Utshovসর্গ 60
60.1
তপো বল হতান্ জ্ঞাত্বা বাসিষ্ঠান্ স মহোদয়ান্ ।
ঋষি মধ্যে মহাতেজা বিহ্বামিত্রো অভ্যভাষত ॥১-৬০-১॥
60.2
অয়ম্ ইক্ষ্বাকু দায়াদঃ ত্রিশংকুঃ ইতি বিশ্রুতঃ ।
ধর্মিষ্ঠঃ চ বদান্যঃ চ মাম্ চৈব শরণম্ গতঃ ॥১-৬০-২॥
60.3
স্বেন অনেন শরীরেণ দেব লোক জিগীষয়া ।
যথা অয়ম্ স্ব শরীরেণ দেব লোকম্ গমিষ্যতি ॥১-৬০-৩॥
60.4
তথা প্রবর্ত্যতাম্ যজ্ঞো ভবদ্ভিঃ চ ময়া সহ ।
বিশ্বামিত্র বচঃ শ্রুত্বা সর্ব এব মহর্ষয়ঃ ॥১-৬০-৪॥
60.5
ঊচুঃ সমেতাঃ সহসা ধর্মজ্ঞা ধর্ম সংহিতম্ ।
অয়ম্ কুশিক দায়াদো মুনিঃ পরম কোপনঃ ॥১-৬০-৫॥
60.6
যৎ আহ বচনম্ সম্যক্ এতৎ কার্যম্ ন সংশয়ঃ ।
অগ্নি কল্পো হি ভগবান্ শাপম্ দাস্যতি রোষিতঃ ॥১-৬০-৬॥
60.7
তস্মাৎ প্রবর্ত্যতাম্ যজ্ঞঃ স শরীরো যথা দিবম্ ।
গচ্ছেৎ ইক্ষ্বাকু দায়াদো বিশ্বামিত্রস্য তেজসা ॥১-৬০-৭॥
60.8
ততঃ প্রবর্ত্যতাম্ যজ্ঞঃ সর্বে সমধিতিষ্ঠত ।
এবম্ উক্ত্বা মহর্ষয়ঃ সংজহ্রুঃ তাঃ ক্রিয়াঃ তদা ॥১-৬০-৮॥
60.9
যাজকঃ চ মহাতেজা বিশ্বামিত্রো অভবৎ ক্রতৌ ।
ঋত্বিজঃ চ আনুপূর্ব্যেণ মংত্রবৎ মংত্র কোবিদাঃ ॥১-৬০-৯॥
60.10
চক্রুঃ সর্বাণি কর্মাণি যথা কল্পম্ যথা বিধি ।
ততঃ কালেন মহতা বিশ্বামিত্রো মহাতপাঃ ॥১-৬০-১০॥
60.11
চকার আবাহনম্ তত্র ভাগ অর্থম্ সর্ব দেবতাঃ ।
ন অভ্যাগমন্ তদা ভাগ অর্থম্ সর্ব দেবতাঃ ॥১-৬০-১১॥
60.12
ততঃ কোপ সমাবিষ্টো বিশ্বমিত্রো মহামুনিঃ ।
স্রুবম্ উদ্যম্য স ক্রোধঃ ত্রিশংকুম্ ইদম্ অব্রবীৎ ॥১-৬০-১২॥
60.13
পশ্য মে তপসো বীর্যম্ স্ব আর্জিতস্য নর ঈশ্বর ।
এষ ত্বাম্ স্ব শরীরেণ নয়ামি স্বর্গম্ ওজসা ॥১-৬০-১৩॥
60.14
দুষ্প্রাপম্ স্ব শরীরেণ দিবম্ গচ্ছ নর অধিপ ।
স্বার্জিতম্ কিংচিৎ অপি অস্তি ময়া হি তপসঃ ফলম্ ॥১-৬০-১৪॥
60.15
রাজন্ ত্বম্ তেজসা তস্য স শরীরো দিবম্ ব্রজ ।
উক্ত বাক্যে মুনৌ তস্মিন্ স শরীরো নর ঈশ্বরঃ ॥১-৬০-১৫॥
60.16
দিবম্ জগাম কাকুত্স্থ মুনীনাম্ পশ্যতাম্ তদা ।
স্বর্গ লোকম্ গতম্ দৃষ্ট্বা ত্রিশংকুম্ পাক শাসনঃ ॥১-৬০-১৬॥
60.17
সহ সর্বৈঃ সুর গণৈঃ ইদম্ বচনম্ অব্রবীৎ ।
ত্রিশংকো গচ্ছ ভূয়ঃ ত্বম্ ন অসি স্বর্গ কৃত আলয়ঃ ॥১-৬০-১৭॥
60.18
গুরু শাপ হতো মূঢ পত ভূমিম্ অবাগ্ শিরাঃ ।
