Utshovসর্গ 73
73.1
যস্মিন্ তু দিবসে রাজা চক্রে গো দানম্ উত্তমম্ ।
তস্মিন্ তু দিবসে শূরো যুধাজিৎ সমুপেয়িবান্ ॥১-৭৩-১॥
73.2
পুত্রঃ কেকয় রাজস্য সাক্ষাৎ ভরত মাতুলঃ ।
দৃষ্ট্বা পৃষ্ট্বা চ কুশলম্ রাজানম্ ইদম্ অব্রবীৎ ॥১-৭৩-২॥
73.3
কেকয় অধিপতী রাজা স্নেহাৎ কুশলম্ অব্রবীৎ ।
যেষাম্ কুশলকামো অসি তেষাম্ সংপ্রতি অনাময়ম্ ॥১-৭৩-৩॥
73.4
স্বস্রীয়ম্ মম রাজেন্দ্র দ্রষ্টু কামো মহীপতিঃ ।
তৎ অর্থম্ উপয়াতো অহম্ অয়োধ্যাম্ রঘুনংদন ॥১-৭৩-৪॥
73.5
শ্রুত্বা তু অহম্ অয়োধ্যায়াম্ বিবাহ অর্থম্ তব আত্মজান্ ।
মিথিলাম্ উপয়াতান্ তু ত্বয়া সহ মহীপতে ॥১-৭৩-৫॥
73.6
ত্বরয়া অভুপয়াতো অহম্ দ্রষ্টু কামঃ স্বসুঃ সুতম্ ।
অথ রাজা দশরথঃ প্রিয় অতিথিম্ উপস্থিতম্ ॥১-৭৩-৬॥
73.7
দৃষ্ট্বা পরম সত্কারৈঃ পূজার্হম্ সমপূজয়ৎ ।
ততঃ তাম্ উষিতো রাত্রিম্ সহ পুত্রৈঃ মহাত্মভিঃ ॥১-৭৩-৭॥
73.8
প্রভাতে পুনঃ উত্থায় কৃত্বা কর্মাণি তত্ত্ববিৎ ।
ঋষীন্ তদা পুরস্কৃত্য যজ্ঞ বাটম্ উপাগমৎ ॥১-৭৩-৮॥
73.9
যুক্তে মুহূর্তে বিজয়ে সর্ব আভরণ ভূষিতৈঃ ।
ভ্রাতৃভিঃ সহিতো রামঃ কৃত কৌতুক মংগলঃ ॥১-৭৩-৯॥
73.10
বসিষ্ঠম্ পুরতঃ কৃত্বা মহর্ষীন্ অপরান্ অপি ।
বশিষ্টঃও ভগবান্ এত্য বৈদেহম্ ইদম্ অব্রবীৎ ॥১-৭৩-১০॥
73.11
রাজা দশরথো রাজন্ কৃত কৌতুক মন্গলৈঃ ।
পুত্রৈঃ নর বর শ্রেষ্ঠ দাতারম্ অভিকাংক্ষতে ॥১-৭৩-১১॥
73.12
দাতৃ প্রতিগ্রহীতৃভ্যাম্ সর্ব অর্থাঃ সংভবন্তি হি ।
স্বধর্মম্ প্রতিপদ্যস্ব কৃত্বা বৈবাহ্যম্ উত্তমম্ ॥১-৭৩-১২॥
73.13
ইতি উক্তঃ পরম উদারো বসিষ্ঠেন মহাত্মনা ।
প্রত্যুবাচ মহাতেজা বাক্যম্ পরম ধর্মবিৎ ॥১-৭৩-১৩॥
73.14
কঃ স্থিতঃ প্রতিহারো মে কস্য আজ্ঞা সংপ্রতীক্ষ্যতে ।
স্ব গৃহে কো বিচারো অস্তি যথা রাজ্যম্ ইদম্ তব ॥১-৭৩-১৪॥
