Utshovসর্গ 50
50.1
ততঃ প্রাক্ উত্তরাম্ গত্বা রামঃ সৌমিত্রিণা সহ ।
বিশ্বামিত্রম্ পুরস্কৃত্য যজ্ঞ বাটম্ উপাগমৎ ॥১-৫০-১॥
50.2
রামঃ তু মুনি শার্দূলম্ উবাচ সহ লক্ষ্মণঃ ।
সাধ্বী যজ্ঞ সমৃদ্ধিঃ হি জনকস্য মহাত্মনঃ ॥১-৫০-২॥
50.3
বহূনি ইহ সহস্রাণি নানা দেশ নিবাসিনাম্ ।
ব্রাহ্মণানাম্ মহাভাগ বেদ অধ্যয়ন শালিনাম্ ॥১-৫০-৩॥
50.4
ঋষি বাটাঃ চ দৃশ্যন্তে শকটী শত সংকুলাঃ ।
দেশো বিধীয়তাম্ ব্রহ্মন্ যত্র বত্স্যামহে বয়ম্ ॥১-৫০-৪॥
50.5
রামস্য বচনম্ শ্রুত্বা বিশ্বামিত্রো মহামুনিঃ ।
নিবেশম্ অকরোৎ দেশে বিবিক্তে সলিল আয়ুতে ॥১-৫০-৫॥
50.6
বিশ্বামিত্রম্ অনুপ্রাপ্তম্ শ্রুত্বা নৃপবরঃ তদা ।
শতানংদম্ পুরস্কৃত্য পুরোহিতম্ অনিন্দিতম্ ॥১-৫০-৬॥
50.7
প্রতি উজ্জগাম সহসা বিনয়েন সমন্বিতঃ ।
ঋত্বিজো অপি মহাত্মানঃ তু অর্ঘ্যম্ আদায় স ত্বরম্ ॥১-৫০-৭॥
50.8
বিশ্বামিত্রায় ধর্মেণ দদৌ ধর্ম পুরস্কৃতম্ ।
প্রতিগৃহ্য তু তাম্ পূজাম্ জনকস্য মহাত্মনঃ ॥১-৫০-৮॥
50.9
পপ্রচ্ছ কুশলম্ রাজ্ঞো যজ্ঞস্য চ নিরাময়ম্ ।
স তাম্ চ অথ মুনীন্ পৃষ্ট্বা স উপাধ্যায় পুরোধসঃ ॥১-৫০-৯॥
50.10
যথা অর্হম্ ঋষিভিঃ সর্বৈঃ সমাগচ্ছৎ প্রহৃষ্টবৎ ।
অথ রাজা মুনি শ্রেষ্ঠম্ কৃত অংজলিঃ অভাষত ॥১-৫০-১০॥
50.11
আসনে ভগবান্ আস্তাম্ সহ এভিঃ মুনি সত্তমৈঃ ।
জনকস্য বচঃ শ্রুত্বা নিষসাদ মহামুনিঃ ॥১-৫০-১১॥
50.12
পুরোধা ঋত্বিজঃ চৈব রাজা চ সহ মংত্রিভিঃ ।
আসনেষু যথা ন্যায়ম্ উপবিষ্টান্ সমন্ততঃ ॥১-৫০-১২॥
50.13
দৃষ্ট্বা স নৃপতিঃ তত্র বিশ্বামিত্রম্ অথ অব্রবীৎ ।
অদ্য যজ্ঞ সমৃদ্ধিঃ মে সফলা দৈবতৈঃ কৃতা ॥১-৫০-১৩॥
50.14
অদ্য যজ্ঞ ফলম্ প্রাপ্তম্ ভগবদ্ দর্শনাৎ ময়া ।
ধন্যো অস্মি অনুগৃহীতো অস্মি যস্য মে মুনি পুংগব ॥১-৫০-১৪॥
50.15
যজ্ঞ উপসদনম্ ব্রহ্মন্ প্রাপ্তো অসি মুনিভিঃ সহ ।
দ্বাদশ অহম্ তু ব্রহ্মর্ষে দীক্ষাম্ আহুঃ মনীষিণঃ ॥১-৫০-১৫॥
50.16
ততো ভাগ অর্থিনো দেবান্ দ্রষ্টুম্ অর্হসি কৌশিক ।
ইতি উক্ত্বা মুনি শার্দূলম্ প্রহৃষ্ট বদনঃ তদা ॥১-৫০-১৬॥
50.17
পুনঃ তম্ পরিপপ্রচ্ছ প্রাংজলিঃ প্রয়তো নৃপঃ ।
ইমৌ কুমারৌ ভদ্রম্ তে দেব তুল্য পরাক্রমৌ ॥১-৫০-১৭॥
50.18
গজ তুল্য গতী বীরৌ শার্দূল বৃষভ উপমৌ ।
পদ্ম পত্র বিশাল অক্ষৌ খড্গ তূণী ধনুর্ ধরৌ ।অশ্বিনৌ ইব রূপেণ সমুপস্থিত যৌবনৌ ॥১-৫০-১৮॥
50.19
যদৃচ্ছয়া এব গাম্ প্রাপ্তৌ দেব লোকাৎ ইব অমরৌ ।
কথম্ পদ্ভ্যাম্ ইহ প্রাপ্তৌ কিম্ অর্থম্ কস্য বা মুনে ॥১-৫০-১৯॥
50.20
বর আয়ুধ ধরৌ বীরৌ কস্য পুত্রৌ মহামুনে ।
ভূষয়ন্তৌ ইমম্ দেশম্ চন্দ্র সূর্যৌ ইব অংবরম্ ॥১-৫০-২০॥
50.21
পরস্পরস্য সদৃশৌ প্রমাণ ইন্গিত চেষ্টিতৈঃ ।
কাক পক্ষ ধরৌ বীরৌ শ্রোতুম্ ইচ্ছামি তত্ত্বতঃ ॥১-৫০-২১॥
50.22
তস্য তৎ বচনম্ শ্রুত্বা জনকস্য মহাত্মনঃ ।
ন্যবেদয়ৎ অমেয় আত্মা পুত্রৌ দশরথস্য তৌ ॥১-৫০-২২॥
50.23
সিদ্ধ আশ্রম নিবাসম্ চ রাক্ষসানাম্ বধম্ তথা ।
তত্র আগমনম্ অব্যগ্রম্ বিশালায়াঃ চ দর্শনম্ ॥১-৫০-২৩॥
50.24
অহল্যা দর্শনম্ চৈব গৌতমেন সমাগমম্ ।
মহাধনুষি জিজ্ঞাসাম্ কর্তুম্ আগমনম্ তথা ॥১-৫০-২৪॥
50.25
এতৎ সর্বম্ মহাতেজা জনকায় মহাত্মনে ।
নিবেদ্য বিররাম অথ বিশ্বামিত্রো মহামুনিঃ ॥১-৫০-২৫॥