Utshovসর্গ 56
56.1
এবম্ উক্তো বসিষ্ঠেন বিশ্বামিত্রো মহাবলঃ ।
আগ্নেয়ম্ অস্ত্রম্ উত্ক্ষিপ্য তিষ্ঠ তিষ্ঠ ইতি চ অব্রবীৎ ॥১-৫৬-১॥
56.2
ব্রহ্মদণ্ডম্ সমুদ্যম্য কাল দণ্ডম্ ইব অপরম্ ।
বসিষ্ঠো ভগবান্ ক্রোধাৎ ইদম্ বচনম্ অব্রবীৎ ॥১-৫৬-২॥
56.3
ক্ষত্র বন্ধো স্থিতো অস্মি এষ যদ্ বলম্ তদ্ বিদর্শয় ।
নাশয়ামি অদ্য তে দর্পম্ শস্ত্রস্য তব গাধিজ ॥১-৫৬-৩॥
56.4
ক্ব চ তে ক্ষত্রিয় বলম্ ক্ব চ ব্রহ্ম বলম্ মহৎ ।
পশ্য ব্রহ্ম বলম্ দিব্যম্ মম ক্ষত্রিয় পাংসন ॥১-৫৬-৪॥
56.5
তস্য অস্ত্রম্ গাধি পুত্রস্য ঘোরম্ আগ্নেয়ম্ উত্তমম্ ।
ব্রহ্ম দণ্ডেন তৎ শাংতম্ অগ্নেঃ বেগ ইব অংভসা ॥১-৫৬-৫॥
56.6
বারুণম্ চৈব রৌদ্রম্ চ ঐন্দ্রম্ পাশুপতম্ তথা ।
ঐষীকম্ চ অপি চিক্ষেপ রুষিতো গাধি নংদনঃ ॥১-৫৬-৬॥
56.7
মানবম্ মোহনম্ চৈব গাংধর্বম্ স্বাপনম্ তথা ।
জৃংভণম্ মদানম্ চৈব সংতাপন বিলাপনে ॥১-৫৬-৭॥
56.8
শোষণম্ দারণম্ চৈব বজ্রম্ অস্ত্রম্ সুদুর্জয়ম্ ।
ব্রহ্ম পাশম্ কাল পাশম্ বারুণম্ পাশম্ এব চ ॥১-৫৬-৮॥
56.9
পিনাকম্ অস্ত্রম্ চ দয়িতম্ শুষ্ক আর্দ্রে অশনী তথা ।
দণ্ড অস্ত্রম্ অথ পৈশাচম্ ক্রৌন্চম্ অস্ত্রম্ তথৈব চ ॥১-৫৬-৯॥
56.10
ধর্ম চক্রম্ কাল চক্রম্ বিষ্ণু চক্রম্ তথৈব চ ।
বায়ব্যম্ মথনম্ চৈব অস্ত্রম্ হয় শিরঃ তথা ॥১-৫৬-১০॥
56.11
শক্তি দ্বয়ম্ চ চিক্ষেপ কংকালম্ মুসলম্ তথা ।
বৈদ্যাধরম্ মহাঅস্ত্রম্ চ কালাস্ত্রম্ অথ দারুণম্ ॥১-৫৬-১১॥
56.12
ত্রিশূলম্ অস্ত্রম্ ঘোরম্ চ কাপালম্ অথ কংকণম্ ।
এতানি অস্ত্রাণি চিক্ষেপ সর্বাণি রঘু নংদন ॥১-৫৬-১২॥
56.13
বসিষ্ঠে জপতাম্ শ্রেষ্ঠে তদ্ অদ্ভুতম্ ইব অভবৎ ।
তানি সর্বাণি দণ্ডেন গ্রসতে ব্রহ্মণঃ সুতঃ ॥১-৫৬-১৩॥
56.14
তেষু শাংতেষু ব্রহ্মাস্ত্রম্ ক্ষিপ্তবান্ গাধি নংদনঃ ।
তৎ অস্ত্রম্ উদ্যতম্ দৃষ্ট্বা দেবাঃ স অগ্নি পুরোগমাঃ ॥১-৫৬-১৪॥
56.15
দেব ঋষয়ঃ চ সংভ্রাংতা গংধর্বাঃ স মহা উরগাঃ ।
ত্রৈলোক্যম্ আসীৎ সংত্রস্তম্ ব্রহ্মাস্ত্রে সমুদীরিতে ॥১-৫৬-১৫॥
56.16
তৎ অপি অস্ত্রম্ মহাঘোরম্ ব্রাহ্মম্ ব্রাহ্মেণ তেজসা ।
বসিষ্ঠো গ্রসতে সর্বম্ ব্রহ্ম দণ্ডেন রাঘব ॥১-৫৬-১৬॥
56.17
ব্রহ্ম অস্ত্রম্ গ্রসমানস্য বসিষ্ঠস্য মহাত্মনঃ ।
ত্রৈলোক্য মোহনম্ রৌদ্রম্ রূপম্ আসীৎ সুদারুণম্ ॥১-৫৬-১৭॥
56.18
রোম কূপেষু সর্বেষু বসিষ্ঠস্য মহাত্মনঃ ।
মরীচ্য ইব নিষ্পেতুঃ অগ্নেঃ ধূম আকুল অর্চিষঃ ॥১-৫৬-১৮॥
56.19
প্রাজ্বলৎ ব্রহ্ম দণ্ডঃ চ বসিষ্ঠস্য কর উদ্যতঃ ।
বিধূম ইব কাল অগ্নিঃ যম দণ্ড ইব অপরঃ ॥১-৫৬-১৯॥
56.20
ততো অস্তুবন্ মুনি গণা বসিষ্ঠম্ জপতাম্ বরম্ ।
অমোঘম্ তে বলম্ ব্রহ্মন্ তেজো ধারয় তেজসা ॥১-৫৬-২০॥
56.21
নিগৃহীতঃ ত্বয়া ব্রহ্মন্ বিশ্বামিত্রো মহাতপাঃ ।
প্রসীদ জপতাম্ শ্রেষ্ঠ লোকাঃ সন্তু গত ব্যথাঃ ॥১-৫৬-২১॥
56.22
এবম্ উক্তো মহাতেজাঃ শমম্ চক্রে মহাতপাঃ ।
বিশ্বামিত্রো অপি নিকৃতো বিনিঃশ্বস্য ইদম্ অব্রবীৎ ॥১-৫৬-২২॥
56.23
ধিক্ বলম্ ক্ষত্রিয় বলম্ ব্রহ্ম তেজো বলম্ বলম্ ।
একেন ব্রহ্ম দণ্ডেন সর্ব অস্ত্রাণি হতানি মে ॥১-৫৬-২৩॥
56.24
তৎ এতৎ সমবেক্ষ্য অহম্ প্রসন্ন ইন্দ্রিয় মানসঃ ।
তপো মহৎ সমাস্থাস্যে যৎ বৈ ব্রহ্মত্ব কারণম্ ॥১-৫৬-২৪॥