73.15
কৃত কৌতুক সর্বস্বা বেদি মূলম্ উপাগতাঃ ।
মম কন্যা মুনিশ্রেষ্ঠ দীপ্তা বহ্নেঃ ইব অর্চিষঃ ॥১-৭৩-১৫॥
73.16
সদ্যো অহম্ ত্বৎ প্রতীক্ষো অস্মি বেদ্যাম্ অস্যাম্ প্রতিষিতঃ ।
অবিঘ্নম্ কুরুতাম্ রাজা কিম্ অর্থম্ হি বিলম্ব্যতে ॥১-৭৩-১৬॥
73.17
তৎ বাক্যম্ জনকেন উক্তম্ শ্রুত্বা দশরথঃ তদা ।
প্রবেশয়ামাস সুতান্ সর্বান্ ঋষি গণান্ অপি ॥১-৭৩-১৭॥
73.18
ততো রাজা বিদেহানাম্ বশিষ্ঠম্ ইদম্ অব্রবীৎ ।
কারয়স্ব ঋষে সর্বান্ ঋষিভিঃ সহ ধার্মিক ॥১-৭৩-১৮॥
73.19
রামস্য লোক রামস্য ক্রিয়াম্ বৈবাহিকীম্ প্রভো ।
তথা ইতি উক্ত্বা তু জনকম্ বশিষ্টঃও ভগবান্ ঋষিঃ ॥১-৭৩-১৯॥
73.20
বিশ্বামিত্রম্ পুরস্কৃত্য শতানংদম্ চ ধার্মিকম্ ।
প্রপা মধ্যে তু বিধিবৎ বেদীম্ কৃত্বা মহাতপাঃ ॥১-৭৩-২০॥
73.21
অলম্ চকার তাম্ বেদীম্ গন্ধ পুষ্পৈঃ সমংততঃ ।
সুবর্ণ পালিকাভিঃ চ চিত্র কুম্ভৈঃ চ স অংকুরৈঃ ॥১-৭৩-২১॥
73.22
অংকুর আঢ্যৈঃ শরাবৈঃ চ ধূপ পাত্রৈঃ স ধূপকৈঃ ।
শংখ পাত্রৈঃ শ্রুবৈঃ স্রুগ্ভিঃ পাত্রৈঃ অর্ঘ্যাদি পূজিতৈঃ ॥১-৭৩-২২॥
73.23
লাজ পূর্ণৈঃ চ পাত্রীভিঃ রক্ষিতৈঃ অপি সংস্কৃতৈঃ ।
দর্ভৈঃ সমৈঃ সমাস্তীর্য বিধিবৎ মংত্র পুরস্কৃতম্ ॥১-৭৩-২৩॥
73.24
অগ্নিম্ আধায় তম্ বেদ্যাম্ বিধি মংত্র পূর্বকম্ ।
জুহাব অগ্নৌ মহাতেজা বশিষ্ঠো মুনিপুংগব ॥১-৭৩-২৪॥
73.25
ততঃ সীতাম্ সমানীয় সর্ব আভরণ ভুষিতাম্ ।
সমক্ষম্ অগ্নেঃ সংস্থাপ্য রাঘব অভিমুখে তদা ॥১-৭৩-২৫॥
73.26
অব্রবীৎ জনকো রাজা কৌসল্য আনংদ বর্ধনম্ ।
ইয়ম্ সীতা মম সুতা সহ ধর্ম চরী তব ॥১-৭৩-২৬॥
73.27
প্রতীচ্ছ চ এনাম্ ভদ্রম্ তে পাণিম্ গৃহ্ণীষ্ব পাণিনা ।
পতিব্রতা মহভাগা ছায় ইব অনুগতা সদা ॥১-৭৩-২৭॥
73.28
ইতি উক্ত্বা প্রাক্ষিপৎ রাজা মংত্র পূতম্ জলম্ তদা ।
