সর্গ 58

58.1

ততঃ সংতপ্ত হৃদয়ঃ স্মরন্ নিগ্রহম্ আত্মনঃ ।
বিনিঃশ্বস্য বিনিঃশ্বস্য কৃত বৈরো মহাত্মনা ॥১-৫৭-১॥

স দক্ষিণাম্ দিশম্ গত্বা মহিষ্যা সহ রাঘব ।
ততাপ পরমম্ ঘোরম্ বিশ্বামিত্রো মহাতপাঃ ॥১-৫৭-২॥

ফল মূল অশনো দান্তৈঃ চচার মহৎ তপঃ ।
অথ অস্য জজ্ঞিরে পুত্রাঃ সত্য ধর্ম পরায়ণাঃ ॥১-৫৭-৩॥

হবিষ্পন্দো মধুষ্যন্দো দৃঢনেত্রো মহারথঃ ।
পূর্ণে বর্ষ সহস্রে তু ব্রহ্মা লোক পিতামহঃ ॥১-৫৭-৪॥

অব্রবীৎ মধুরম্ বাক্যম্ বিশ্বামিত্রম্ তপো ধনম্ ।
জিতা রাজর্ষি লোকাঃ তে তপসা কুশিক আত্মজ ॥১-৫৭-৫॥

অনেন তপসা ত্বাম্ হি রাজ ঋষির্ ইতি বিদ্মহে ।
এবম্ উক্ত্বা মহাতেজা জগাম সহ দৈবতৈঃ ॥১-৫৭-৬॥

ত্রিবিষ্টপম্ ব্রহ্ম লোকম্ লোকানাম্ পরম ঈশ্বরঃ ।
বিশ্বামিত্রো অপি তৎ শ্রুত্বা হ্রিয়া কিংচিৎ অবাঙ্মুখঃ ॥১-৫৭-৭॥

দুঃখেন মহতা আবিষ্টঃ স মন্যুঃ ইদম্ অব্রবীৎ ।
তপঃ চ সুমহৎ তপ্তম্ রাজ ঋষির্ ইতি মাম্ বিদুঃ ॥১-৫৭-৮॥

দেবাঃ স ঋষি গণাঃ সর্বে ন অস্তি মন্যে তপঃ ফলম্ ।
এবম্ নিশ্চিত্য মনসা ভূয় এব মহাতপাঃ ॥১-৫৭-৯॥

তপঃ চচার কাকুত্স্থ পরমম্ পরম আত্মবান্ ।
এতস্মিন্ এব কালে তু সত্য বাদী জিত ইন্দ্রিয়ঃ ॥১-৫৭-১০॥

ত্রিশংকুঃ ইতি বিখ্যাত ইক্ষ্বাকু কুল বর্ধনঃ ।
তস্য বুদ্ধিঃ সমুত্পন্না যজেয়ম্ ইতি রাঘব ॥১-৫৭-১১॥

গচ্ছেয়ম্ স্ব শরীরেণ দেবানাম্ পরমাম্ গতিম্ ।
বসিষ্ঠম্ স সমাহূয় কথয়ামাস চিন্তিতম্ ॥১-৫৭-১২॥

অশক্যম্ ইতি চ অপি উক্তো বসিষ্ঠেন মহাত্মনা ।
প্রত্যাখ্যাতো বসিষ্ঠেন স যয়ৌ দক্ষিণাম্ দিশম্ ॥১-৫৭-১৩॥

ততঃ তৎ কর্ম সিদ্ধি অর্থম্ পুত্রান্ তস্য গতো নৃপঃ ।
বাসিষ্ঠা দীর্ঘ তপসঃ তপো যত্র হি তেপিরে ॥১-৫৭-১৪॥

ত্রিশংকুঃ সুমহাতেজাঃ শতম্ পরম ভাস্বরম্ ।
বসিষ্ঠ পুত্রান্ দদৃশে তপ্যমানান্ যশস্বিনঃ ॥১-৫৭-১৫॥

সো অভিগম্য মহাত্মানঃ সর্বান্ এব গুরোঃ সুতান্ ।
অভিবাদ্য আনুপূর্ব্যেণ হ্রিয়া কিংচিৎ অবাঙ্মুখঃ ॥১-৫৭-১৬॥

অব্রবীৎ স মহাত্মনঃ সর্বান্ এব কৃতাংজলিঃ ।
শরণম্ বঃ প্রপদ্যে অহম্ শরণ্যান্ শরণাগতঃ ॥১-৫৭-১৭॥

প্রত্যাখ্যাতো অস্মি ভদ্রম্ বো বসিষ্ঠেন মহাত্মনা ।
যষ্টু কামো মহায়জ্ঞম্ তৎ অনুজ্ঞাতুম্ অর্থথ ॥১-৫৭-১৮॥

গুরু পুত্রান্ অহম্ সর্বান্ নমস্ কৃত্য প্রসাদয়ে ।
শিরসা প্রণতো যাচে ব্রাহ্মণান্ তপসি স্থিতান্ ॥১-৫৭-১৯॥

তে মাম্ ভবন্তঃ সিদ্ধি অর্থম্ যাজয়ংতু সমাহিতাঃ ।
স শরীরো যথা অহম্ বৈ দেব লোকম্ অবাপ্নুয়াম্ ॥১-৫৭-২০॥

প্রত্যাখ্যাতো বসিষ্ঠেন গতিম্ অন্যাম্ তপো ধনাঃ ।
গুরু পুত্রান্ ঋতে সর্বান্ ন অহম্ পশ্যামি কাংচন ॥১-৫৭-২১॥

ইক্ষ্বাকূণাম্ হি সর্বেষাম্ পুরোধাঃ পরমা গতিঃ ।
তস্মাৎ অনংতরম্ সর্বে ভবন্তো দৈবতম্ মম ॥১-৫৭-২২॥