Utshovসর্গ 53
53.1
এবম্ উক্তা বসিষ্ঠেন শবলা শত্রু সূদন ।
বিদধে কামধুক্ কামান্ যস্য যস্য ঈপ্সিতম্ যথা ॥১-৫৩-১॥
53.2
ইক্ষূন্ মধূন্ তথা লাজান্ মৈরেয়ান্ চ বর আসবান্ ।
পানানি চ মহাঅর্হাণি ভক্ষ্যান্ চ উচ্চ অবচান্ তথা ॥১-৫৩-২॥
53.3
উষ্ণ আঢ্যস্য ওদনস্য অপি রাশয়ঃ পর্বতোপমাঃ ।
মৃষ্ট অন্নানি চ সূপাঃ চ দধি কুল্যাঃ তথৈব চ ॥১-৫৩-৩॥
53.4
নানা স্বাদু রসানাম্ চ খাণ্ডবনাম্ - ষাডবানাম্ - তথৈব চ ।
ভাজনানি -ভোজনানি - সুপূর্ণানি গৌডানি চ সহস্রশঃ ॥১-৫৩-৪॥
53.5
সর্বম্ আসীৎ সুসংতুষ্টম্ হৃষ্ট পুষ্ট জন আয়ুতম্ ।
বিশ্বামিত্র বলম্ রাম বসিষ্ঠেন সুতর্পিতম্ ॥১-৫৩-৫॥
53.6
বিশ্বামিত্রো অপি রাজর্ষিঃ হৃষ্ট পুষ্টঃ তদা অভবৎ ।
স অন্তঃ পুর বরো রাজা স ব্রাহ্মণ পুরোহিতঃ ॥১-৫৩-৬॥
53.7
স অমাত্যো মংত্রি সহিতঃ স ভৃত্যঃ পূজিতঃ তদা ।
যুক্তঃ পরম হর্ষেণ বসিষ্ঠম্ ইদম্ অব্রবীৎ ॥১-৫৩-৭॥
53.8
পূজিতো অহম্ ত্বয়া ব্রহ্মন্ পূজ অর্হেণ সুসত্কৃতঃ ।
শ্রূয়তাম্ অভিধাস্যামি বাক্যম্ বাক্য বিশারদ ॥১-৫৩-৮॥
53.9
গবাম্ শত সহস্রেণ দীয়তাম্ শবলা মম ।
রত্নম্ হি ভগবন্ এতৎ রত্ন হারী চ পার্থিবঃ ॥১-৫৩-৯॥
53.10
তস্মাৎ মে শবলাম্ দেহি মম এষা ধর্মতো দ্বিজ ।
এবম্ উক্তঃ তু ভগবান্ বসিষ্ঠো মুনি সত্তমঃ ॥১-৫৩-১০॥
53.11
বিশ্বামিত্রেণ ধর্মাত্মা প্রত্যুবাচ মহীপতিম্ ।
ন অহম্ শত সহস্রেণ ন অপি কোটি শতৈঃ গবাম্ ॥১-৫৩-১১॥
53.12
রাজন্ দাস্যামি শবলাম্ রাশিভী রজতস্য বা ।
ন পরিত্যাগম্ অর্হা ইয়ম্ মৎ সকাশাৎ অরিন্দম ॥১-৫৩-১২॥
53.13
শাশ্বতী শবলা মহ্যম্ কীর্তির্ আত্মবতো যথা ।
অস্যাম্ হব্যম্ চ কব্যম্ চ প্রাণ যাত্রা তথৈব চ ॥১-৫৩-১৩॥
53.14
আয়ত্তম্ অগ্নি হোত্রম্ চ বলিঃ হোমঃ তথৈব চ ।
স্বাহা কার বষট্ কারৌ বিদ্যাঃ চ বিবিধাঃ তথা ॥১-৫৩-১৪॥
53.15
আয়ত্তম্ অত্র রাজ ঋষে সর্বম্ এতন্ ন সংশয়ঃ ।
সর্বস্বম্ এতৎ সত্যেন মম তুষ্টি করী তথা ॥১-৫৩-১৫॥
53.16
কারণৈঃ বহুভী রাজন্ ন দাস্যে শবলাম্ তব ।
বসিষ্ঠেন এবম্ উক্তঃ তু বিশ্বামিত্রো অব্রবীৎ তদা ॥১-৫৩-১৬॥
53.17
সংরব্ধতরম্ অত্যর্থম্ বাক্যম্ বাক্য বিশারদঃ ।
হৈরণ্য কক্ষ্যা গ্রৈবেয়ান্ সুবর্ণ অংকুশ ভূষিতান্ ॥১-৫৩-১৭॥
53.18
দদামি কুংজরাণাম্ তে সহস্রাণি চতুর্ দশ ।
হৈরণ্যানাম্ রথানাম্ চ শ্বেত অশ্বানাম্ চতুর্ যুজাম্ ॥১-৫৩-১৮॥
53.19
দদামি তে শতানি অষ্টৌ কিন্কিণীক বিভূষিতান্ ।
হয়ানাম্ দেশ জাতানাম্ কুল জানাম্ মহৌজসাম্ ।সহস্রম্ একম্ দশ চ দদামি তব সুব্রত ॥১-৫৩-১৯॥
53.20
নানা বর্ণ বিভক্তানাম্ বয়ঃস্থানাম্ তথৈব চ ।
দদামি একাম্ গবাম্ কোটিম্ শবলা দীয়তাম্ মম ॥১-৫৩-২০॥
53.21
যাবৎ ইচ্ছসি রত্নানি হিরণ্যম্ বা দ্বিজোত্তম ।
তাবৎ দদামি তে সর্বম্ দীয়তাম্ শবলা মম ॥১-৫৩-২১॥
53.22
এবম্ উক্তঃ তু ভগবান্ বিশ্বামিত্রেণ ধীমতা ।
ন দাস্যামি ইতি শবলাম্ প্রাহ রাজন্ কথংচন ॥১-৫৩-২২॥
53.23
এতদেব হি মে রত্নম্ এতদেব হি মে ধনম্ ।
এতদেব হি সর্বস্বম্ এতদেব হি জীবিতম্ ॥১-৫৩-২৩॥
53.24
দর্শঃ চ পৌর্ণ মাসঃ চ যজ্ঞাঃ চৈব আপ্ত দক্ষিণাঃ ।
এতদেব হি মে রাজন্ বিবিধাঃ চ ক্রিয়াঃ তথা ॥১-৫৩-২৪॥
53.25
অতো মূলাঃ ক্রিয়াঃ সর্বা মম রাজন্ ন সংশয়ঃ ।
বহূনা কিম্ প্রলাপেন ন দাস্যে কাম দোহিনীম্ ॥১-৫৩-২৫॥