Utshovসর্গ 55
55.1
ততঃ তান্ আকুলান্ দৃষ্ট্বা বিশ্বামিত্র অস্ত্র মোহিতান্ ।
বসিষ্ঠঃ চোদয়ামাস কাম ধুক্ সৃজ যোগতঃ ॥১-৫৫-১॥
55.2
তস্যা হুংকারতো জাতাঃ কাংবোজা রবি সন্নিভাঃ ।
ঊধসঃ তু অথ সংজাতাঃ পহ্লবাঃ শস্ত্র পাণয়ঃ ॥১-৫৫-২॥
55.3
যোনি দেশাৎ চ যবনঃ শকৃ দেশাৎ শকাঃ তথা ।
রোম কূপেষু ম্লেচ্ছাঃ চ হারীতাঃ স কিরাতকাঃ ॥১-৫৫-৩॥
55.4
তৈঃ তৎ নিষূদিতম্ সৈন্যম্ বিশ্বমিত্রস্য তৎ ক্ষণাৎ ।
স পদাতি গজম্ স অশ্বম্ স রথম্ রঘুনংদন ॥১-৫৫-৪॥
55.5
দৃষ্ট্বা নিষূদিতম্ সৈন্যম্ বসিষ্ঠেন মহাত্মনা ।
বিশ্বামিত্র সুতানাম্ তু শতম্ নানা বিধ আয়ুধম্ ॥১-৫৫-৫॥
55.6
অভ্যধাবৎ সুসংক্রুদ্ধম্ বসিষ্ঠম্ জপতাম্ বরম্ ।
হুম্ কারেণ এব তান্ সর্বান্ নির্দদাহ মহান্ ঋষিঃ ॥১-৫৫-৬॥
55.7
তে স অশ্ব রথ পাদাতা বসিষ্ঠেন মহাত্মনা ।
ভস্মী কৃতা মুহূর্তেন বিশ্বামিত্র সুতাঃ তদা ॥১-৫৫-৭॥
55.8
দৃষ্ট্বা বিনাশিতান্ পুত্রান্ বলম্ চ সুমহা যশাঃ ।
স ব্রীডঃ চিংতয়া আবিষ্টো বিশ্বামিত্রো অভবৎ তদা ॥১-৫৫-৮॥
55.9
সমুদ্র ইব নির্বেগো ভগ্ন দংষ্ট্র ইব উরগঃ ।
উপরক্ত ইব আদিত্যঃ সদ্যো নিষ্প্রভতাম্ গতঃ ॥১-৫৫-৯॥
55.10
হত পুত্র বলো দীনো লূন পক্ষ ইব দ্বিজঃ ।
হত সর্ব বল উত্সাহো নির্বেদম্ সমপদ্যত ॥১-৫৫-১০॥
55.11
স পুত্রম্ একম্ রাজ্যায় পালয় ইতি নিয়ুজ্য চ ।
পৃথিবীম্ ক্ষত্র ধর্মেণ বনম্ এব অন্বপদ্যত ॥১-৫৫-১১॥
55.12
স গত্বা হিমবৎ পার্শ্বম্ কিংনর উরগ সেবিতম্ ।
মহাদেব প্রসাদ অর্থম্ তপঃ তেপে মহাতপাঃ ॥১-৫৫-১২॥
55.13
কেনচিৎ তু অথ কালেন দেবেশো বৃষভ ধ্বজঃ ।
দর্শয়ামাস বরদো বিশ্বামিত্রম্ মহামুনিম্ ॥১-৫৫-১৩॥
55.14
কিম্ অর্থম্ তপ্যসে রাজন্ ব্রূহি যৎ তে বিবক্ষিতম্ ।
বরদো অস্মি বরো যঃ তে কাংক্ষিতঃ সো অভিধীয়তাম্ ॥১-৫৫-১৪॥
55.15
এবম্ উক্তঃ তু দেবেন বিশ্বামিত্রো মহাতপাঃ ।
প্রণিপত্য মহাদেবম্ বিশ্বামিত্রো অব্রবীৎ ইদম্ ॥১-৫৫-১৫॥
55.16
যদি তুষ্টো মহাদেব ধনুর্ বেদো মম অনঘ ।
সা অংগ উপ অংগ উপনিষদঃ স রহস্যঃ প্রদীয়তাম্ ॥১-৫৫-১৬॥
55.17
যানি দেবেষু চ অস্ত্রাণি দানবেষু মহর্ষিষু ।
গংধর্ব যক্ষ রক্ষস্সু প্রতিভাংতু মম অনঘ ॥১-৫৫-১৭॥
55.18
তব প্রসাদাৎ ভবতু দেবদেব মম ঈপ্সিতম্ ।
এবম্ অস্তু ইতি দেবেশো বাক্যম্ উক্ত্বা গতঃ তদা ॥১-৫৫-১৮॥
55.19
প্রাপ্য চ অস্ত্রাণি দেবেশাৎ বিশ্বামিত্রো মহাবলঃ ।
দর্পেণ মহতা যুক্তো দর্পপূর্ণো অভবৎ তদা ॥১-৫৫-১৯॥
55.20
বিবর্ধমানো বীর্যেণ সমুদ্র ইব পর্বণি ।
হতম্ মেনে তদা রাম বসিষ্ঠম্ ঋষি সত্তমম্ ॥১-৫৫-২০॥
55.21
ততো গত্বা আশ্রমপদম্ মুমোচ অস্ত্রাণি পার্থিবঃ ।
যৈঃ তৎ তপো বনম্ সর্বম্ নির্দগ্ধম্ চ অস্ত্র তেজসা ॥১-৫৫-২১॥
55.22
উদীর্যমাণম্ অস্ত্রম্ তৎ বিশ্বামিত্রস্য ধীমতঃ ।
দৃষ্ট্বা বিপ্রদ্রুতা ভীতা মুনয়ঃ শতশো দিশঃ ॥১-৫৫-২২॥
55.23
বসিষ্ঠস্য চ যে শিষ্যাঃ যে চ বৈ মৃগ পক্ষিণঃ ।
বিদ্রবন্তি ভয়াৎ ভীতা নানা দিক্ভ্যঃ সহস্রশঃ ॥১-৫৫-২৩॥
55.24
বসিষ্ঠস্য আশ্রমপদম্ শূন্যম্ আসীৎ মহাত্মনঃ ।
মুহূর্তম্ ইব নিঃশব্দম্ আসীৎ ঈরিণ সংনিভম্ ॥১-৫৫-২৪॥
55.25
বদতো বৈ বসিষ্ঠস্য মা ভৈ ইতি মুহুর্মুহুঃ ।
নাশয়ামি অদ্য গাধেয়ম্ নীহারম্ ইব ভাস্করঃ ॥১-৫৫-২৫॥
55.26
এবম্ উক্ত্বা মহাতেজা বসিষ্ঠো জপতাম্ বরঃ ।
বিশ্বামিত্রম্ তদা বাক্যম্ স রোষম্ ইদম্ অব্রবীৎ ॥১-৫৫-২৬॥
55.27
আশ্রমম্ চির সংবৃদ্ধম্ যৎ বিনাশিতবান্ অসি ।
দুরাচারো হি যৎ মূঢ তস্মাৎ ত্বম্ ন ভবিষ্যসি ॥১-৫৫-২৭॥
55.28
ইতি উক্ত্বা পরম ক্রুদ্ধো দণ্ডম্ উদ্যম্য সত্বরঃ ।
বিধূম ইব কাল অগ্নিঃ যম দণ্ডম্ ইব অপরম্ ॥১-৫৫-২৮॥