুসংহৃষ্টঃ কন্যা ধনম্ অনুত্তমম্ ।
দত্ত্বা বহু বিধম্ রাজা সমনুজ্ঞাপ্য পার্থিবম্ ॥১-৭৪-৬॥
74.7
প্রবিবেশ স্ব নিলয়ম্ মিথিলাম্ মিথিলেশ্বরঃ ।
রাজা অপি অয়োধ্যা অধিপতিঃ সহ পুত্রৈঃ মহাত্মভিঃ ॥১-৭৪-৭॥
74.8
ঋষীন্ সর্বান্ পুরস্কৃত্য জগাম স বল অনুগঃ ।
গচ্ছংতম্ তু নরব্যাঘ্রম্ স ঋষি সংঘম্ স রাঘবম্ ॥১-৭৪-৮॥
74.9
ঘোরাঃ তু পক্ষিণো বাচো ব্যাহরন্তি সমংততঃ ।
ভৌমাঃ চৈব মৃগাঃ সর্বে গচ্ছন্তি স্ম প্রদক্ষিণম্ ॥১-৭৪-৯॥
74.10
তান্ দৃষ্ট্বা রাজ শার্দূলো বসিষ্ঠম্ পর্যপৃচ্ছত ।
অসৌম্যাঃ পক্ষিণো ঘোরা মৃগাঃ চ অপি প্রদক্ষিণাঃ ॥১-৭৪-১০॥
74.11
কিম্ ইদম্ হৃদয় উত্কম্পি মনো মম বিষীদতি ।
রাজ্ঞো দশরথস্য এতৎ শ্রুত্বা বাক্যম্ মহান্ ঋষিঃ ॥১-৭৪-১১॥
74.12
উবাচ মধুরাম্ বাণীম্ শ্রূয়তাম্ অস্য যৎ ফলম্ ।
উপস্থিতম্ ভয়ম্ ঘোরম্ দিব্যম্ পক্ষি মুখাৎ চ্যুতম্ ॥১-৭৪-১২॥
74.13
মৃগাঃ প্রশময়ন্তি এতে সংতাপঃ ত্যজ্যতাম্ অয়ম্ ।
তেষাম্ সংবদতাম্ তত্র বায়ুঃ প্রাদুর্ বভূব হ ॥১-৭৪-১৩॥
74.14
কম্পয়ন্ মেদিনীম্ সর্বাম্ পাতয়ন্ চ মহান্ দ্রুমান্ ।
তমসা সংবৃতঃ সূর্যঃ সর্বে ন বেদিষুর্ দিশঃ ॥১-৭৪-১৪॥
74.15
ভস্মনা চ আবৃতম্ সর্বম্ সম্মূঢম্ ইব তৎ বলম্ ।
বসিষ্ঠ ঋষয়ঃ চ অন্যে রাজা চ সসুতঃ তদা ॥১-৭৪-১৫॥
74.16
স সংজ্ঞা ইব তত্র আসন্ সর্বম্ অন্যৎ বিচেতনম্ ।
তস্মিন্ তমসি ঘোরে তু ভস্ম ছন্ন ইব সা চমূঃ ॥১-৭৪-১৬॥
74.17
দদর্শ ভীম সংকাশম্ জটা মণ্ডল ধারিণম্ ।
ভার্গবম্ জমদগ্নে অয়ম্ রাজা রাজ বিমর্দনম্ ॥১-৭৪-১৭॥
74.18
কৈলাসম্ ইব দুর্ধর্ষম্ কাল অগ্নিম্ ইব দুঃসহম্ ।
জ্বলংতম্ ইব তেজোভিঃ দুর্ নিরীক্ষ্যম্ পৃথক্ জনৈঃ ॥১-৭৪-১৮॥
74.19
স্কন্ধে চ আসজ্য পরশুম্ ধনুঃ বিদ্যুৎ গণ উপমম্ ।
প্রগৃহ্য শরম্ উগ্রম্ চ ত্রি পুর ঘ্নম্ যথা শিবম্ ॥১-৭৪-১৯॥
74.20
তম্ দৃষ্ট্বা ভীম সংকাশম্ জ্বলংতম্ ইব পাবকম্ ।
বসিষ্ঠ প্রমুখা বিপ্রা জপ হোম পরায়ণাঃ ॥১-৭৪-২০॥
74.21
সংগতা মুনয়ঃ সর্বে সংজজল্পুঃ অথো মিথঃ ।
কচ্চিৎ পিতৃ বধ অমর্ষী ক্ষত্রম্ ন উত্সাদয়িষ্যতি ॥১-৭৪-২১॥
74.22
পূর্বম্ ক্ষত্র বধম্ কৃত্বা গত মন্যুঃ গত জ্বরঃ ।
ক্ষত্রস্য উত্সাদনম্ ভূয়ো ন খলু অস্য চিকীর্ষিতম্ ॥১-৭৪-২২॥
74.23
এবম্ উক্ত্বা অর্ঘ্যম্ আদায় ভার্গবম্ ভীম দর্শনম্ ।
ঋষয়ো রাম রাম ইতি মধুরম্ বাক্যম্ অব্রুবন্ ॥১-৭৪-২৩॥
74.24
প্রতিগৃহ্য তু তাম্ পূজাম্ ঋষি দত্তাম্ প্রতাপবান্ ।
রামম্ দাশরথিম্ রামো জামদগ্ন্যো অভ্যভাষত ॥১-৭৪-২৪॥