Utshovসর্গ 51
51.1
তস্য তৎ বচনম্ শ্রুত্বা বিশ্বামিত্রস্য ধীমতঃ ।
হৃষ্ট রোমা মহাতেজাঃ শতাঅনন্দো মহাতপাঃ ॥১-৫১-১॥
51.2
গৌতমস্য সুতো জ্যেষ্ঠঃ তপসা দ্যোতিত প্রভঃ ।
রাম সংদর্শনাৎ এব পরম্ বিস্ময়ম্ আগতঃ ॥১-৫১-২॥
51.3
এতৌ নিষণ্ণৌ সংপ্রেক্ষ্য সুখ আসীনৌ নৃপাত্মজৌ ।
শতাঅনংদো মুনিশ্রেষ্ঠম্ বিশ্বামিত্রম্ অথ অব্রবীৎ ॥১-৫১-৩॥
51.4
অপি তে মুনি শার্দূল মম মাতা যশস্বিনী ।
দর্শিতা রাজ পুত্রায় তপো দীর্ঘম্ উপাগতা ॥১-৫১-৪॥
51.5
অপি রামে মহাতেজো মম মাতা যশস্বিনী ।
বন্যৈঃ উপাহরৎ পূজাম্ পূজা অর্হে সর্ব দেহিনাম্ ॥১-৫১-৫॥
51.6
অপি রামায় কথিতম্ যথা বৃত্তম্ পুরাতনম্ ।
মম মাতুঃ মহাতেজো দৈবেন দুরনুষ্ঠিতম্ ॥১-৫১-৬॥
51.7
অপি কৌশিক ভদ্রম্ তে গুরুণা মম সংগতা ।
মাতা মম মুনিশ্রেষ্ঠ রাম সংদর্শনাৎ ইতঃ ॥১-৫১-৭॥
51.8
অপি মে গুরুণা রামঃ পূজিতঃ কুশিকাত্মজ ।
ইহ আগতো মহাতেজাঃ পূজাম্ প্রাপ্য মহাত্মনঃ ॥১-৫১-৮॥
51.9
অপি শাংতেন মনসা গুরুঃ মে কুশিকাত্মজ ।
ইহ আগতেন রামেণ পূজিতেন অভিবাদিতঃ ॥১-৫১-৯॥
51.10
তৎ শ্রুত্বা বচনম্ তস্য বিশ্বামিত্রো মহামুনিঃ ।
প্রতি উবাচ শতানংদম্ বাক্যজ্ঞো বাক্য কোবিদম্ ॥১-৫১-১০॥
51.11
ন অতিক্রান্তম্ মুনিশ্রেষ্ঠ যৎ কর্তব্যম্ কৃতম্ ময়া ।
সংগতা মুনিনা পত্নী ভার্গবেণ ইব রেণুকা ॥১-৫১-১১॥
51.12
তৎ শ্রুত্বা বচনম্ তস্য বিশ্বামিত্রস্য ধীমতঃ ।
শতানংদো মহাতেজা রামম্ বচনম্ অব্রবীৎ ॥১-৫১-১২॥
51.13
স্বাগতম্ তে নরশ্রেষ্ঠ দিষ্ট্যা প্রাপ্তো অসি রাঘব ।
বিশ্বামিত্রম্ পুরস্কৃত্য মহর্ষিম্ অপরাজিতম্ ॥১-৫১-১৩॥
51.14
অচিন্ত্য কর্মা তপসা ব্রহ্মর্ষিঃ অমিত প্রভঃ ।
বিশ্বামিত্রো মহাতেজা - বেদ্ম্য - বেত্সি এনম্ পরমাম্ গতিম্ ॥১-৫১-১৪॥
51.15
ন অস্তি ধন্যতরো রাম ত্বত্তো অন্যো ভুবি কশ্চন ।
