Utshovসর্গ 54
54.1
কামধেনুম্ বসিষ্ঠো অপি যদা ন ত্যজতে মুনিঃ ।
তদা অস্য শবলাম্ রাম বিশ্বামিত্রো অন্বকর্ষত ॥১-৫৪-১॥
54.2
নীয়মানা তু শবলা রাম রাজ্ঞা মহাত্মনা ।
দুঃখিতা চিন্তয়ামাস রুদংতী শোক কর্শিতা ॥১-৫৪-২॥
54.3
পরিত্যক্তা বসিষ্ঠেন কিম্ অহম্ সুমহাত্মনা ।
যা অহম্ রাজ ভৃতৈঃ দীনা হ্রিয়েয়ম্ ভৃশ দুঃখিতা ॥১-৫৪-৩॥
54.4
কিম্ ময়া অপকৃতম্ তস্য মহর্ষেঃ ভাবিত আত্মনঃ ।
যন্ মাম্ অনাগসম্ ভক্তাম্ ইষ্টাম্ ত্যজতি ধার্মিকঃ ॥১-৫৪-৪॥
54.5
ইতি সংচিন্তয়িত্বা তু নিঃশ্বস্য চ পুনঃ পুনঃ ।
জগাম বেগেন তদা বসিষ্ঠম্ পরম ওজসম্ ॥১-৫৪-৫॥
54.6
নির্ধূয় তাম্ তদা ভৃত্যান্ শতশঃ শত্রুসূদন ।
জগাম অনিল বেগেন পাদ মূলম্ মহাত্মনঃ ॥১-৫৪-৬॥
54.7
শবলা সা রুদন্তী চ ক্রোশন্তী চ ইদম্ অব্রবীৎ ।
বসিষ্ঠস্য অগ্রতঃ স্থিত্বা মেঘ নিঃস্বনা ॥১-৫৪-৭॥
54.8
ভগবন্ কিম্ পরিত্যক্তা ত্বয়া অহম্ ব্রহ্মণঃ সুত ।
যস্মাৎ রাজ ভটা মাম্ হি নয়ন্তে ত্বৎ সকাশতঃ ॥১-৫৪-৮॥
54.9
এবম্ উক্তঃ তু ব্রহ্মর্ষির্ ইদম্ বচনম্ অব্রবীৎ ।
শোক সংতপ্ত হৃদয়াম্ স্ব সারম্ ইব দুঃখিতাম্ ॥১-৫৪-৯॥
54.10
ন ত্বাম্ ত্যজামি শবলে ন অপি মে অপকৃতম্ ত্বয়া ।
এষ ত্বাম্ নয়তে রাজা বলাৎ মত্তঃ মহাবলঃ ॥১-৫৪-১০॥
54.11
ন হি তুল্যম্ বলম্ মহ্যম্ রাজা তু অদ্য বিশেষতঃ ।
বলী রাজা ক্ষত্রিয়ঃ চ পৃথিব্যাঃ পতিঃ এব চ ॥১-৫৪-১১॥
54.12
ইয়ম্ অক্ষৌহিণী পূর্ণা গজ বাজি রথ আকুলা ।
হস্তি ধ্বজ সমাকীর্ণা তেন অসৌ বলবত্তরঃ ॥১-৫৪-১২॥
54.13
এবম্ উক্তা বসিষ্ঠেন প্রত্যুবাচ বিনীতবৎ ।
বচনম্ বচনজ্ঞা সা ব্রহ্মর্ষিম্ অতুল প্রভম্ ॥১-৫৪-১৩॥
54.14
ন বলম্ ক্ষত্রিয়স্য আহুঃ ব্রাহ্মণো বলবত্তরঃ ।
ব্রহ্মন্ ব্রহ্ম বলম্ দিব্যম্ ক্ষত্রাৎ তু বলবত্তরম্ ॥১-৫৪-১৪॥
54.15
অপ্রমেয় বলম্ তুভ্যম্ ন ত্বয়া বলবত্তরঃ ।
বিশ্বামিত্রো মহাবীর্যঃ তেজঃ তব দুরাসদম্ ॥১-৫৪-১৫॥
54.16
নিয়ুঙ্ক্ষ্ব মাম্ মহাতেজঃ ত্বৎ ব্রহ্ম বল সংভৃতাম্ ।
তস্য দর্পম্ বলম্ যত্নম্ নাশয়ামি দুরাত্মনঃ ॥১-৫৪-১৬॥
54.17
ইতি উক্তঃ তু তয়া রাম বসিষ্ঠঃ সুমহায়শাঃ ।
সৃজস্ব ইতি তদা উবাচ বলম্ পর বল অর্দনম্ ॥১-৫৪-১৭॥
54.18
তস্য তৎ বচনম্ শ্রুত্বা সুরভিঃ সা অসৃজৎ তদা ।
তস্যা হুংভা রব উত্সৃষ্টাঃ পহ্লবাঃ শতশো নৃপ ॥১-৫৪-১৮॥
54.19
নাশয়ন্তি বলম্ সর্বম্ বিশ্বামিত্রস্য পশ্যতঃ ।
স রাজা পরম ক্রুদ্ধঃ ক্রোধ বিস্ফারিত ঈক্ষণঃ ॥১-৫৪-১৯॥
54.20
পহ্লবান্ নাশয়ামাস শস্ত্রৈঃ উচ্চাবচৈঃ অপি ।
বিশ্বামিত্র অর্দিতান্ দৃষ্ট্বা পহ্লবান্ শতশঃ তদা ॥১-৫৪-২০॥
54.21
ভূয় এব অসৃজৎ ঘোরান্ শকান্ যবন মিশ্রিতান্ ।
তৈঃ আসীৎ সংবৃতা ভূমিঃ শকৈঃ যবন মিশ্রিতৈঃ ॥১-৫৪-২১॥
54.22
প্রভাবদ্ভির্মহাবীর্যৈর্হেমকিংজল্কসন্নিভৈঃ ।
যদ্বা -প্রভাবদ্ভিঃ মহাবীর্যৈঃ হেম কিংজল্ক সংনিভৈঃ ।দীর্ঘাসিপট্টিশধরৈর্হেমবর্ণাম্বরাঅবৃতৈঃ।যদ্বা -দীর্ঘ অসি পট্টিশ ধরৈঃ হেম বর্ণ অংবর আবৃতৈঃ ॥১-৫৪-২২॥
54.23
নির্দগ্ধম্ তৎ বলম্ সর্বম্ প্রদীপ্তৈঃ ইব পাবকৈঃ ।
ততো অস্ত্রাণি মহাতেজা বিশ্বামিত্রো মুমোচ হ ।তৈঃ তৈঃ যবন কাংভোজা বর্বরাঃ চ অকুলী কৃতাঃ ॥১-৫৪-২৩॥