Utshovসর্গ 57
57.1
ততঃ ত্রিশংকোঃ বচনম্ শ্রুত্বা ক্রোধ সমন্বিতম্ ।
ঋষি পুত্র শতম্ রাম রাজানম্ ইদম্ অব্রবীৎ ॥১-৫৮-১॥
57.2
প্রত্যাখ্যাতো অসি দুর্বুদ্ধে গুরুণা সত্য বাদিনা ।
তম্ কথম্ সমতিক্রম্য শাখা অন্তরম্ উপেয়িবান্ ॥১-৫৮-২॥
57.3
ইক্ষ্বাকূণাম্ হি সর্বেষাম্ পুরোধাঃ পরমা গতিঃ ।
ন চ অতিক্রমিতুম্ শক্যম্ বচনম্ সত্য বাদিনঃ ॥১-৫৮-৩॥
57.4
অশক্যম্ ইতি স উবাচ বসিষ্ঠো ভগবান্ ঋষিঃ ।
তম্ বয়ম্ বৈ সমাহর্তুম্ ক্রতুম্ শক্তাঃ কথংচন ॥১-৫৮-৪॥
57.5
বালিশঃ ত্বম্ নর শ্রেষ্ঠ গম্যতাম্ স্ব পুরম্ পুনঃ ।
যাজনে ভগবান্ শক্তঃ ত্রৈলোক্যস্য অপি পার্থিব ॥১-৫৮-৫॥
57.6
অবমানম্ কথম্ কর্তুম্ তস্য শক্ষায়ামহে বয়ম্ ।
তেষাম্ তদ্ বচনম্ শ্রুত্বা ক্রোধ পর্যাকুল অক্ষরম্ ॥১-৫৮-৬॥
57.7
স রাজা পুনঃ এব এতান্ ইদম্ বচনম্ অব্রবীৎ ।
প্রত্যাখ্যাতো ভগবতা গুরু পুত্রৈঃ তথৈব হি ॥১-৫৮-৭॥
57.8
অন্যাম্ গতিম্ গমিষ্যামি স্বস্তি বো অস্তু তপো ধনাঃ ।
ঋষি পুত্রাঃ তু তৎ শ্রুত্বা বাক্যম্ ঘোর অভিসংহিতম্ ॥১-৫৮-৮॥
57.9
শেপুঃ পরম সংক্রুদ্ধাঃ চণ্ডালত্বম্ গমিষ্যসি ।
ইতি উক্ত্বা তে মহাত্মানো বিবিশুঃ স্বম্ স্বম্ আশ্রমম্ ॥১-৫৮-৯॥
57.10
অথ রাত্র্যাম্ ব্যতীতায়াম্ রাজা চণ্ডালতাম্ গতঃ ।
নীল বস্ত্র ধরো নীলঃ পরুষো ধ্বস্ত মূর্ধজঃ ॥১-৫৮-১০॥
57.11
চিত্য মাল্য অনুলেপঃ চ আয়স আভরণো অভবৎ ।
তম্ দৃষ্ট্বা মংত্রিণঃ সর্বে ত্যজ্য চণ্ডাল রূপিণম্ ॥১-৫৮-১১॥
57.12
প্রাদ্রবন্ সহিতা রাম পৌরা যে অস্য অনুগামিনঃ ।
একো হি রাজা কাকুত্স্থ জগাম পরম আত্মবান্ ॥১-৫৮-১২॥
57.13
দহ্যমানো দিবা রাত্রম্ বিশ্বামিত্রম্ তপো ধনম্ ।
বিশ্বামিত্রঃ তু তম্ দৃষ্ট্বা রাজানম্ বিফলী কৃতম্ ॥১-৫৮-১৩॥
57.14
চণ্ডাল রূপিণম্ রাম মুনিঃ কারুণ্যম্ আগতঃ ।
কারুণ্যাৎ স মহাতেজা বাক্যম্ পরম ধার্মিকঃ ॥১-৫৮-১৪॥
57.15
ইদম্ জগাদ ভদ্রম্ তে রাজানম্ ঘোর দর্শনম্ ।
কিম্ আগমন কার্যম্ তে রাজপুত্র মহাবল ॥১-৫৮-১৫॥
57.16
অয়োধ্যা অধিপতে বীর শাপাৎ চণ্ডালতাম্ গতঃ ।
অথ তৎ বাক্যম্ আকর্ণ্য রাজা চণ্ডালতাম্ গতঃ ॥১-৫৮-১৬॥
57.17
অব্রবীৎ প্রাংজলিঃ বাক্যম্ বাক্যজ্ঞো বাক্য কোবিদম্ ।
প্রত্যাখ্যাতো অস্মি গুরুণা গুরু পুত্রৈঃ তথা এব চ ॥১-৫৮-১৭॥
57.18
অনবাপ্য এব তম্ কামম্ ময়া প্রাপ্তো বিপর্যয়ঃ ।
স শরীরো দিবম্ যায়ামি ইতি মে সৌম্য দর্শন ॥১-৫৮-১৮॥
57.19
ময়া চ ইষ্টম্ ক্রতু শতম্ তৎ চ ন অবাপ্যতে ফলম্ ।
অনৃতম্ ন উক্ত পূর্বম্ মে ন চ বক্ষ্যে কদাচন ॥১-৫৮-১৯॥
57.20
কৃচ্ছ্রেষু অপি গতঃ সৌম্য ক্ষত্র ধর্মেণ তে শপে ।
যজ্ঞৈঃ বহু বিধৈঃ ইষ্টম্ প্রজা ধর্মেণ পালিতাঃ ॥১-৫৮-২০॥
57.21
গুরবঃ চ মহাত্মানঃ শীল বৃত্তেন তোষিতাঃ ।
ধর্মে প্রয়তমানস্য যজ্ঞম্ চ আহর্তুম্ ইচ্ছতঃ ॥১-৫৮-২১॥
57.22
পরিতোষম্ ন গচ্ছন্তি গুরবো মুনিপুংগব ।
দৈবম্ এব পরম্ মন্যে পৌরুষম্ তু নিরর্থকম্ ॥১-৫৮-২২॥
57.23
দৈবেন আক্রম্যতে সর্বম্ দৈবম্ হি পরমা গতিঃ ।
তস্য মে পরম আর্তস্য প্রসাদম্ অভিকাংক্ষতঃ ।কর্তুম্ অর্হসি ভদ্রম্ তে দৈব উপহত কর্মণঃ ॥১-৫৮-২৩॥
57.24
ন অন্যাম্ গতিম্ গমিষ্যামি ন অন্যঃ শরণম্ অস্তি মে ।
দৈবম্ পুরুষ কারেণ নিবর্তয়িতুম্ অর্হসি ॥১-৫৮-২৪॥