Utshovসর্গ 65
65.1
অথ হৈমবতীম্ রাম দিশম্ ত্যক্ত্বা মহামুনিঃ ।
পূর্বাম্ দিশম্ অনুপ্রাপ্য তপঃ তেপে সুদারুণম্ ॥১-৬৫-১॥
65.2
মৌনম্ বর্ষ সহস্রস্য কৃত্বা ব্রতম্ অনুত্তমম্ ।
চকার অপ্রতিমম্ রাম তপঃ পরম দুষ্করম্ ॥১-৬৫-২॥
65.3
পূর্ণে বর্ষ সহস্রে তু কাষ্ঠ ভূতম্ মহামুনিম্ ।
বিঘ্নৈঃ বহুভিঃ আধূতম্ ক্রোধো ন অংতরম্ আবিশৎ ॥১-৬৫-৩॥
65.4
সঃ কৃত্বা নিশ্চয়ম্ রাম তপ আতিষ্টৎ অব্যয়ম্ ।
তস্য বর্ষ সহস্রস্য ব্রতে পূর্ণে মহাব্রতঃ ॥১-৬৫-৪॥
65.5
ভোক্তুম্ আরব্ধবান্ অন্নম্ তস্মিন্ কালে রঘূত্তম ।
ইন্দ্রো দ্বিজাতিঃ ভূত্বা তম্ সিদ্ধ অন্নম্ অয়াচৎ ॥১-৬৫-৫॥
65.6
তস্মৈঃ দত্ত্বা তদা সিদ্ধম্ সর্বম্ বিপ্রায় নিশ্চিতঃ ।
নিঃষেষিতে অন্নে ভগবান্ অভুক্ত্বা ইব মহাতপাঃ ॥১-৬৫-৬॥
65.7
ন কিংচিৎ অবদৎ বিপ্রম্ মৌন ব্রতম্ উপাস্থিতঃ ।
তথা এব আসীৎ পুনঃ মৌনম্ অনুচ্ছ্বাসম্ চকার হ ॥১-৬৫-৭॥
65.8
অথ বর্ষ সহস্রম্ চ ন উচ্ছ্বসন্ মুনিপুংগবঃ ।
তস্য অনুচ্ছ্বসমানস্য মূর্ধ্নি ধূমো ব্যজায়ত ॥১-৬৫-৮॥
65.9
ত্রৈ লোক্যম্ যেন সংভ্রাংতম্ আতাপিতম্ ইব অভবৎ ।
ততো দেবর্ষি গন্ধর্বাঃ পন্নগ উরগ রাক্ষসাঃ ॥১-৬৫-৯॥
65.10
মোহিতা তপসা তস্য তেজসা মংদরশ্ময়ঃ ।
কশ্মল উপহতাঃ সর্বে পিতামহম্ অথ অব্রুবন্ ॥১-৬৫-১০॥
65.11
বহুভিঃ কারণৈঃ দেব বিশ্বামিত্রো মহামুনিঃ ।
লোভিতঃ ক্রোধিতঃ চৈব তপসা চ অভিবর্ধতে ॥১-৬৫-১১॥
65.12
ন হি অস্য বৃজিনম্ কিংচিৎ দৃশ্যতে সূক্ষ্মম্ অপি অথ ।
ন দীয়তে যদি তু অস্য মনসা যৎ অভীপ্সিতম্ ॥১-৬৫-১২॥
65.13
বিনাশয়তি ত্রৈলোক্যম্ তপসা স চর অচরম্ ।
ব্যাকুলাঃ চ দিশঃ সর্বা ন চ কিংচিৎ প্রকাশতে ॥১-৬৫-১৩॥
65.14
সাগরাঃ ক্ষুভিতাঃ সর্বে বিশীর্যন্তে চ পর্বতাঃ ।
প্রকংপতে চ বসুধা বায়ুঃ বাতি ইহ সংকুলঃ ॥১-৬৫-১৪॥
65.15
ব্রহ্মন্ নপ্রতিজানীমো নাস্তিকো জায়তে জনঃ ।
সম্মূঢম্ ইব ত্রৈলোক্যম্ সংপ্রক্ষুভিত মানসম্ ॥১-৬৫-১৫॥
65.16
ভাস্করো নিষ্প্রভঃ চৈব মহর্ষেঃ তস্য তেজসা ।
বুদ্ধিম্ ন কুরুতে যাবৎ নাশে দেব মহামুনিঃ ॥১-৬৫-১৬॥
65.17
তাবৎ প্রসাদো ভগবান্ অগ্নি রূপো মহাদ্যুতিঃ ।
কাল অগ্নিনা যথা পূর্বম্ ত্রৈলোক্যম্ দহ্যতে অখিলম্ ॥১-৬৫-১৭॥
65.18
দেব রাজ্যম্ চিকীর্ষেত দীয়তাম্ অস্য যৎ মতম্ ।
ততঃ সুর গণাঃ সর্বে পিতামহ পুরোগমাঃ ॥১-৬৫-১৮॥
65.19
বিশ্বামিত্রম্ মহাত্মানম্ বাক্যম্ মধুরম্ অব্রুবন্ ।
ব্রহ্মর্ষে স্বাগতম্ তে অস্তু তপসা স্ম সু তোষিতাঃ ॥১-৬৫-১৯॥
65.20
ব্রাহ্মণ্যম্ তপসা উগ্রেণ প্রাপ্তবান্ অসি কৌশিক ।
দীর্ঘম্ আয়ুঃ চ তে ব্রহ্মন্ দদামি স মরুদ্ গণঃ ॥১-৬৫-২০॥
65.21
