সর্গ 69

69.1

ততো রাত্র্যাম্ ব্যতীতায়াম্ স উপাধ্যায়ঃ স বান্ধবঃ ।
রাজা দশরথো হৃষ্টঃ সুমংত্রম্ ইদম্ অব্রবীৎ ॥১-৬৯-১॥

অদ্য সর্বে ধন অধ্যক্ষা ধনম্ আদায় পুষ্কলম্ ।
ব্রজংতি অগ্রে সু বিহিতা নানা রত্ন সমন্বিতাঃ ॥১-৬৯-২॥

চতুরংগ বলম্ চ অপি শীঘ্রম্ নির্যাতু সর্বশঃ ।
মম আজ্ঞা সমকালম্ চ যানম্ যুগ্মম্ অনুত্তমম্ ॥১-৬৯-৩॥

বসিষ্ঠো বামদেবঃ চ জাবালিঃ অথ কাশ্যপঃ ।
মার্কণ্ডেয়ঃ চ দীর্ঘায়ুঃ ঋষিঃ কাত্যায়নঃ তথা ॥১-৬৯-৪॥

এতে দ্বিজাঃ প্রয়ান্তু অগ্রে স্যংদনম্ যোজয়স্ব মে ।
যথা কাল অত্যয়ো ন স্যাৎ দূতা হি ত্বরয়ন্তি মাম্ ॥১-৬৯-৫॥

বচনাৎ চ নরেন্দ্রস্য সেনা চ চতুরংগিণী ।
রাজানম্ ঋষিভিঃ সার্ধম্ ব্রজংতম্ পৃষ্ঠতো অন্বগাৎ ॥১-৬৯-৬॥

গত্বা চতুর্ অহম্ মার্গম্ বিদেহান্ অভ্যুপেয়িবান্ ।
রাজা তু জনকঃ শ্রীমান্ শ্রুত্বা পূজাম্ অকল্পয়ৎ ॥১-৬৯-৭॥

ততো রাজানম্ আসাদ্য বৃদ্ধম্ দশরথম্ নৃপম্ ।
জনকো মুদিতো রাজা হর্ষম্ চ পরমম্ যয়ৌ ॥১-৬৯-৮॥

উবাচ বচনম্ শ্রেষ্ঠো নরশ্রেষ্ঠম্ মুদা অন্বিতম্ ।
স্বাগতম্ তে নরশ্রেষ্ঠঃ দিষ্ট্যা প্রাপ্তো অসি রাঘব ॥১-৬৯-৯॥

পুত্রয়োঃ উভয়োঃ প্রীতিম্ লপ্স্যসে বীর্য নির্জিতাম্ ।
দিষ্ট্যা প্রাপ্তো মহাতেজা বসিষ্ঠো ভগবান্ ঋষিঃ ॥১-৬৯-১০॥

সহ সর্বৈঃ দ্বিজ শ্রেষ্ঠৈঃ দেবৈঃ ইব শতক্রতুঃ ।
দিষ্ট্যা মে নির্জিতা বিঘ্না দিষ্ট্যা মে পূজিতম্ কুলম্ ॥১-৬৯-১১॥

রাঘবৈঃ সহ সংবংধাৎ বীর্য শ্রেষ্ঠৈঃ মহাত্মভিঃ ।
শ্বঃ প্রভাতে নরেন্দ্র ত্বম্ সম্বর্তয়িতুম্ অর্হসি ॥১-৬৯-১২॥

যজ্ঞস্য অন্তে নরশ্রেষ্ঠ বিবাহম্ ঋষি সত্তমৈঃ ।
তস্য তৎ বচনম্ শ্রুত্বা ঋষি মধ্যে নরাধিপঃ ॥১-৬৯-১৩॥

বাক্যম্ বাক্যবিদাম্ শ্রেষ্ঠঃ প্রত্যুবাচ মহীপতিম্ ।
প্রতিগ্রহো দাতৃ বশঃ শ্রুতম্ এতৎ ময়া পুরা ॥১-৬৯-১৪॥

যথা বক্ষ্যসি ধর্মজ্ঞ তৎ করিষ্যামহে বয়ম্ ।
তৎ ধর্মিষ্ঠম্ যশস্যম্ চ বচনম্ সত্য বাদিনঃ ॥১-৬৯-১৫॥

শ্রুত্বা বিদেহ অধিপতিঃ পরম্ বিস্ময়ম্ আগতঃ ।
ততঃ সর্বে মুনি গণাঃ পরস্পর সমাগমে ॥১-৬৯-১৬॥

হর্ষেণ মহতা যুক্তাঃ তাম্ নিশাম্ অবসন্ সুখম্ ।
অথ রামো মহাতেজা লক্ষ্মণেন সমম্ যয়ৌ ॥১-৬৯-১৭॥

বিশ্বামিত্রম্ পুরস্কৃত্য পিতুঃ পাদৌ উপস্পৃশন্ ।
রাজা চ রাঘবৌ পুত্রৌ নিশাম্য পরিহর্ষিতঃ ॥১-৬৯-১৮॥

উবাস পরম প্রীতো জনকেন সুপূজিতঃ ।
জনকো অপি মহাতেজাঃ ক্রিয়া ধর্মেণ তত্ত্ববিৎ ।যজ্ঞস্য চ সুতাভ্যাম্ চ কৃত্বা রাত্রিম্ উবাস হ ॥১-৬৯-১৯॥