Utshovসর্গ 48
48.1
পৃষ্ট্বা তু কুশলম্ তত্র পরস্পর সমাগমে ।
কথাঅন্তে সুমতিঃ বাক্যম্ ব্যাজহার মহামুনিম্ ॥১-৪৮-১॥
48.2
ইমৌ কুমারৌ ভদ্রম্ তে দেব তুল্য পরাক্রমৌ ।
গজ সিংহ গতী বীরৌ শার্দূল বৃষভ উপমৌ ॥১-৪৮-২॥
48.3
পদ্ম পত্র বিশালাক্ষৌ খড্গ তূণী ধনুর্ ধরৌ ।
অশ্বিনৌ ইব রূপেণ সমুপস্থিত যৌবনৌ ॥১-৪৮-৩॥
48.4
যদৃচ্ছয়া এব গাম্ প্রাপ্তৌ দেবলোকাৎ ইব অমরৌ ।
কথম্ পদ্ভ্যাম্ ইহ প্রাপ্তৌ কিম্ অর্থম্ কস্য বা মুনে ॥১-৪৮-৪॥
48.5
ভূষয়ন্তৌ ইমম্ দেশম্ চন্দ্র সূর্যৌ ইব অংবরম্ ।
পরস্পরেণ সদৃশৌ প্রমাণ ইন্গিত চেষ্টিতৈঃ ॥১-৪৮-৫॥
48.6
কিম্ অর্থম্ চ নর শ্রেষ্ঠৌ সম্প্রাপ্তৌ দুর্গমে পথি ।
বর আয়ুধ ধরৌ বীরৌ শ্রোতুম্ ইচ্ছামি তত্ত্বতঃ ॥১-৪৮-৬॥
48.7
তস্য তদ্ বচনম্ শ্রুত্বা যথা বৃত্তম্ ন্যবেদয়ৎ ।
সিদ্ধ আশ্রম নিবাসম্ চ রাক্ষসানাম্ বধম্ তথা ॥১-৪৮-৭॥
48.8
বিশ্বামিত্র বচঃ শ্রুত্বা রাজা পরম বিস্মিতঃ ॥১-৪৮-৮॥
48.9
চ্অতিথী পরমৌ প্রাপ্তম্ পুত্রৌ দশরথস্য তৌ ।
পূজয়ামাস বিধিবৎ সত্কার অর্হৌ মহাবলৌ ॥১-৪৮-৯॥
48.10
ততঃ পরম সত্কারম্ সুমতেঃ প্রাপ্য রাঘবৌ ।
উষ্য তত্র নিশাম্ একাম্ জগ্মতুঃ মিথিলাম্ ততঃ ॥১-৪৮-১০॥
48.11
তাম্ দৃষ্ট্বা মুনয়ঃ সর্বে জনকস্য পুরীম্ শুভাম্ ।
সাধু সাধু ইতি শংসন্তো মিথিলাম্ সমপূজয়ন্ ॥১-৪৮-১১॥
48.12
মিথিল উপবনে তত্র আশ্রমম্ দৃশ্য রাঘবঃ ।
পুরাণম্ নির্জনম্ রম্যম্ পপ্রচ্ছ মুনি পুংগবম্ ॥১-৪৮-১২॥
48.13
ইদম্ আশ্রম সংকাশম্ কিম্ নু ইদম্ মুনি বর্জিতম্ ।
শ্রোতুম্ ইচ্ছামি ভগবন্ কস্য অয়ম্ পূর্ব আশ্রমঃ ॥১-৪৮-১৩॥
48.14
তৎ শ্রুতা রাঘবেণ উক্তম্ বাক্যম্ বাক্য বিশারদঃ ।
প্রতি উবাচ মহাতেজা বিশ্বমিত্রো মহামুনিঃ ॥১-৪৮-১৪॥
48.15
হন্ত তে কথয়িষ্যামি শৃণু তত্ত্বেন রাঘব ।
যস্য এতৎ আশ্রম পদম্ শপ্তম্ কোপান্ মহাত্মনা ॥১-৪৮-১৫॥
48.16
গৌতমস্য নরশ্রেষ্ঠ পূর্বম্ আসীৎ মহাত্মনঃ ।
আশ্রমো দিব্য সংকাশঃ সুরৈঃ অপি সুপূজিতঃ ॥১-৪৮-১৬॥
48.17
স চ অত্র তপ আতিষ্ঠৎ অহল্যা সহিতঃ পুরা ।
বর্ষ পূগানি অনেকানি রাজপুত্র মহায়শঃ ॥১-৪৮-১৭॥
48.18
তস্য অন্তরম্ বিদিত্বা তু সহস্রাক্ষঃ শচী পতিঃ ।
