Utshovসর্গ 77
77.1
গতে রামে প্রশাংত আত্মা রামো দাশরথিঃ ধনুঃ ।
বরুণায় অপ্রমেয়ায় দদৌ হস্তে মহায়শাঃ ॥১-৭৭-১॥
77.2
অভিবাদ্য ততো রামো বসিষ্ঠ প্রমুখান্ ঋষীন্ ।
পিতরম্ বিহ্বলম্ দৃষ্ট্বা প্রোবাচ রঘুনংদনঃ ॥১-৭৭-২॥
77.3
জামদগ্ন্যো গতো রামঃ প্রয়াতু চতুর্ অন্গিণী ।
অয়োধ্যা অভিমুখী সেনা ত্বয়া নাথেন পালিতা ॥১-৭৭-৩॥
77.4
রামস্য বচনম্ শ্রুত্বা রাজা দশরথঃ সুতম্ ।
বাহুভ্যাম্ সম্পরিষ্বজ্য মূর্ধ্নি উপাঘ্রায় রাঘবম্ ॥১-৭৭-৪॥
77.5
গতো রাম ইতি শ্রুত্বা হৃষ্টঃ প্রমুদিতো নৃপঃ ।
পুনর্জাতম্ তদা মেনে পুত্রম্ আত্মানম্ এব চ ॥১-৭৭-৫॥
77.6
চোদয়ামাস তাম্ সেনাম্ জগাম আশু ততঃ পুরীম্ ।
পতাকা ধ্বজিনীম্ রম্যাম্ তূর্য উদ্ ঘুষ্ট নিনাদিতাম্ ॥১-৭৭-৬॥
77.7
সিক্ত রাজ পথা রম্যাম্ প্রকীর্ণ কুসুম উত্করাম্ ।
রাজ প্রবেশ সুমুখৈঃ পৌরৈঃ মংগল পাণিভিঃ ॥১-৭৭-৭॥
77.8
সম্পূর্ণাম্ প্রাবিশৎ রাজা জন ওঘৈঃ সমলম্কৃতাম্ ।
পৌরৈঃ প্রতি উদ্গতো দূরম্ দ্বিজৈঃ চ পুর বাসিভিঃ ॥১-৭৭-৮॥
77.9
পুত্রৈঃ অনুগতঃ শ্রীমান্ শ্রীমদ্ভিঃ চ মহায়শাঃ ।
প্রবিবেশ গৃহম্ রাজা হিমবৎ সদৃশম্ প্রিয়ম্ ॥১-৭৭-৯॥
77.10
ননন্দ স্বজনৈঃ রাজা গৃহে কামৈঃ সুপূজিতঃ ।
কৌসল্যা চ সুমিত্রা চ কৈকেয়ী চ সুমধ্যমা ॥১-৭৭-১০॥
77.11
বধূ প্রতিগ্রহে যুক্তা যাঃ চ অন্যা রাজ যোষিতঃ ।
ততঃ সীতাম্ মহাভাগাম্ ঊর্মিলাম্ চ যশস্বিনীম্ ॥১-৭৭-১১॥
77.12
কুশধ্বজ সুতে চ উভে জগৃহুঃ নৃপ যোষিতঃ ।
মংগল আলাপনৈঃ হোমৈঃ শোভিতাঃ ক্ষৌম বাসসঃ ॥১-৭৭-১২॥
77.13
দেবত আয়তনানি আশু সর্বাঃ তাঃ প্রত্যপূজয়ন্ ।
অভিবাদ্য অভিবাদ্যান্ চ সর্বা রাজ সুতাঃ তদা ॥১-৭৭-১৩॥
77.14
রেমিরে মুদিতাঃ সর্বা ভর্তৃভিঃ সহিতা রহঃ ।
কৃত দারাঃ কৃত অস্ত্রাঃ চ স ধনাঃ স সুহৃৎ জনাঃ ॥১-৭৭-১৪॥
77.15
শুশ্রূষমাণাঃ পিতরম্ বর্তয়ন্তি নরর্ষভাঃ ।
