সর্গ 47

47.1

সপ্তধা তু কৃতে গর্ভে দিতিঃ পরম দুঃখিতা ।
সহস্রাক্ষম্ দুরাধর্ষম্ বাক্যম্ স অনুনয়া অব্রবীৎ ॥১-৪৭-১॥

মম অপরাধাৎ গর্ভো অয়ম্ সপ্তধা শকলী কৃতঃ ।
ন অপরাধো হি দেব ঈশ তব অত্র বলসূদন ॥১-৪৭-২॥

প্রিয়ম্ ত্বৎ কৃতম্ ইচ্ছামি মম গর্ভ বিপর্যয়ে ।
মরুতাম্ সপ্ত সপ্তানাম্ স্থানপালা ভবন্তু তে ॥১-৪৭-৩॥

বাত স্কংধা ইমে সপ্ত চরন্তু দিবি পুত্রক ।
মারুতা ইতি বিখ্যাতা দিব্যরূপা মম আত্মজাঃ ॥১-৪৭-৪॥

ব্রহ্ম লোকম্ চরতু এক ইন্দ্র লোকম্ তথা অপরঃ ।
দিব্য বায়ুঃ ইতি খ্যাতঃ তৃতীয়ো অপি মহায়শাঃ ॥১-৪৭-৫॥

চত্বারঃ তু সুরশ্রেষ্ঠ দিশো বৈ তব শাসনাৎ ।
সংচরিষ্যন্তি ভদ্রম্ তে কলেন হি মম আত্মজাঃ ॥১-৪৭-৬॥

ত্বৎ কৃতেন এব নাম্না বৈ মারুতা ইতি বিশ্রুতাঃ ।
তস্যাঃ তৎ বচনম্ শ্রুত্বা সহস্রাক্ষঃ পুরংদরঃ ॥১-৪৭-৭॥

উবাচ প্রাংজলিঃ বাক্যম্ দিতিম্ বলসূদনঃ ।
সর্বম্ এতৎ যথা উক্তম্ তে ভবিষ্যতি ন সংশয়ঃ ॥১-৪৭-৮॥

বিচরিষ্যন্তি ভদ্রম্ তে দেবরূপাঃ তব আত্মজাঃ ।
এবম্ তৌ নিশ্চয়ম্ কৃত্বা মাতা পুত্রৌ তপোবনে ॥১-৪৭-৯॥

জগ্মতুঃ ত্রিদিবম্ রাম কৃতার্থৌ ইতি নঃ শ্রুতম্ ।
এষ দেশঃ স কাকুত্স্থ মহেন্দ্রাৎ অদ্যুষিতঃ পুরা ॥১-৪৭-১০॥

দিতিম্ যত্র তপঃ সিদ্ধাম্ এবম্ পরিচচার সঃ ।
ইক্ষ্বাকোস্তু নরব্যাঘ্র পুত্রঃ পরম ধার্মিকঃ ॥১-৪৭-১১॥

অলংবুষায়াম্ উত্পন্নো বিশাল ইতি বিশ্রুতঃ ।
তেন চ আসীৎ ইহ স্থানে বিশালে ইতি পুরী কৃতা ॥১-৪৭-১২॥

বিশালস্য সুতো রাম হেমচন্দ্রো মহাবলঃ ।
সুচন্দ্র ইতি বিখ্যাতো হেমচন্দ্রাৎ অনংতরঃ ॥১-৪৭-১৩॥

সুচন্দ্র তনয়ো রাম ধূম্র অশ্ব ইতি বিশ্রুতঃ ।
ধূম্রাশ্ব তনয়ঃ চ অপি সৃংজয়ঃ সমপদ্যত ॥১-৪৭-১৪॥

সৃংজয়স্য সুতঃ শ্রীমান্ সহদেবঃ প্রতাপবান্ ।
কুশাশ্বঃ সহদেবস্য পুত্রঃ পরম ধার্মিকঃ ॥১-৪৭-১৫॥

কুশাশ্বস্য মহাতেজাঃ সোমদত্তঃ প্রতাপবান্ ।
সোমদত্তস্য পুত্রঃ তু কাকুত্স্থ ইতি বিশ্রুতঃ ॥১-৪৭-১৬॥

তস্য পুত্রো মহাতেজাঃ সম্প্রতি এষ পুরীম্ ইমাম্ ।
আবসৎ পরম প্রখ্যঃ সুমতিঃ নাম দুর্জয়ঃ ॥১-৪৭-১৭॥

ইক্ষ্বাকোস্তু প্রসাদেন সর্বে বৈশালিকা নৃপাঃ ।
দীর্ঘ আয়ুষো মহাত্মানো বীর্যবন্তঃ সুধার্মিকাঃ ॥১-৪৭-১৮॥

ইহ অদ্য রজনীম্ একাম্ সুখম্ স্বপ্স্যামহে বয়ম্ ।
শ্বঃ প্রভাতে নরশ্রেষ্ঠ জনকম্ দ্রষ্টুম্ অর্হসি ॥১-৪৭-১৯॥

সুমতিঃ তু মহাতেজা বিশ্বামিত্রম্ উপাগতম্ ।
শ্রুত্বা নর বর শ্রেষ্ঠঃ প্রত্যাগচ্ছন্ মহায়শাঃ ॥১-৪৭-২০॥

পূজাম্ চ পরমাম্ কৃত্বা স উপাধ্যায়ঃ সবান্ধবঃ ।
প্রাংজলিঃ কুশলম্ পৃষ্ট্বা বিশ্বামিত্রম্ অথ অব্রবীৎ ॥১-৪৭-২১॥

ধন্যো অস্মি অনুগৃহীতো অস্মি যস্য মে বিষয়ম্ মুনে ।
সংপ্রাপ্তো দর্শনম্ চৈব ন অস্তি ধন্যতরো মম ॥১-৪৭-২২॥