UtshovSarga 69
69.1
ततो रात्र्याम् व्यतीतायाम् स उपाध्यायः स बान्धवः ।
राजा दशरथो हृष्टः सुमंत्रम् इदम् अब्रवीत् ॥१-६९-१॥
Tato ratryam vyatitayam sa upadhyayah sa bandhavah
Raja dasharatho hrishtah sumantram idam abravit
69.2
अद्य सर्वे धन अध्यक्षा धनम् आदाय पुष्कलम् ।
व्रजंति अग्रे सु विहिता नाना रत्न समन्विताः ॥१-६९-२॥
Adya sarve dhana adhyaksha dhanam adaya pushkalam
Vrajanti agre su vihita nana ratna samanvitah
69.3
चतुरंग बलम् च अपि शीघ्रम् निर्यातु सर्वशः ।
मम आज्ञा समकालम् च यानम् युग्मम् अनुत्तमम् ॥१-६९-३॥
Chaturanga balam cha api shighram niryatu sarvashah
Mama agya samakalam cha yanam yugmam anuttamam
69.4
वसिष्ठो वामदेवः च जाबालिः अथ काश्यपः ।
मार्कण्डेयः च दीर्घायुः ऋषिः कात्यायनः तथा ॥१-६९-४॥
Vasishtho vamadevah cha jabalih atha kashyapah
Markandeyah cha dirghayuh rishih katyayanah tatha
69.5
एते द्विजाः प्रयान्तु अग्रे स्यंदनम् योजयस्व मे ।
यथा काल अत्ययो न स्यात् दूता हि त्वरयन्ति माम् ॥१-६९-५॥
Ete dvijah prayantu agre syandanam yojayasva me
Yatha kala atyayo na syat duta hi tvarayanti mam
69.6
वचनात् च नरेन्द्रस्य सेना च चतुरंगिणी ।
राजानम् ऋषिभिः सार्धम् व्रजंतम् पृष्ठतो अन्वगात् ॥१-६९-६॥
Vachanat cha narendrasya sena cha chaturangini
Rajanam rishibhih sardham vrajantam prishthato anvagat
69.7
गत्वा चतुर् अहम् मार्गम् विदेहान् अभ्युपेयिवान् ।
राजा तु जनकः श्रीमान् श्रुत्वा पूजाम् अकल्पयत् ॥१-६९-७॥
Gatva chatur aham margam videhan abhyupeyivan
Raja tu janakah shriman shrutva pujam akalpayat
69.8
ततो राजानम् आसाद्य वृद्धम् दशरथम् नृपम् ।
जनको मुदितो राजा हर्षम् च परमम् ययौ ॥१-६९-८॥
Tato rajanam asadya vriddham dasharatham nripam
Janako mudito raja harsham cha paramam yayau
69.9
उवाच वचनम् श्रेष्ठो नरश्रेष्ठम् मुदा अन्वितम् ।
स्वागतम् ते नरश्रेष्ठः दिष्ट्या प्राप्तो असि राघव ॥१-६९-९॥
Uvacha vachanam shreshtho narashreshtham muda anvitam
Svagatam te narashreshthah dishtya prapto asi raghava
69.10
पुत्रयोः उभयोः प्रीतिम् लप्स्यसे वीर्य निर्जिताम् ।
दिष्ट्या प्राप्तो महातेजा वसिष्ठो भगवान् ऋषिः ॥१-६९-१०॥
Putrayoh ubhayoh pritim lapsyase virya nirjitam
Dishtya prapto mahateja vasishtho bhagavan rishih
69.11
सह सर्वैः द्विज श्रेष्ठैः देवैः इव शतक्रतुः ।
दिष्ट्या मे निर्जिता विघ्ना दिष्ट्या मे पूजितम् कुलम् ॥१-६९-११॥
Saha sarvaih dvija shreshthaih devaih iva shatakratuh
Dishtya me nirjita vighna dishtya me pujitam kulam
69.12
राघवैः सह संबंधात् वीर्य श्रेष्ठैः महात्मभिः ।
श्वः प्रभाते नरेन्द्र त्वम् सम्वर्तयितुम् अर्हसि ॥१-६९-१२॥
Raghavaih saha sambandhat virya shreshthaih mahatmabhih
Shvah prabhate narendra tvam samvartayitum arhasi
69.13
यज्ञस्य अन्ते नरश्रेष्ठ विवाहम् ऋषि सत्तमैः ।
तस्य तत् वचनम् श्रुत्वा ऋषि मध्ये नराधिपः ॥१-६९-१३॥
Yagyasya ante narashreshtha vivaham rishi sattamaih
Tasya tat vachanam shrutva rishi madhye naradhipah
69.14
वाक्यम् वाक्यविदाम् श्रेष्ठः प्रत्युवाच महीपतिम् ।
प्रतिग्रहो दातृ वशः श्रुतम् एतत् मया पुरा ॥१-६९-१४॥
Vakyam vakyavidam shreshthah pratyuvacha mahipatim
Pratigraho datri vashah shrutam etat maya pura
69.15
यथा वक्ष्यसि धर्मज्ञ तत् करिष्यामहे वयम् ।
तत् धर्मिष्ठम् यशस्यम् च वचनम् सत्य वादिनः ॥१-६९-१५॥
Yatha vakshyasi dharmagya tat karishyamahe vayam
Tat dharmishtham yashasyam cha vachanam satya vadinah
69.16
श्रुत्वा विदेह अधिपतिः परम् विस्मयम् आगतः ।
ततः सर्वे मुनि गणाः परस्पर समागमे ॥१-६९-१६॥
Shrutva videha adhipatih param vismayam agatah
Tatah sarve muni ganah paraspara samagame
69.17
हर्षेण महता युक्ताः ताम् निशाम् अवसन् सुखम् ।
अथ रामो महातेजा लक्ष्मणेन समम् ययौ ॥१-६९-१७॥
Harshena mahata yuktah tam nisham avasan sukham
Atha ramo mahateja lakshmanena samam yayau
69.18
विश्वामित्रम् पुरस्कृत्य पितुः पादौ उपस्पृशन् ।
राजा च राघवौ पुत्रौ निशाम्य परिहर्षितः ॥१-६९-१८॥
Vishvamitram puraskritya pituh padau upasprishan
Raja cha raghavau putrau nishamya pariharshitah
69.19
उवास परम प्रीतो जनकेन सुपूजितः ।
जनको अपि महातेजाः क्रिया धर्मेण तत्त्ववित् ।यज्ञस्य च सुताभ्याम् च कृत्वा रात्रिम् उवास ह ॥१-६९-१९॥
Uvasa parama prito janakena supujitah
Janako api mahatejah kriya dharmena tattvavit, yagyasya cha sutabhyam cha kritva ratrim uvasa ha