Utshovসর্গ 63
63.1
পূর্ণে বর্ষ সহস্রে তু ব্রত স্নাতম্ মহামুনিম্ ।
অভ্যাগচ্চন্ সুরাঃ সর্বে তপঃ ফল চিকীর্ষবঃ ॥১-৬৩-১॥
63.2
অব্রবীৎ সু মহাতেজা ব্রহ্মা সু রুচিরম্ বচঃ ।
ঋষিঃ ত্বম্ অসি ভদ্রম্ তে স্ব অর্জিতৈঃ কর্মভিঃ শুভৈঃ ॥১-৬৩-২॥
63.3
তম্ এবম্ উক্ত্বা দেবেশঃ ত্রিদিবম্ পুনঃ অভ্যগাৎ ।
বিশ্বামিত্রো মহাতেজা ভূয়ঃ তেপে মহৎ তপঃ ॥১-৬৩-৩॥
63.4
ততঃ কালেন মহতা মেনকা পরম অপ্সরাঃ ।
পুষ্করেষু নর শ্রেষ্ঠ স্নাতুম্ সমুপচক্রমে ॥১-৬৩-৪॥
63.5
তাম্ দদর্শ মহাতেজা মেনকাম্ কুশিক আত্মজঃ ।
রূপেণ অপ্রতিমাম্ তত্র বিদ্যুতম্ জলদে যথা ॥১-৬৩-৫॥
63.6
দৃষ্ট্বা কন্দর্প বশগো মুনিঃ তাম্ ইদম্ অব্রবীৎ ।
অপ্সরঃ স্বাগতম্ তে অস্তু বস চ ইহ মম আশ্রমে ॥১-৬৩-৬॥
63.7
অনুগৃহ্ণীষ্ব ভদ্রম্ তে মদনেন সু মোহিতম্ ।
ইতি উক্তা সা বরারোহা তত্র বাসম্ অথ অকরোৎ ॥১-৬৩-৭॥
63.8
তপসো হি মহাবিঘ্নো বিশ্বামিত্রম্ উপাগতম্ ।
তস্যাম্ বসন্ত্যাম্ বর্ষাণি পংচ পংচ চ রাঘব ॥১-৬৩-৮॥
63.9
বিশ্বামিত্র আশ্রমে সৌম্য সুখেন ব্যতিচক্রমুঃ ।
অথ কালে গতে তস্মিন্ বিশ্বামিত্রো মহামুনিঃ ॥১-৬৩-৯॥
63.10
স ব্রীড ইব সংবৃত্তঃ চিন্তা শোক পরায়ণঃ ।
বুদ্ধির্ মুনেঃ সমুত্পন্না স অমর্ষা রঘুনংদন ॥১-৬৩-১০॥
63.11
সর্বম্ সুরাণাম্ কর্ম এতৎ তপো অপহরণম্ মহৎ ।
অহো রাত্রা অপদেশেন গতাঃ সংবত্সরা দশ ॥১-৬৩-১১॥
63.12
কাম মোহ অভিভূতস্য বিঘ্নো অয়ম্ প্রত্যুপস্থিতঃ ।
স বিনিঃশ্বসন্ মুনিবরঃ পশ্চাত্তাপেন দুঃখিতঃ ॥১-৬৩-১২॥
63.13
ভীতাম্ অপ্সরসম্ দৃষ্ট্বা বেপন্তীম্ প্রাংজলিম্ স্থিতাম্ ।
মেনকাম্ মধুরৈঃ বাক্যৈঃ বিসৃজ্য কুশিক আত্মজঃ ॥১-৬৩-১৩॥
63.14
উত্তরম্ পর্বতম্ রাম বিশ্বামিত্রো জগাম হ ।
স কৃত্বা নৈষ্ঠিকীম্ বুদ্ধিম্ জেতু কামো মহায়শাঃ ॥১-৬৩-১৪॥
63.15
কৌশিকী তীরম্ আসাদ্য তপঃ তেপে দুরাসদম্ ।
তস্য বর্ষ সহস্রাণি ঘোরম্ তপ উপাসতঃ ॥১-৬৩-১৫॥
63.16
উত্তরে পর্বতে রাম দেবতানাম্ অভূৎ ভয়ম্ ।
অমংত্রয়ন্ সমাগম্য সর্বে স ঋষি গণাঃ সুরাঃ ॥১-৬৩-১৬॥
63.17
মহর্ষি শব্দম্ লভতাম্ সাধু অয়ম্ কুশিক আত্মজঃ ।
দেবতানাম্ বচঃ শ্রুত্বা সর্ব লোক পিতামহঃ ॥১-৬৩-১৭॥
63.18
অব্রবীৎ মধুরম্ বাক্যম্ বিশ্বামিত্রম্ তপো ধনম্ ।
মহর্ষে স্বাগতম্ বত্স তপসা উগ্রেণ তোষিতঃ ॥১-৬৩-১৮॥
63.19
মহত্ত্বম্ ঋষি মুখ্যত্বম্ দদামি তব কৌশিক ।
ব্রহ্মণঃ স বচঃ শ্রুত্বা বিশ্বামিত্রঃ তপো ধনঃ ॥১-৬৩-১৯॥
63.20
প্রাংজলিঃ প্রণতো ভূত্বা প্রত্যুবাচ পিতামহম্ ।
ব্রহ্মর্ষি শব্দম্ অতুলম্ স্ব অর্জিতৈঃ কর্মভিঃ শুভৈঃ ॥১-৬৩-২০॥
63.21
যদি মে ভগবান্ আহ ততো অহম্ বিজিত ইন্দ্রিয়ঃ ।
তম্ উবাচ ততো ব্রহ্মা ন তাবৎ ত্বম্ জিত ইন্দ্রিয়ঃ ॥১-৬৩-২১॥
63.22
যতস্ব মুনি শার্দূল ইতি উক্ত্বা ত্রিদিবম্ গতঃ ।
বিপ্রস্থিতেষু দেবেষু বিশ্বামিত্রো মহামুনিঃ ॥১-৬৩-২২॥
63.23
ঊর্ধ্ব বাহুঃ নিরালংবো বায়ু ভক্ষঃ তপঃ চরন্ ।
ধর্মে পংচ তপা ভূত্বা বর্ষাসু আকাশ সংশ্রয়ঃ ॥১-৬৩-২৩॥
63.24
শিশিরে সলিলে শায়ী রাত্রি অহানি তপো ধনঃ ।
এবম্ বর্ষ সহস্রম্ হি তপো ঘোরম্ উপাগমৎ ॥১-৬৩-২৪॥
63.25
তস্মিন্ সংতপ্যমানে তু বিশ্বামিত্রে মহামুনৌ ।
সংতাপঃ সুমহান্ আসীৎ সুরাণাম্ বাসবস্য চ ॥১-৬৩-২৫॥
63.26
রংভাম্ অপ্সরসম্ শক্রঃ সহ সর্বৈঃ মরুৎ গণৈঃ ।
উবাচ আত্ম হিতম্ বাক্যম্ অহিতম্ কৌশিকস্য চ ॥১-৬৩-২৬॥