Utshovসর্গ 59
59.1
উক্ত বাক্যম্ তু রাজানম্ কৃপয়া কুশিক আত্মজঃ ।
অব্রবীৎ মধুরম্ বাক্যম্ সাক্ষাৎ চণ্ডালতাম্ গতম্ ॥১-৫৯-১॥
59.2
ইক্ষ্বাকো স্বাগতম্ বত্স জানামি ত্বাম্ সুধার্মিকম্ ।
শরণম্ তে ভবিষ্যামি মা ভৈষীঃ নৃপ পুংগব ॥১-৫৯-২॥
59.3
অহম্ আমংত্রয়ে সর্বান্ মহর্ষীন্ পুণ্য কর্মণঃ ।
যজ্ঞ সাহ্য করান্ রাজন্ ততো যক্ষ্যসি নির্বৃতঃ ॥১-৫৯-৩॥
59.4
গুরু শাপ কৃতম্ রূপম্ যৎ ইদম্ ত্বয়ি বর্ততে ।
অনেন সহ রূপেণ স শরীরো গমিষ্যসি ॥১-৫৯-৪॥
59.5
হস্ত প্রাপ্তম্ অহম্ মন্যে স্বর্গম্ তব নরেশ্বর ।
যঃ ত্বম্ কৌশিকম্ আগম্য শরণ্যম্ শরণাগতঃ ॥১-৫৯-৫॥
59.6
এবম্ উক্ত্বা মহাতেজাঃ পুত্রান্ পরম ধার্মিকান্ ।
ব্যাদিদেশ মহাপ্রাজ্ঞান্ যজ্ঞ সংভার কারণাৎ ॥১-৫৯-৬॥
59.7
সর্বান্ শিষ্যান্ সমাহূয় বাক্যম্ এতৎ উবাচ হ ।
সর্বান্ ঋষি বরান্ বশিষ্ঠান্ আনয়ধ্বম্ মম আজ্ঞয়া ॥১-৫৯-৭॥
59.8
স শিষ্যান্ সুহৃদঃ চৈব স ঋত্বিজঃ সুবহু শ্রুতান্ ।
যৎ অন্যো বচনম্ ব্রূয়াৎ মৎ বাক্য বল চোদিতঃ ॥১-৫৯-৮॥
59.9
তৎ সর্বম্ অখিলেন উক্তম্ মম আখ্যেয়ম্ অনাদৃতম্ ।
তস্য তৎ বচনম্ শ্রুত্বা দিশো জগ্মুঃ তৎ আজ্ঞয়া ॥১-৫৯-৯॥
59.10
আজগ্মুঃ অথ দেশেভ্যঃ সর্বেভ্যো ব্রহ্ম বাদিনঃ ।
তে চ শিষ্যাঃ সমাগম্য মুনিম্ জ্বলিত তেজসম্ ॥১-৫৯-১০॥
59.11
ঊচুঃ চ বচনম্ সর্বে সর্বেষাম্ ব্রহ্ম বাদিনাম্ ।
শ্রুত্বা তে বচনম্ সর্বে সমায়ান্তি দ্বিজাতয়ঃ ॥১-৫৯-১১॥
59.12
সর্ব দেশেষু চ অগচ্ছন্ বর্জয়িত্বা মহাউদয়ম্ ।
বাসিষ্ঠম্ তৎ শতম্ সর্বম্ ক্রোধ পর্যাকুল অক্ষরম্ ॥১-৫৯-১২॥
59.13
যথা আহ বচনম্ সর্বম্ শৃণু ত্বম্ মুনি পুংগব ।
ক্ষত্রিয়ো যাজকো যস্য চণ্ডালস্য বিশেষতঃ ॥১-৫৯-১৩॥
59.14
কথম্ সদসি ভোক্তারো হবিঃ তস্য সুর ঋষয়ঃ ।
ব্রাহ্মণা বা মহাত্মানো ভুক্ত্বা চণ্ডাল ভোজনম্ ॥১-৫৯-১৪॥
59.15
কথম্ স্বর্গম্ গমিষ্যন্তি বিশ্বামিত্রেণ পালিতাঃ ।
এতৎ বচনম্ নৈষ্ঠুর্যম্ ঊচুঃ সংরক্ত লোচনাঃ ॥১-৫৯-১৫॥
59.16
বাসিষ্ঠা মুনি শার্দূল সর্বে সহ মহোদয়াঃ ।
তেষাম্ তৎ বচনম্ শ্রুত্বা সর্বেষাম্ মুনি পুংগবঃ ॥১-৫৯-১৬॥
59.17
ক্রোধ সংরক্ত নয়নঃ স রোষম্ ইদম্ অব্রবীৎ ।
যৎ দূষয়ন্তি অদুষ্টম্ মাম্ তপ উগ্রম্ সংআস্থিতম্ ॥১-৫৯-১৭॥
59.18
ভস্মী ভূতা দুরাত্মানো ভবিষ্যন্তি ন সংশয়ঃ ।
অদ্য তে কাল পাশেন নীতা বৈবস্তব ক্ষয়ম্ ॥১-৫৯-১৮॥
59.19
সপ্ত জাতি শতানি এব মৃতপাঃ সন্তু সর্বশঃ ।
শ্ব মাংস নিয়ত আহারা মুষ্টিকা নাম নির্ঘৃণাঃ ॥১-৫৯-১৯॥
59.20
বিকৃতাঃ চ বিরূপাঃ চ লোকান্ অনুচরন্তু ইমান্ ।
মহোদয়ঃ চ দুর্বুদ্ধিঃ মাম্ অদূষ্যম্ হি অদূষয়ৎ ॥১-৫৯-২০॥
59.21
দূষিতঃ সর্ব লোকেষু নিষাদত্বম্ গমিষ্যতি ।
প্রাণ অতিপাত নিরতো নিরনুক্রোশতাম্ গতঃ ॥১-৫৯-২১॥
59.22
দীর্ঘ কালম্ মম ক্রোধাৎ দুর্গতিম্ বর্তয়িষ্যতি ।
এতাবৎ উক্ত্বা বচনম্ বিশ্বামিত্রো মহাতপাঃ ।বিররাম মহাতেজা ঋষি মধ্যে মহামুনিঃ ॥১-৫৯-২২॥