সাধু সাধু ইতি দেবানাম্ ঋষীণাম্ বদতাম্ তদা ॥১-৭৩-২৮॥
73.29
দেব দুংদুভি নির্ঘোষঃ পুষ্প বর্ষম্ মহান্ অভূৎ ।
এবম্ দত্ত্বা সুতাম্ সীতাম্ মংত্র উদক পুরস্কৃতাম্ ॥১-৭৩-২৯॥
73.30
অব্রবীৎ জনকো রাজা হর্ষেণ অভিপরিপ্লুত ।
লক্ষ্মণ আগচ্ছ ভদ্রম্ তে ঊর্মিলাম্ উদ্যতাম্ ময়া ॥১-৭৩-৩০॥
73.31
প্রতীচ্ছ পাণিম্ গৃহ্ণীষ্ব মা ভূৎ কালস্য পর্যয়ঃ ।
তম্ এবম্ উক্ত্বা জনকো ভরতম্ চ অভ্যভাষত ॥১-৭৩-৩১॥
73.32
গৃহাণ পাণিম্ মাণ্ডব্যাঃ পাণিনা রঘুনংদন ।
শত্রুঘ্নম্ চ অপি ধর্মাঅত্মা অব্রবীৎ মিথিলেশ্বরঃ ॥১-৭৩-৩২॥
73.33
শ্রুতকীর্তেঃ মহাবাহো পাণিম্ গৃহ্ণীষ্ব পাণিনা ।
সর্বে ভবন্তঃ সৌম্যাঃ চ সর্বে সুচরিত ব্রতাঃ ॥১-৭৩-৩৩॥
73.34
পত্নীভিঃ সন্তু কাকুত্স্থা মা ভূৎ কালস্য পর্যয়ঃ ।
জনকস্য বচঃ শ্রুত্বা পাণীন্ পাণিভিঃ অস্পৃশন্ ॥১-৭৩-৩৪॥
73.35
চত্বারঃ তে চতসৄণাম্ বসিষ্ঠস্য মতে স্থিতাঃ ।
অগ্নিম্ প্রদক্ষিণম্ কৃত্বা বেদিম্ রাজানম্ এব চ ॥১-৭৩-৩৫॥
73.36
ঋষীন্ চৈব মহাত্মানঃ সহ ভার্যা রঘু উদ্বহাঃ ।
যথা উক্তেন তথা চক্রুঃ বিবাহম্ বিধি পূর্বকম্ ॥১-৭৩-৩৬॥
73.37
পুষ্পবৃষ্টির্মহত্যাসীদন্তরিক্ষাত্সুভাস্বরা ।
দিব্যদুন্দুভিনির্ঘোষৈর্গীতবাদিত্রনিঃস্বনৈঃ।যদ্বা -পুষ্প বৃষ্টিঃ মহতি আসীৎ অংতরিক্ষাৎ সু ভাস্বরা ।দিব্য দুন্দুভি নির্ঘোষৈঃ গীত বাদিত্র নিঃস্বনৈঃ ॥১-৭৩-৩৭॥
73.38
ননৃতুঃ চ অপ্সরঃ সংঘা গন্ধর্বাঃ চ জগুঃ কলম্ ।
বিবাহে রঘু মুখ্যানাম্ তদ্ অদ্ভুতম্ অদৃশ্যত ॥১-৭৩-৩৮॥
73.39
ঈদৃশে বর্তমানে তু তূর্য উদ্ঘুষ্ট নিনাদিতে ।
ত্রিঃ অগ্নিম্ তে পরিক্রম্য ঊহুঃ ভার্যা মহৌজসঃ ॥১-৭৩-৩৯॥
73.40
অথ উপকার্যাম্ জগ্মুঃ তে স দারা রঘুনংদনাঃ ।
রাজা অপি অনুয়য়ৌ পশ্যন্ স ঋষি সংঘঃ স বান্ধবঃ ॥১-৭৩-৪০॥