Utshovসর্গ 62
62.1
শুনঃশেপম্ নরশ্রেষ্ঠ গৃহীত্বা তু মহায়শাঃ ।
ব্যশ্রামৎ পুষ্করে রাজা মধ্যাহ্নে রঘুনংদন ॥১-৬২-১॥
62.2
তস্য বিশ্রমমাণস্য শুনঃশেপো মহায়শাঃ ।
পুষ্করম্ জ্যেষ্ঠম্ আগম্য বিশ্বামিত্রম্ দদর্শ হ ॥১-৬২-২॥
62.3
তপ্যন্তম্ ঋষিভিঃ সার্থম্ মাতুলম্ পরম আতুরঃ ।
বিষণ্ণ বদনো দীনঃ তৃষ্ণয়া চ শ্রমেণ চ ॥১-৬২-৩॥
62.4
পপাত অন্কে মুনে রাম বাক্যম্ চ ইদম্ উবাচ হ ।
ন মে অস্তি মাতা ন পিতা জ্ঞাতয়ো বান্ধবাঃ কুতঃ ॥১-৬২-৪॥
62.5
ত্রাতুম্ অর্হসি মাম্ সৌম্য ধর্মেণ মুনিপুংগব ।
ত্রাতা ত্বম্ হি নরশ্রেষ্ঠ সর্বেষাম্ ত্বম্ হি ভাবনঃ ॥১-৬২-৫॥
62.6
রাজা চ কৃতকার্যঃ স্যাৎ অহম্ দীর্ঘ আয়ুঃ অব্যয়ঃ ।
স্বর্গ লোকম্ উপাশ্নীয়াম্ তপঃ তপ্ত্বা হি অনুত্তমম্ ॥১-৬২-৬॥
62.7
স মে নাথো হি অনাথস্য ভব ভব্যেন চেতসা ।
পিতা ইব পুত্রম্ ধর্মাঅত্মন্ ত্রাতুম্ অর্হসি কিল্বিষাৎ ॥১-৬২-৭॥
62.8
তস্য তৎ বচনম্ শ্রুত্বা বিশ্বামিত্রো মহাতপাঃ ।
সান্ত্বয়িত্বা বহু বিধম্ পুত্রান্ ইদম্ উবাচ হ ॥১-৬২-৮॥
62.9
যৎ কৃতে পিতরঃ পুত্রান্ জনয়ন্তি শুভ অর্থিনঃ ।
পর লোক হিত অর্থায় তস্য কালো অয়ম্ আগতঃ ॥১-৬২-৯॥
62.10
অয়ম্ মুনি সুতো বালো মত্তঃ শরণম্ ইচ্ছতি ।
অস্য জীবিত মাত্রেণ প্রিয়ম্ কুরুত পুত্রকাঃ ॥১-৬২-১০॥
62.11
সর্বে সুকৃত কর্মাণঃ সর্বে ধর্ম পরায়ণাঃ ।
পশু ভূতা নরেন্দ্রস্য তৃপ্তিম্ অগ্নেঃ প্রয়চ্ছত ॥১-৬২-১১॥
62.12
নাথনান্ চ শুনঃশেপো যজ্ঞঃ চ অবিঘ্নতো ভবেৎ ।
দেবতাঃ তর্পিতাঃ চ স্যুঃ মম চ অপি কৃতম্ বচঃ ॥১-৬২-১২॥
62.13
মুনেঃ তু বচনম্ শ্রুত্বা মধুষ্যন্দ আদয়ঃ সুতাঃ ।
স অভিমানম্ নরশ্রেষ্ঠ স লীলম্ ইদম্ অব্রুবন্ ॥১-৬২-১৩॥
62.14
কথম্ আত্ম সুতান্ হিত্বা ত্রায়সে অন্য সুতম্ বিভো ।
অকার্যম্ ইব পশ্যামঃ শ্ব মাংসম্ ইব ভোজনে ॥১-৬২-১৪॥