কস্যচিৎ অথ কালস্য রাজা দশরধঃ সুতম্ ॥১-৭৭-১৫॥
77.16
ভরতম্ কৈকেয়ী পুত্রম্ অব্রবীৎ রঘুনংদন ।
অয়ম্ কেকয় রাজস্য পুত্রো বসতি পুত্রক ॥১-৭৭-১৬॥
77.17
ত্বাম্ নেতুম্ আগতো বীরো যুধাজিৎ মাতুলঃ তব ।
শ্রুত্বা দশরথস্য এতৎ ভরতঃ কৈকেয়ি সুতঃ ॥১-৭৭-১৭॥
77.18
গমনায় অভিচক্রাম শত্রুঘ্ন সহিতঃ তদা ।
আপৃচ্ছ্য পিতরম্ শূরো রামম্ চ অক্লিষ্ট কর্মণম্ ॥১-৭৭-১৮॥
77.19
মাতৄঃ চ অপি নরশ্রেষ্ট শত্রুঘ্ন সহিতো যয়ৌ ।
যুধাজিৎ প্রাপ্য ভরতম্ স শত্রুঘ্নম্ প্রহর্ষিতঃ ॥১-৭৭-১৯॥
77.20
স্ব পুরম্ প্রবিবেশৎ বীরঃ পিতা তস্য তুতোষ হ ।
গতে চ ভরতে রামো লক্ষ্মণঃ চ মহাবলঃ ॥১-৭৭-২০॥
77.21
পিতরম্ দেব সংকাশম্ পূজয়ামাসতুঃ তদা ।
পিতুঃ আজ্ঞাম্ পুরস্কৃত্য পৌর কার্যাণি সর্বশঃ ॥১-৭৭-২১॥
77.22
চকার রামঃ সর্বাণি প্রিয়াণি চ হিতানি চ ।
মাতৃভ্যো মাতৃ কার্যাণি কৃত্বা পরম যংত্রিতঃ ॥১-৭৭-২২॥
77.23
গুরূণাম্ গুরু কার্যাণি কালে কালে অন্ববৈক্ষত ।
এবম্ দশরথঃ প্রীতো ব্রাহ্মণা নৈগমাঃ তথা ॥১-৭৭-২৩॥
77.24
রামস্য শীল বৃত্তেন সর্বম্ বিষয় বাসিনঃ ।
তেষাম্ অতি যশা লোকে রামঃ সত্য পরাক্রমঃ ॥১-৭৭-২৪॥
77.25
স্বয়ম্ভূঃ ইব ভূতানাম্ বভূব গুণবত্তরঃ ।
রামঃ চ সীতয়া সার্ধম্ বিজহার বহূন্ ঋতূন্ ॥১-৭৭-২৫॥
77.26
মনস্বী তদ্ গতমানস্য তস্যা হৃদি সমর্পিতঃ ।
প্রিয়া তু সীতা রামস্য দারাঃ পিতৃ কৃতা ইতি ॥১-৭৭-২৬॥
77.27
গুণাৎ রূপ গুণাৎ চ অপি প্রীতিঃ ভূয়ো অভিবর্ধতে ।
তস্যাঃ চ ভর্তা দ্বিগুণম্ হৃদয়ে পরিবর্ততে ॥১-৭৭-২৭॥
77.28
অন্তর্ গতম্ অপি ব্যক্তম্ আখ্যাতি হৃদয়ম্ হৃদা ।
তস্য ভূয়ো বিশেষেণ মৈথিলী জনক আত্মজা ।দেবতাভিঃ সমা রূপে সীতা শ্রীঃ ইব রূপিণী ॥১-৭৭-২৮॥
77.29
তয়া স রাজ ঋষি সুতো অভিকাময়াসমেয়িবান্ উত্তম রাজ কন্যয়া ।
অতীব রামঃ শুশুভে মুদা অন্বিতোবিভুঃ শ্রিয়া বিষ্ণুঃ ইব অমর ঈশ্বরঃ ॥১-৭৭-২৯॥