Utshovসর্গ 67
67.1
জনকস্য বচঃ শ্রুত্বা বিশ্বামিত্রো মহামুনিঃ ।
ধনুর্ দর্শয় রামায় ইতি হ উবাচ পার্থিবম্ ॥১-৬৭-১॥
67.2
ততঃ স রাজা জনকঃ সচিবান্ ব্যাদিদেশ হ ।
ধনুর্ আনীয়তাম্ দিব্যম্ গন্ধ মাল্য অনুলেপিতম্ ॥১-৬৭-২॥
67.3
জনকেন সমাদিষ্ঠাঃ সচিবাঃ প্রাবিশন্ পুরম্ ।
তৎ ধনুঃ পুরতঃ কৃত্বা নির্জগ্মুঃ অমিত ঔজসঃ ॥১-৬৭-৩॥
67.4
নৃণাম্ শতানি পংচাশৎ ব্যায়তানাম্ মহাত্মনাম্ ।
মংজূষাম্ অষ্ট চক্রাম্ তাম্ সমূহুঃ তে কথংচন ॥১-৬৭-৪॥
67.5
তাম্ আদায় তু মংজূষাম্ আয়সীম্ যত্র তৎ ধনুঃ ।
সুরোপমম্ তে জনকম্ ঊচুঃ নৃপতি মন্ত্রিণঃ ॥১-৬৭-৫॥
67.6
ইদম্ ধনুর্ বরম্ রাজন্ পূজিতম্ সর্ব রাজভিঃ ।
মিথিলা অধিপ রাজ ইন্দ্র দর্শনীয়ম্ যৎ ইচ্ছসি ॥১-৬৭-৬॥
67.7
তেষাম্ নৃপো বচঃ শ্রুত্বা কৃত অংজলিঃ অভাষত ।
বিশ্বামিত্রম্ মহাত্মানম্ তৌ উভৌ রাম লক্ষ্মণৌ ॥১-৬৭-৭॥
67.8
ইদম্ ধনুর্ বরম্ ব্রহ্মন্ জনকৈঃ অভিপূজিতম্ ।
রাজভিঃ চ মহা বীর্যৈঃ অশক্তৈঃ পূরিতম্ তদা ॥১-৬৭-৮॥
67.9
ন এতৎ সুর গণাঃ সর্বে স অসুরা ন চ রাক্ষসাঃ ।
গংধর্ব যক্ষ প্রবরাঃ স কিন্নর মহোরগাঃ ॥১-৬৭-৯॥
67.10
ক্ব গতিঃ মানুষাণাম্ চ ধনুষো অস্য প্রপূরণে ।
আরোপণে সমায়োগে বেপনে তোলনে অপি বা ॥১-৬৭-১০॥
67.11
তৎ এতৎ ধনুষাম্ শ্রেষ্ঠম্ আনীতম্ মুনিপুংগব ।
দর্শয় এতৎ মহাভাগ অনয়োঃ রাজ পুত্রয়োঃ ॥১-৬৭-১১॥
67.12
বিশ্বামিত্রঃ স রামঃ তু শ্রুত্বা জনক ভাষিতম্ ।
বত্স রাম ধনুঃ পশ্য ইতি রাঘবম্ অব্রবীৎ ॥১-৬৭-১২॥
67.13
মহর্ষেঃ বচনাৎ রামো যত্র তিষ্ঠতি তৎ ধনুঃ ।
মংজূষাম্ তাম্ অপাবৃত্য দৃষ্ট্বা ধনুঃ অথ অব্রবীৎ ॥১-৬৭-১৩॥
67.14
ইদম্ ধনুর্বরম্ ব্রহ্মন্ সংস্পৃশামি ইহ পাণিনা ।
যত্নবান্ চ ভবিষ্যামি তোলনে পূরণে অপি বা ॥১-৬৭-১৪॥
67.15
বাঢম্ ইতি এব তম্ রাজা মুনিঃ চ সমভাষত ।
লীলয়া স ধনুর্ মধ্যে জগ্রাহ বচনাৎ মুনেঃ ॥১-৬৭-১৫॥
67.16
পশ্যতাম্ নৃ সহস্রাণাম্ বহূনাম্ রঘুনংদনঃ ।
আরোপয়ৎ স ধর্মাত্মা স লীলম্ ইব তৎ ধনুঃ ॥১-৬৭-১৬॥
67.17
আরোপয়িত্বা মৌর্বীম্ চ পূরয়ামাস বীর্যবান্ ।
তৎ বভংজ ধনুর্ মধ্যে নরশ্রেষ্ঠো মহায়শাঃ ॥১-৬৭-১৭॥
67.18
তস্য শব্দো মহান্ আসীৎ নির্ঘাত সম নিঃস্বনঃ ।
ভূমি কংপঃ চ সুমহান্ পর্বতস্য ইব দীর্যতঃ ॥১-৬৭-১৮॥
67.19
নিপেতুঃ চ নরাঃ সর্বে তেন শব্দেন মোহিতাঃ ।
ব্রজয়িত্বা মুনি বরম্ রাজানম্ তৌ চ রাঘবৌ ॥১-৬৭-১৯॥
67.20
প্রতি আশ্বস্তো জনে তস্মিন্ রাজা বিগত সাধ্বসঃ ।
উবাচ প্রাংজলিঃ বাক্যম্ বাক্যজ্ঞো মুনিপুংগবম্ ॥১-৬৭-২০॥
67.21
ভগবন্ দৃষ্ট বীর্যো মে রামো দশরথ আত্মজঃ ।
অতি অদ্ভুতম্ অচিংত্যম্ চ অতর্কিতম্ ইদম্ ময়া ॥১-৬৭-২১॥
67.22
জনকানাম্ কুলে কীর্তিম্ আহরিষ্যতি মে সুতা ।
সীতা ভর্তারম্ আসাদ্য রামম্ দশরথ আত্মজম্ ॥১-৬৭-২২॥
67.23
মম সত্যা প্রতিজ্ঞা সা বীর্য শুল্কা ইতি কৌশিক ।
সীতা প্রাণৈঃ বহুমতা দেয়া রামায় মে সুতা ॥১-৬৭-২৩॥
67.24
ভবতো অনুমতে ব্রহ্মন্ শীঘ্রম্ গচ্ছংতু মংত্রিণঃ ।
মম কৌশিক ভদ্রম্ তে অয়োধ্যাম্ ত্বরিতা রথৈঃ ॥১-৬৭-২৪॥
67.25
রাজানম্ প্রশ্রিতৈঃ বাক্যৈঃ আনয়ংতু পুরম্ মম ।
প্রদানম্ বীর্য শুক্লায়াঃ কথয়ংতু চ সর্বশঃ ॥১-৬৭-২৫॥
67.26
মুনি গুপ্তৌ চ কাকুত্স্থৌ কথয়ংতু নৃপায় বৈ ।
প্রীতি যুক্তম্ তু রাজানম্ আনয়ংতু সু শীঘ্র গাঃ ॥১-৬৭-২৬॥
67.27
কৌশিকঃ চ তথা ইতি আহ রাজা চ আভাষ্য মংত্রিণঃ ।
অয়োধ্যাম্ প্রেষয়ামাস ধর্মাত্মা কৃত শাসনান্ ।যথা বৃত্তম্ সমাখ্যাতুম্ আনেতুম্ চ নৃপম্ তথা ॥১-৬৭-২৭॥