গোপ্তা কুশিক পুত্রঃ তে যেন তপ্তম্ মহৎ তপঃ ॥১-৫১-১৫॥
51.16
শ্রূয়তাম্ চ অভিধাস্যামি কৌশিকস্য মহাত্মনঃ ।
যথা বলম্ যথা তত্ত্বম্ তৎ মে নিগদতঃ শৃণু ॥১-৫১-১৬॥
51.17
রাজা অভূৎ এষ ধর্মাত্মা দীর্ঘ কালম্ অরিন্দমঃ ।
ধর্মজ্ঞঃ কৃত বিদ্যঃ চ প্রজানাম্ চ হিতে রতঃ ॥১-৫১-১৭॥
51.18
প্রজাপতি সুতঃ তু আসীৎ কুশো নাম মহীপতিঃ ।
কুশস্য পুত্রো বলবান্ কুশনাভঃ সুধার্মিকঃ ॥১-৫১-১৮॥
51.19
কুশনাভ সুতঃ তু আসীৎ গাধিঃ ইতি এব বিশ্রুতঃ ।
গাধেঃ পুত্রো মহাতেজা বিশ্বামিত্রো মহামুনিঃ ॥১-৫১-১৯॥
51.20
বিশ্বমিত্রো মহাতেজাঃ পালয়ামাস মেদিনীম্ ।
বহু বর্ষ সহস্রাণি রাজা রাজ্যম্ অকারয়ৎ ॥১-৫১-২০॥
51.21
কদাচিৎ তু মহাতেজা যোজয়িত্বা বরূথিনীম্ ।
অক্ষৌহিণী পরিবৃতঃ পরিচক্রাম মেদিনীম্ ॥১-৫১-২১॥
51.22
নগরাণি চ রাষ্ট্রানি সরিতঃ চ তথা গিরীন্ ।
আশ্রমান্ ক্রমশো রাজা বিচরন্ আজগাম হ ॥১-৫১-২২॥
51.23
বসিষ্ঠস্য আশ্রম পদম্ নানা পুষ্প লতা দ্রুমম্ ।
নানা মৃগ গণ আকীর্ণম্ সিদ্ধ চারণ সেবিতম্ ॥১-৫১-২৩॥
51.24
দেব দানব গন্ধর্বৈঃ কিন্নরৈঃ উপশোভিতম্ ।
প্রশাংত হরিণ আকীর্ণম্ দ্বিজ সংঘ নিষেবিতম্ ॥১-৫১-২৪॥
51.25
ব্রহ্ম ঋষি গণ সংকীর্ণম্ দেব ঋষি গণ সেবিতম্ ।
তপঃ চরণ সংসিদ্ধৈঃ অগ্নি কল্পৈঃ মহাত্মভিঃ ॥১-৫১-২৫॥
51.26
সততম্ সংকুলম্ শ্রীমৎ ব্রহ্ম কল্পৈঃ মহাত্মভিঃ ।
অব্ ভক্ষৈঃ বায়ু ভক্ষৈঃ চ শীর্ণ পর্ণ অশনৈঃ তথা ॥১-৫১-২৬॥
51.27
ফলমূলাশনৈর্দান্তৈর্জিতদোষৈর্জিতেন্দ্রিয়ৈঃ - যদ্বা -ফল মূল অশনৈঃ দান্তৈঃ জিত দোষৈঃ জিত ইন্দ্রিয়ৈঃ ।
ঋষিভিঃ বালখিল্যৈঃ চ জপ হোম পরায়ণৈঃ ॥১-৫১-২৭॥
51.28
অন্যৈঃ বৈখানসৈঃ চৈব সমংতাৎ উপশোভিতম্ ।
বসিষ্ঠস্য আশ্রম পদম্ ব্রহ্ম লোকম্ ইব অপরম্ ।দদর্শ জয়তাম্ শ্রেষ্ঠ বিশ্বামিত্রো মহাবলঃ ॥১-৫১-২৮॥