Utshovসর্গ 61
61.1
বিশ্বামিত্রো মহাতেজাঃ প্রস্থিতান্ বীক্ষ্য তান্ ঋষীন্ ।
অব্রবীৎ নরশার্দূল সর্বান্ তান্ বন বাসিনঃ ॥১-৬১-১॥
61.2
মহাবিঘ্নঃ প্রবৃত্তো অয়ম্ দক্ষিণাম্ আস্থিতো দিশম্ ।
দিশম্ অন্যাম্ প্রপত্স্যামঃ তত্র তপ্স্যামহে তপঃ ॥১-৬১-২॥
61.3
পশ্চিমায়াম্ বিশালায়াম্ পুষ্করেষু মহাত্মনঃ ।
সুখম্ তপঃ চরিষ্যামঃ পরম্ তৎ হি তপো বনম্ ॥১-৬১-৩॥
61.4
এবম্ উক্ত্বা মহাতেজাঃ পুষ্করেষু মহামুনিঃ ।
তপ উগ্রম্ দুরাধর্ষম্ তেপে মূল ফল অশনঃ ॥১-৬১-৪॥
61.5
এতস্মিন্ এব কালে তু অয়োধ্যা অধিপতিঃ মহান্ ।
অংবরীষ ইতি খ্যাতো যষ্টুম্ সমুপচক্রমে ॥১-৬১-৫॥
61.6
তস্য বৈ যজমানস্য পশুম্ ইন্দ্রো জহার হ ।
প্রণষ্টে তু পশৌ বিপ্রো রাজানম্ ইদম্ অব্রবীৎ ॥১-৬১-৬॥
61.7
পশুঃ অভ্যাহৃতঃ রাজন্ প্রণষ্টঃ তব দুর্নয়াৎ ।
অরক্ষিতারম্ রাজানম্ ঘ্নন্তি দোষা নরেশ্বর ॥১-৬১-৭॥
61.8
প্রায়ঃ চিত্তম্ মহৎ হি এতৎ নরম্ বা পুরুষর্ষভ ।
আনয়স্ব পশুম্ শীঘ্রম্ যাবৎ কর্ম প্রবর্ততে ॥১-৬১-৮॥
61.9
উপাধ্যায় বচঃ শ্রুত্বা স রাজা পুরুষর্ষভ ।
অন্বিয়েষ মহাবুদ্ধিঃ পশুম্ গোভিঃ সহস্রশঃ ॥১-৬১-৯॥
61.10
দেশান্ জনপদান্ তান্ তান্ নগরাণি বনানি চ ।
আশ্রমাণি চ পুণ্যানি মার্গমাণো মহীপতিঃ ॥১-৬১-১০॥
61.11
স পুত্র সহিতম্ তাত স ভার্যম্ রঘুনংদন ।
ভৃগুতুংগে সমাসীনম্ ঋচীকম্ সংদদর্শ হ ॥১-৬১-১১॥
61.12
তম্ উবাচ মহাতেজাঃ প্রণম্য অভিপ্রসাদ্য চ ।
মহর্ষিম্ তপসা দীপ্তম্ রাজর্ষিঃ অমিত প্রভঃ ॥১-৬১-১২॥
61.13
পৃষ্ট্বা সর্বত্র কুশলম্ ঋচীকম্ তম্ ইদম্ বচঃ ।
গবাম্ শত সহস্রেণ বিক্রীণীষে সুতম্ যদি ॥১-৬১-১৩॥
61.14
পশোঃ অর্থে মহাভাগ কৃত কৃত্যো অস্মি ভার্গব ।
সর্বে পরিগতা দেশা যজ্ঞিয়ম্ ন লভে পশুম্ ॥১-৬১-১৪॥
61.15
দাতুম্ অর্হসি মূল্যেন সুতম্ একম্ ইতো মম ।
এবম্ উক্তো মহাতেজা ঋচীকঃ তু অব্রবীৎ বচঃ ॥১-৬১-১৫॥
61.16
ন অহম্ জ্যেষ্ঠম্ নর শ্রেষ্ঠ বিক্রীণীয়াম্ কথংচন ।
ঋচীকস্য বচঃ শ্রুত্বা তেষাম্ মাতা মহাত্মনাম্ ॥১-৬১-১৬॥
61.17
উবাচ নর শার্দূলম্ অংবরীষম্ ইদম্ বচঃ ।
অবিক্রেয়ম্ সুতম্ জ্যেষ্ঠম্ ভগবান্ আহ ভার্গবঃ ॥১-৬১-১৭॥
61.18
মম অপি দয়িতম্ বিদ্ধি কনিষ্ঠম্ শুনকম্ প্রভো ।
তস্মাৎ কনীয়সম্ পুত্রম্ ন দাস্যে তব পার্থিব ॥১-৬১-১৮॥
61.19
প্রায়েণ হি নরশ্রেষ্ঠ জ্যেষ্ঠাঃ পিতৃষু বল্লভাঃ ।
মাতৄণাম্ চ কনীয়াংসঃ তস্মাৎ রক্ষে কনীয়সম্ ॥১-৬১-১৯॥
61.20
উক্ত বাক্যে মুনৌ তস্মিন্ মুনি পত্ন্যাম্ তথৈব চ ।
শুনঃশেপঃ স্বয়ম্ রাম মধ্যমো বাক্যম্ অব্রবীৎ ॥১-৬১-২০॥
61.21
পিতা জ্যেষ্ঠম্ অবিক্রেয়ম্ মাতা চ আহ কনীয়সম্ ।
বিক্রেতম্ মধ্যমম্ মন্যে রাজপুত্র নয়স্ব মাম্ ॥১-৬১-২১॥
61.22
অথ রাজা মহাবাহো বাক্য অন্তে ব্রহ্ম বাদিনঃ ।
হিরণ্যস্য সুবর্ণস্য কোটিভী রত্ন রাশিভিঃ ॥১-৬১-২২॥
61.23
গবাম্ শত সহস্রেণ শুনঃশেপম্ নরেশ্বরঃ ।
গৃহীত্বা পরম প্রীতো জগাম রঘুনংদন ॥১-৬১-২৩॥
61.24
অংবরীষঃ তু রাজর্ষী রথম্ আরোপ্য সত্বরঃ ।
শুনঃশেপম্ মহাতেজা জগাম আশু মহায়শাঃ ॥১-৬১-২৪॥