62.15
তেষাম্ তৎ বচনম্ শ্রুত্বা পুত্রাণাম্ মুনিপুংগবঃ ।
ক্রোধ সংরক্ত নয়নো ব্যাহর্তুম্ উপচক্রমে ॥১-৬২-১৫॥
62.16
নিঃসাধ্বসম্ ইদম্ প্রোক্তম্ ধর্মাৎ অপি বিগর্হিতম্ ।
অতিক্রম্য তু মৎ বাক্যম্ দারুণম্ রোম হর্ষণম্ ॥১-৬২-১৬॥
62.17
শ্ব মাংস ভোজিনঃ সর্বে বাসিষ্ঠা ইব জাতিষু ।
পূর্ণম্ বর্ষ সহস্রম্ তু পৃথিব্যাম্ অনুবত্স্যথ ॥১-৬২-১৭॥
62.18
কৃত্বা শাপ সমায়ুক্তান্ পুত্রান্ মুনিবরঃ তদা ।
শুনঃশেপম্ উবাচ আর্তম্ কৃত্বা রক্ষাম্ নিরাময়াম্ ॥১-৬২-১৮॥
62.19
পবিত্র পাশৈর্ বদ্ধো রক্ত মাল্য অনুলেপনঃ ।
বৈষ্ণবম্ যূপম্ আসাদ্য বাগ্ভিঃ অগ্নিম্ উদাহর ॥১-৬২-১৯॥
62.20
ইমে চ গাথে দ্বে দিব্যে গায়েথা মুনি পুত্রক ।
অংবরীষস্য যজ্ঞে অস্মিন্ ততঃ সিদ্ধিম্ অবাপ্স্যসি ॥১-৬২-২০॥
62.21
শুনঃশেপো গৃহীত্বা তে দ্বে গাথে সুসমাহিতঃ ।
ত্বরয়া রাজ সিংহম্ তম্ অংবরীষম্ উবাচ হ ॥১-৬২-২১॥
62.22
রাজ সিংহ মহাবুদ্ধে শীঘ্রম্ গচ্ছাবহে বয়ম্ ।
নিবর্তয়স্ব রাজেন্দ্র দীক্ষাম্ চ সমুদাহর ॥১-৬২-২২॥
62.23
তৎ বাক্যম্ ঋষি পুত্রস্য শ্রুত্বা হর্ষ সমন্বিতঃ ।
জগাম নৃপতিঃ শীঘ্রম্ যজ্ঞ বাটম্ অতন্দ্রিতঃ ॥১-৬২-২৩॥
62.24
সদস্য অনুমতে রাজা পবিত্র কৃত লক্ষণম্ ।
পশুম্ রক্ত অংবরম্ কৃত্বা যূপে তম্ সমবন্ধয়ৎ ॥১-৬২-২৪॥
62.25
স বদ্ধো বাগ্ভিঃ অগ্র্যাভিঃ অভিতুষ্টাব বৈ সুরৌ ।
ইন্দ্রম্ ইন্দ্র অনুজম্ চৈব যথাবৎ মুনি পুত্রকঃ ॥১-৬২-২৫॥
62.26
ততঃ প্রীতঃ সহস্র অক্ষো রহস্য স্তুতি তোষিতঃ ।
দীর্ঘম্ আয়ুঃ তদা প্রাদাৎ শুনঃশেপায় রাঘব ॥১-৬২-২৬॥
62.27
স চ রাজা নরশ্রেষ্ঠ যজ্ঞস্য চ সমাপ্তবান্ ।
ফলম্ বহু গুণম্ রাম সহস্রাক্ষ প্রসাদজম্ ॥১-৬২-২৭॥
62.28
বিশ্বামিত্রো অপি ধর্মাত্মা ভূয়ঃ তেপে মহাতপাঃ ।
পুষ্করেষু নরশ্রেষ্ঠ দশ বর্ষ শতানি চ ॥১-৬২-২৮॥