স্বস্তি প্রাপ্নুহি ভদ্রম্ তে গচ্ছ সৌম্য যথা সুখম্ ।
পিতামহ বচঃ শ্রুত্বা সর্বেষাম্ ত্রিদিব ওকসাম্ ॥১-৬৫-২১॥
65.22
কৃত্বা প্রণামম্ মুদিতো ব্যাজহার মহামুনিঃ ।
ব্রাহ্মণ্যম্ যদি মে প্রাপ্তম্ দীর্ঘম্ আয়ুঃ তথৈব চ ॥১-৬৫-২২॥
65.23
আঊং কারো অথ বষট্ কারো বেদাঃ চ বরয়ন্তু মাম্ ।
ক্ষত্র বেদবিদাম্ শ্রেষ্ঠো ব্রহ্ম বেদবিদাম্ অপি ॥১-৬৫-২৩॥
65.24
ব্রহ্ম পুত্রো বসিষ্ঠো মাম্ এবম্ বদতু দেবতাঃ ।
যদি অয়ম্ পরমঃ কামঃ কৃতো যান্তু সুরর্ষভাঃ ॥১-৬৫-২৪॥
65.25
ততঃ প্রসাদিতো দেবৈঃ বসিষ্ঠো জপতাম্ বরঃ ।
সখ্যম্ চকার ব্রহ্মর্ষিঃ এবম্ অস্তু ইতি চ অব্রবীৎ ॥১-৬৫-২৫॥
65.26
ব্রহ্মর্ষিঃ ত্বম্ ন সংদেহঃ সর্বম্ সংপদ্যতে তব ।
ইতি উক্ত্বা দেবতাঃ চ অপি সর্বা জগ্মুঃ যথা আগতম্ ॥১-৬৫-২৬॥
65.27
বিশ্বামিত্রো অপি ধর্মাত্মা লব্ধ্বা ব্রাহ্মণ্যম্ উত্তমম্ ।
পূজয়ামাস ব্রহ্মর্ষিম্ বসিষ্ঠম্ জপতাম্ বরম্ ॥১-৬৫-২৭॥
65.28
কৃত কামো মহীম্ সর্বাম্ চচার তপসি স্থিতঃ ।
এবম্ তু অনেন ব্রাহ্মণ্যম্ প্রাপ্তম্ রাম মহাত্মনা ॥১-৬৫-২৮॥
65.29
এষ রাম মুনি শ্রেষ্ঠ এষ বিগ্রহবান্ তপঃ ।
এষ ধর্মঃ পরো নিত্যম্ বীর্যস্য এষ পরায়ণম্ ॥১-৬৫-২৯॥
65.30
এবম্ উক্ত্বা মহাতেজা বিররাম দ্বিজোত্তমঃ ।
শতানংদ বচঃ শ্রুত্বা রাম লক্ষ্মণ সংনিধৌ ॥১-৬৫-৩০॥
65.31
জনকঃ প্রাংজলিঃ বাক্যম্ উবাচ কুশিকাঅত্মজম্ ।
ধন্যো অস্মি অনুগৃহীতো অস্মি যস্য মে মুনিপুংগব ॥১-৬৫-৩১॥
65.32
যজ্ঞম্ কাকুত্স্থ সহিতঃ প্রাপ্তবান্ অসি কৌশিক ।
পাবিতো অহম্ ত্বয়া ব্রহ্মন্ দর্শনেন মহামুনে ॥১-৬৫-৩২॥
65.33
গুণা বহু বিধাঃ প্রাপ্তাঃ তব সংদর্শনাৎ ময়া ।
বিস্তরেণ চ বৈ ব্রহ্মন্ কীর্ত্যমানম্ মহত্তপঃ ॥১-৬৫-৩৩॥
65.34
শ্রুতম্ ময়া মহাতেজো রামেণ চ মহাত্মনা ।
সদস্যৈঃ প্রাপ্য চ সদঃ শ্রুতাঃ তে বহবো গুণাঃ ॥১-৬৫-৩৪॥
65.35
অপ্রমেয়ম্ তপঃ তুভ্যম্ অপ্রমেয়ম্ চ তে বলম্ ।
অপ্রমেয়া গুণাঃ চৈব নিত্যম্ তে কুশিকাত্মজ ॥১-৬৫-৩৫॥
65.36
তৃপ্তিঃ আশ্চর্য ভূতানাম্ কথানাম্ ন অস্তি মে বিভো ।
কর্ম কালো মুনি শ্রেষ্ঠ লম্বতে রবি মণ্ডলম্ ॥১-৬৫-৩৬॥
65.37
শ্বঃ প্রভাতে মহাতেজো দ্রষ্টুম্ অর্হসি মাম্ পুনঃ ।
স্বাগতম্ জপতাম্ শ্রেষ্ঠ মাম্ অনুজ্ঞাতুম্ অর্হসি ॥১-৬৫-৩৭॥
65.38
এবম্ উক্তো মুনিবরঃ প্রশস্য পুরুষর্ষভম্ ।
বিসসর্জ আশু জনকম্ প্রীতম্ প্রীতিমান্ তদাঅ ॥১-৬৫-৩৮॥
65.39
এবম্ উক্ত্বা মুনি শ্রেষ্ঠম্ বৈদেহো মিথিলা অধিপঃ ।
প্রদক্ষিণম্ চকার আশু স উপাধ্যায়ঃ স বাংধবঃ ॥১-৬৫-৩৯॥
65.40
বিশ্বামিত্রো অপি ধর্মাত্মা সহ রামঃ স লক্ষ্মণঃ ।
স্বম্ বাসম্ অভিচক্রাম পূজ্যমানো মহর্ষিভিঃ ॥১-৬৫-৪০॥