এবম্ উক্তো মহেন্দ্রেণ ত্রিশংকুঃ অপতৎ পুনঃ ॥১-৬০-১৮॥
60.19
বিক্রোশমানঃ ত্রাহি ইতি বিশ্বামিত্রম্ তপো ধনম্ ।
তৎ শ্রুত্বা বচনম্ তস্য ক্রোশমানস্য কৌশিকঃ ॥১-৬০-১৯॥
60.20
রোষম্ আহারয়ৎ তীব্রম্ তিষ্ঠ তিষ্ঠ ইতি চ অব্রবীৎ ।
ঋষি মধ্যে স তেজস্বী প্রজাপতিঃ ইব অপরঃ ॥১-৬০-২০॥
60.21
সৃজন্ দক্ষিণ মার্গস্থান্ সপ্ত ঋষীন্ অপরান্ পুনঃ ।
নক্ষত্র বংশ পরংপরম্ অসৃজৎ ক্রোধ মূর্ছিতঃ ॥১-৬০-২১॥
60.22
দক্ষিণাম্ দিশম্ আস্থায় মুনি মধ্যে মহায়শাঃ ।
সৃষ্ট্বা নক্ষত্র বংশম্ চ ক্রোধেন কলুষী কৃতঃ ॥১-৬০-২২॥
60.23
অন্যম্ ইংদ্রম্ করিষ্যামি লোকো বা স্যাৎ অনিংদ্রকঃ ।
দৈবতানি অপি স ক্রোধাৎ স্রষ্টুম্ সমুপচক্রমে ॥১-৬০-২৩॥
60.24
ততঃ পরম সংভ্রান্তাঃ স ঋষি সংঘাঃ সুর অসুরাঃ ।
বিশ্বামিত্রম্ মহাত্মানম্ ঊচুঃ স অনুনয়ম্ বচঃ ॥১-৬০-২৪॥
60.25
অয়ম্ রাজা মহাভাগ গুরু শাপ পরিক্ষতঃ ।
স শরীরো দিবম্ যাতুম্ ন অর্হতি এব তপো ধন ॥১-৬০-২৫॥
60.26
তেষাম্ তৎ বচনম্ শ্রুত্বা দেবানাম্ মুনি পুংগবঃ ।
অব্রবীৎ সু মহৎ বাক্যম্ কৌশিকঃ সর্ব দেবতাঃ ॥১-৬০-২৬॥
60.27
স শরীরস্য ভদ্রম্ বঃ ত্রিহন্কোঃ অস্য ভূপতেঃ ।
আরোহণম্ প্রতিজ্ঞাতম্ ন অনৃতম্ কর্তুম্ উত্সহে ॥১-৬০-২৭॥
60.28
স্বর্গো অস্তু স শরীরস্য ত্রিশংকোঃ অস্য শাশ্বতঃ ।
নক্ষত্রাণি চ সর্বাণি মামকানি ধ্রুবাণি অথ ॥১-৬০-২৮॥
60.29
যাবৎ লোকা ধরিষ্যন্তি তিষ্ঠন্তি এতানি সর্বশঃ ।
যৎ কৃতানি সুরাঃ সর্বে তৎ অনুজ্ঞাতুম্ অর্হথ ॥১-৬০-২৯॥
60.30
এবম্ উক্তাঃ সুরাঃ সর্বে প্রতি ঊচুঃ মুনি পুংগবম্ ।
এবম্ ভবতু ভদ্রম্ তে তিষ্ঠন্তু এতানি সর্বশঃ ॥১-৬০-৩০॥
60.31
গগনে তানি অনেকানি বৈশ্বানর পথাৎ বহিঃ ।
নক্ষত্রাণি মুনি শ্রেষ্ঠ তেষু জ্যোতিঃষু জাজ্বলন্ ॥১-৬০-৩১॥
60.32
অবাগ্ শিরাঃ ত্রিশংকুঃ চ তিষ্ঠতু অমর সংনিভঃ ।
অনুয়াস্যন্তি চ এতানি জ্যোতীন্ষি নৃপ সত্তমম্ ॥১-৬০-৩২॥
60.33
কৃতার্থম্ কীর্তিমন্তম্ চ স্বর্গ লোক গতম্ যথা ।
বিশ্বামিত্রঃ তু ধর্মাত্মা সর্ব দেবৈঃ অভিষ্টুতঃ ॥১-৬০-৩৩॥
60.34
ঋষি মধ্যে মহাতেজা বাঢম্ ইতি আহ দেবতাঃ ।
ততো দেবা মহাত্মানো ঋষয়ঃ চ তপো ধনাঃ ।জগ্মুঃ যথা আগতম্ সর্বে যজ্ঞস্য অন্তে নরোত্তম ॥১-৬০-৩৪॥