মুনি বেষ ধরো ভূত্বা অহল্যাম্ ইদম্ অব্রবীৎ ॥১-৪৮-১৮॥
48.19
ঋতু কালম্ প্রতীক্ষন্তে ন অর্থিনঃ সুসমাহিতে ।
সংগমম্ তু অহম্ ইচ্ছামি ত্বয়া সহ সুমধ্যমে ॥১-৪৮-১৯॥
48.20
মুনি বেষম্ সহস্রাক্ষম্ বিজ্ঞায় রঘুনংদন ।
মতিম্ চকার দুর্মেধা দেব রাজ কুতূহলাৎ ॥১-৪৮-২০॥
48.21
অথ অব্রবীৎ সুরশ্রেষ্ঠম্ কৃতার্থেন অংতরাত্মনা ।
কৃতার্থা অস্মি সুরশ্রেষ্ঠ গচ্ছ শীঘ্রম্ ইতঃ প্রভো ॥১-৪৮-২১॥
48.22
আত্মানম্ মাম্ চ দেবেশ সর্বদা রক্ষ গৌতমাৎ ।
ইন্দ্রঃ তু প্রহসন্ বাক্যম্ অহল্যাম্ ইদম্ অব্রবীৎ ॥১-৪৮-২২॥
48.23
সুশ্রোণি পরিতুষ্টো অস্মি গমিষ্যামি যথা আগতম্ ।
এবম্ সংগম্য তু তয়া নিশ্চক্রাম উটজাৎ ততঃ ॥১-৪৮-২৩॥
48.24
স সংভ্রমাৎ ত্বরন্ রাম শন্কিতো গৌতমম্ প্রতি ।
গৌতমম্ স দদর্শ অথ প্রবিশংতম্ মহামুনিম্ ॥১-৪৮-২৪॥
48.25
দেব দানব দুর্ধর্ষম্ তপো বল সমন্বিতম্ ।
তীর্থ উদক পরিক্লিন্নম্ দীপ্যমানম্ ইব অনলম্ ॥১-৪৮-২৫॥
48.26
গৃহীত সমিধম্ তত্র স কুশম্ মুনি পুংগবম্ ।
দৃষ্ট্বা সুর পতিঃ ত্রস্তো বিষণ্ণ বদনো অভবৎ ॥১-৪৮-২৬॥
48.27
অথ দৃষ্ট্বা সহস্রাক্ষম্ মুনি বেষ ধরম্ মুনিঃ ।
দুর্বৃত্তম্ বৃত্ত সংপন্নো রোষাৎ বচনম্ অব্রবীৎ ॥১-৪৮-২৭॥
48.28
মম রূপম্ সমাস্থায় কৃতবান্ অসি দুর্মতে ।
অকর্তব্যম্ ইদম্ যস্মাৎ বিফলঃ ত্বম্ ভবিষ্যতি ॥১-৪৮-২৮॥
48.29
গৌতমেন এবম্ উক্তস্য স রোষেণ মহাত্মনা ।
পেততুঃ বৃষণৌ ভূমৌ সহস্রাক্ষস্য তৎ ক্ষণাৎ ॥১-৪৮-২৯॥
48.30
তথা শপ্ত্বা চ বৈ শক্রম্ ভার্যাম্ অপি চ শপ্তবান্ ।
ইহ বর্ষ সহস্রাণি বহূনি নিবষিস্যসি ॥১-৪৮-৩০॥
48.31
বায়ু ভক্ষা নিরাহারা তপ্যন্তী ভস্ম শায়িনী ।
অদৃশ্যা সর্ব ভূতানাম্ আশ্রমে অস্মিন্ বষিস্যসি ॥১-৪৮-৩১॥
48.32
যদা তু এতৎ বনম্ ঘোরম্ রামো দশরথ আত্মজঃ ।
আগমিষ্যতি দুর্ধর্ষঃ তদা পূতা ভবিষ্যসি ॥১-৪৮-৩২॥
48.33
তস্য আতিথ্যেন দুর্বৃত্তে লোভ মোহ বিবর্জিতা ।
মৎ সকাশে মুদা যুক্তা স্বম্ বপুঃ ধারয়িষ্যসি ॥১-৪৮-৩৩॥
48.34
এবম্ উক্ত্বা মহাতেজা গৌতমো দুষ্ট চারিণীম্ ।
ইমম্ আশ্রমম্ উত্সৃজ্য সিদ্ধ চারণ সেবিতে ।হিমবৎ শিখরে রম্যে তপঃ তেপে মহাতপাঃ ॥১-৪৮-৩৪॥