Utshovসর্গ 66
66.1
ততঃ প্রভাতে বিমলে কৃত কর্মা নরাধিপঃ ।
বিশ্বামিত্রম্ মহাত্মানম্ আজুহাব স রাঘবম্ ॥১-৬৬-১॥
66.2
তম্ অর্চয়িত্বা ধর্মাঅত্মা শাস্ত্র দৃষ্টেন কর্মণা ।
রাঘবৌ চ মহাত্মানৌ তদা বাক্যম্ উবাচ হ ॥১-৬৬-২॥
66.3
ভগবন্ স্বাগতম্ তে অস্তু কিম্ করোমি তব অনঘ ।
ভবান্ আজ্ঞাপয়তু মাম্ আজ্ঞাপ্যো ভবতা হি অহম্ ॥১-৬৬-৩॥
66.4
এবম্ উক্তঃ স ধর্মাত্মা জনকেন মহাত্মনা ।
প্রত্যুবাচ মুনির্ বীরম্ বাক্যম্ বাক্য বিশারদঃ ॥১-৬৬-৪॥
66.5
পুত্রৌ দশরথস্য ইমৌ ক্ষত্রিয়ৌ লোক বিশ্রুতৌ ।
দ্রষ্টু কামৌ ধনুঃ শ্রেষ্ঠম্ যৎ এতৎ ত্বয়ি তিষ্ঠতি ॥১-৬৬-৫॥
66.6
এতৎ দর্শয় ভদ্রম্ তে কৃত কামৌ নৃপ আত্মজৌ ।
দর্শনাৎ অস্য ধনুষো যথা ইষ্টম্ প্রতিয়াস্যতঃ ॥১-৬৬-৬॥
66.7
এবম্ উক্তঃ তু জনকঃ প্রত্যুবাচ মহামুনিম্ ।
শ্রূয়তাম্ অস্য ধনুষো যৎ অর্থম্ ইহ তিষ্ঠতি ॥১-৬৬-৭॥
66.8
দেবরাত ইতি খ্যাতো নিমেঃ জ্যেষ্ঠো মহী পতিঃ ।
ন্যাসো অয়ম্ তস্য ভগবন্ হস্তে দত্তো মহাত্মনা ॥১-৬৬-৮॥
66.9
দক্ষ যজ্ঞ বধে পূর্বম্ ধনুঃ আয়ম্য বীর্যবান্ ।
রুদ্রঃ তু ত্রিদশান্ রোষাৎ স লীলম্ ইদম্ অব্রবীৎ ॥১-৬৬-৯॥
66.10
যস্মাৎ ভাগ অর্থিনো ভাগান্ ন অকল্পয়ত মে সুরাঃ ।
বর অংগানি মহাঅর্হাণি ধনুষা শাতয়ামি বঃ ॥১-৬৬-১০॥
66.11
ততো বিমনসঃ সর্বে দেবা বৈ মুনিপুংগব ।
প্রসাদয়ন্তি দেবেশম্ তেষাম্ প্রীতো অভবৎ ভবঃ ॥১-৬৬-১১॥
66.12
প্রীতি যুক্তঃ তু সর্বেষাম্ দদৌ তেষাম্ মহাত্মনাম্ ।
তৎ এতৎ দেবদেবস্য ধনূ রত্নম্ মহাত্মনঃ ॥১-৬৬-১২॥
66.13
ন্যাসভূতম্ তদা ন্যস্তম্ অস্মাকম্ পূর্বজে বিভো ।
অথ মে কৃষতঃ ক্ষেত্রম্ লাংগলাৎ উত্থিতা মম ॥১-৬৬-১৩॥
66.14
ক্ষেত্রম্ শোধয়তা লব্ধ্বা নাম্না সীতা ইতি বিশ্রুতা ।
ভূ তলাৎ উত্থিতা সা তু ব্যবর্ধত মম আত্মজা ॥১-৬৬-১৪॥
66.15
বীর্য শুল্কা ইতি মে কন্যা স্থাপিতা ইয়ম্ অয়োনিজা ।
ভূতলাৎ উত্থিতাম্ তাম্ তু বর্ধমানাম্ মম আত্মজাম্ ॥১-৬৬-১৫॥
66.16
বরয়ামাসুঃ আগম্য রাজানো মুনিপুংগব ।
তেষাম্ বরয়তাম্ কন্যাম্ সর্বেষাম্ পৃথিবীক্ষিতাম্ ॥১-৬৬-১৬॥
66.17
বীর্য শুল্কা ইতি ভগবন্ ন দদামি সুতাম্ অহম্ ।
ততঃ সর্বে নৃপতয়ঃ সমেত্য মুনিপুংগব ॥১-৬৬-১৭॥
66.18
মিথিলাম্ অভ্যুপাগম্য বীর্যম্ জিজ্ঞাসবঃ তদা ।
তেষাম্ জিজ্ঞাসমানানাম্ শৈবম্ ধনুঃ উপাহৃতম্ ॥১-৬৬-১৮॥
66.19
ন শেকুঃ গ্রহণে তস্য ধনুষঃ তোলনে অপি বা ।
তেষাম্ বীর্যবতাম্ বীর্যম্ অল্পম্ জ্ঞাত্বা মহামুনে ॥১-৬৬-১৯॥
66.20
প্রত্যাখ্যাতা নৃপতয়ঃ তন্ নিবোধ তপোধন ।
ততঃ পরম কোপেন রাজানো মুনিপুংগব ॥১-৬৬-২০॥
66.21
অরুন্ধন্ মিথিলাম্ সর্বে বীর্য সংদেহম্ আগতাঃ ।
আত্মানম্ অবধূতম্ তে বিজ্ঞায় মুনিপুংগব ॥১-৬৬-২১॥
66.22
রোষেণ মহতা আবিষ্টাঃ পীডয়ন্ মিথিলাম্ পুরীম্ ।
ততঃ সংবত্সরে পূর্ণে ক্ষয়ম্ যাতানি সর্বশঃ ॥১-৬৬-২২॥
66.23
সাধনানি মুনিশ্রেষ্ঠ ততো অহম্ ভৃশ দুঃখিতঃ ।
ততো দেব গণান্ সর্বান্ তপসা অহম্ প্রসাদয়ম্ ॥১-৬৬-২৩॥
66.24
দদুঃ চ পরম প্রীতাঃ চতুরংগ বলম্ সুরাঃ ।
ততো ভগ্না নৃপতয়ো হন্যমানা দিশো যয়ুঃ ॥১-৬৬-২৪॥
66.25
অবীর্যা বীর্য সংদিগ্ধা স অমাত্যাঃ পাপ কারিণঃ ।
তৎ এতৎ মুনিশার্দূল ধনুঃ পরম ভাস্বরম্ ॥১-৬৬-২৫॥
66.26
রাম লক্ষ্মণয়োঃ চ অপি দর্শয়িষ্যামি সুব্রত ।
যদি অস্য ধনুষো রামঃ কুর্যাৎ আরোপণম্ মুনে ।সুতাম্ অয়োনিজাম্ সীতাম্ দদ্যাম্ দাশরথেঃ অহম্ ॥১-৬৬-২৬॥