সর্গ 49

49.1

অফলঃ তু ততঃ শক্রো দেবান্ অগ্নি পুরোগমান্ ।
অব্রবীৎ ত্রস্ত নয়নঃ সিদ্ধ গন্ধব চারণান্ ॥১-৪৯-১॥

কুর্বতা তপসো বিঘ্নম্ গৌতমস্য মহাত্মনঃ ।
ক্রোধম্ উত্পাদ্য হি ময়া সুর কার্যম্ ইদম্ কৃতম্ ॥১-৪৯-২॥

অফলো অস্মি কৃতঃ তেন ক্রোধাৎ সা চ নিরাকৃতা ।
শাপ মোক্ষেণ মহতা তপো অস্য অপহৃতম্ ময়া ॥১-৪৯-৩॥

তৎ মাম্ সুরবরাঃ সর্বে স ঋষি সংঘাঃ স চারণাঃ ।
সুর কার্য করম্ যূয়ম্ সফলম্ কর্তুম্ অর্হথ ॥১-৪৯-৪॥

শতক্রতোঃ বচঃ শ্রুত্বা দেবাঃ স অগ্নি পুরোগমাঃ ।
পিতৃ দেবান্ উপেত্য আহুঃ সহ সর্বৈঃ মরুৎ গণৈঃ ॥১-৪৯-৫॥

অয়ম্ মেষঃ সবৃষণঃ শক্রো হি অবৃষণঃ কৃতঃ ।
মেষস্য বৃষণৌ গৃহ্য শক্রায় আশু প্রয়চ্ছত ॥১-৪৯-৬॥

অফলঃ তু কৃতো মেষঃ পরাম্ তুষ্টিম্ প্রদাস্যতি ।
ভবতাম্ হর্ষণার্থায় যে চ দাস্যন্তি মানবাঃ ।অক্ষয়ম্ হি ফলম্ তেষাম্ যূয়ম্ দাস্যথ পুষ্কলম্ ॥১-৪৯-৭॥

অগ্নেঃ তু বচনম্ শ্রুত্বা পিতৃ দেবাঃ সমাগতাঃ ।
উত্পাট্য মেষ বৃষণৌ সহস্রাক্ষে ন্যবেশয়ন্ ॥১-৪৯-৮॥

তদা প্রভৃতি কাকুত্স্থ পিতৃ দেবাঃ সমাগতাঃ ।
অফলান্ ভুংজতে মেষান্ ফলৈঃ তেষাম্ অয়োজয়ন্ ॥১-৪৯-৯॥

ইন্দ্রঃ তু মেষ বৃষণঃ তদা প্রভৃতি রাঘব ।
গৌতমস্য প্রভাবেন তপসা চ মহাত্মনঃ ॥১-৪৯-১০॥

তৎ আগচ্ছ মহাতেজ আশ্রমম্ পুণ্য কর্মণঃ ।
তারয় এনাম্ মহাভাগাম্ অহল্যাম্ দেব রূপিণীম্ ॥১-৪৯-১১॥

বিশ্বামিত্র বচঃ শ্রুত্বা রাঘবঃ সহ লক্ষ্মণঃ ।
বিশ্বামিত্রম্ পুরস্কৃত্য আশ্রমম্ প্রবিবেশ হ ॥১-৪৯-১২॥

দদর্শ চ মহাভাগাম্ তপসা দ্যোতিত প্রভাম্ ।
লোকৈঃ অপি সমাগম্য দুর্নিরীক্ষ্যাম্ সুর অসুরৈঃ ॥১-৪৯-১৩॥

প্রয়ত্নাৎ নির্মিতাম্ ধাত্রা দিব্যাম্ মায়াময়ীম্ ইব ।
ধূমেন অভিপরীত অংগীম্ দীপ্তাঅম্ অগ্নি সিখাম্ ইব ॥১-৪৯-১৪॥

স তুষার আবৃতাম্ স অভ্রাম্ পূর্ণ চন্দ্র প্রভাম্ ইব ।
মধ্যে অংভসো দুরাধর্ষাম্ দীপ্তাম্ সূর্য প্রভাম্ ইব ॥১-৪৯-১৫॥

সস্ হি গৌতম বাক্যেন দুর্নিরীক্ষ্যা বভূব হ ।
ত্রয়াণাম্ অপি লোকানাম্ যাবৎ রামস্য দর্শনম্ ॥১-৪৯-১৬॥

শাপস্য অন্তম্ উপাগম্য তেষাম্ দর্শনম্ আগতা।
রাঘবৌ তু ততঃ তস্যাঃ পাদৌ জগৃহতুঃ মুদা ॥১-৪৯-১৭॥

স্মরংতী গৌতম বচঃ প্রতিজগ্রাহ সা চ তৌ।
পাদ্যম্ অর্ঘ্যম্ তথা আতিথ্যম্ চকার সুসমাহিতা ।প্রতিজগ্রাহ কাকুত্স্থো বিধি দৃষ্টেন কর্মণা ॥১-৪৯-১৮॥

পুষ্প বৃষ্টিঃ মহতী আসীৎ দেব দুংদুভি নিস্বনৈঃ ।
গন্ধর্ব অপ্সরসাম্ চ এব মহান্ আসীৎ সমুত্সবঃ ॥১-৪৯-১৯॥

সাধু সাধু ইতি দেবাঃ তাম্ অহল্যাম্ সমপূজয়ন্ ।
তপো বল বিশুদ্ধ অংগীম্ গৌতমস্য বশ অনুগাম্ ॥১-৪৯-২০॥

গৌতমো অপি মহাতেজা অহল্যা সহিতঃ সুখী ।
রামম্ সম্পূজ্য বিধিবৎ তপঃ তেপে মহাতপাঃ ॥১-৪৯-২১॥

রামো অপি পরমাম্ পূজাম্ গৌতমস্য মহামুনেঃ ।
সকাশাৎ বিধিবৎ প্রাপ্য জগাম মিথিলাম্ ততঃ ॥১-৪৯-২২॥