সর্গ 46

46.1

হতেষু তেষু পুত্রেষু দিতিঃ পরম দুঃখিতা ।
মারীচম্ কাশ্যপম্ রাম ভর্তারম্ ইদম্ অব্রবীৎ ॥১-৪৬-১॥

হত পুত্রা অস্মি ভগবন্ তব পুত্রৈঃ মহাবলৈঃ ।
শক্র হন্তারম্ ইচ্ছামি পুত্রম্ দীর্ঘ তপো অর্জিতম্ ॥১-৪৬-২॥

সা অহম্ তপঃ চরিষ্যামি গর্ভম্ মে দাতুম্ অর্হসি ।
ঈশ্বরম্ শক্র হন্তারম্ ত্বম্ অনুজ্ঞাতুম্ অর্হসি ॥১-৪৬-৩॥

তস্যাঃ তৎ বচনম্ শ্রুত্বা মারীচঃ কাশ্যপঃ তদা ।
প্রত্যুবাচ মহাতেজা দিতিম্ পরম দুঃখিতাম্ ॥১-৪৬-৪॥

এবম্ ভবতু ভদ্রম্ তে শুচিঃ ভব তপোধনে ।
জনয়িষ্যসি পুত্রম্ ত্বম্ শক্র হন্তারম্ আহবে ॥১-৪৬-৫॥

পূর্ণে বর্ষ সহস্রে তু শুচিঃ যদি ভবিষ্যসি ।
পুত্রম্ ত্রৈলোক্য হন্তারম্ মত্তঃ ত্বম্ জনয়িষ্যসি ॥১-৪৬-৬॥

এবম্ উক্ত্বা মহা তেজাঃ পাণিনা স মমার্জ তাম্ ।
তম্ আলভ্য ততঃ স্বস্তি ইতি উক্ত্বা তপসে যয়ৌ ॥১-৪৬-৭॥

গতে তস্মিন্ নরশ্রেষ্ঠ দিতিঃ পরম হর্ষিতা ।
কুশপ্লবম্ সামাসাদ্য তপঃ তেপে সুদারুণম্ ॥১-৪৬-৮॥

তপঃ তস্যাম্ হি কুর্বত্যাম্ পরিচর্যাম্ চকার হ ।
সহস্রাক্ষো নরশ্রেষ্ঠ পরয়া গুণ সংপদা ॥১-৪৬-৯॥

অগ্নিম্ কুশান্ কাষ্ঠম্ অপঃ ফলম্ মূলম্ তথৈব চ ।
ন্যবেদয়ৎ সহস্রাক্ষো যচ্ চ অন্যৎ অপি কান্ক্ষিতম্ ॥১-৪৬-১০॥

গাত্র সংবাহনৈঃ চৈব শ্রম অপনয়নৈঃ তথা ।
শক্রঃ সর্বেষু কালেষু দিতিম্ পরিচচার হ ॥১-৪৬-১১॥

পূর্ণে বর্ষ সহস্রে দশ ঊনে রঘুনংদন ।
দিতিঃ পরম সংহৃষ্টা সহস্রাক্ষম্ অথ অব্রবীৎ ॥১-৪৬-১২॥

তপঃ চরন্ত্যা বর্ষাণি দশ বীর্যবতাম্ বর ।
অবশিষ্টানি ভদ্রম্ তে ভ্রাতরম্ দ্রক্ষ্যসে ততঃ ॥১-৪৬-১৩॥

যম্ অহম্ ত্বৎ কৃতে পুত্র তম্ আধাস্যে জয় উত্সুকম্ ।
ত্রৈলোক্য বিজয়ম্ পুত্র সহ ভোক্ষ্যসি বিজ্বরঃ ॥১-৪৬-১৪॥

যাচিতেন সুরশ্রেষ্ট পিত্রা তব মাহাত্মনা ।
বরো বর্ষ সস্র অন্তে মম দত্তঃ সুতম্ প্রতি ॥১-৪৬-১৫॥

ইতি উক্ত্বা চ দিতিঃ তত্র প্রাপ্তে মধ্যন্দিন ঈশ্বরে ।
নিদ্রয়া পহৃতা দেবী পাদৌ কৃত্বাথ শীর্ষতঃ ॥১-৪৬-১৬॥

দৃষ্ট্বা তাম্ অশুচিম্ শক্রঃ পাদয়োঃ কৃত মূর্ধজাম্ ।
শিরঃ স্থানে কৃতৌ পাদৌ জহাস চ মুমোদ চ ॥১-৪৬-১৭॥

তস্যাঃ শরীর বিবরম্ প্রবিবেশ পুরংদরঃ ।
গর্ভম্ চ সপ্তধা রাম চিচ্ছেদ পরম আত্মবান্ ॥১-৪৬-১৮॥

ভিদ্যমানঃ ততো গর্ভো বজ্রেণ শত পর্বণা ।
রুরোদ সুস্বরম্ রাম ততো দিতিঃ অবুধ্যত ॥১-৪৬-১৯॥

মা রুদো মা রুদঃ চ ইতি গর্ভম্ শক্রো অভ্যভাষত ।
বিভেদ চ মহাতেজা রুদন্তম্ অপি বাসবঃ ॥১-৪৬-২০॥

ন হন্তব্যম্ ন হন্তব্যম্ ইতি এবম্ দিতিঃ অব্রবীৎ ।
নিষ্পপাত ততঃ শক্রো মাতুর্ বচন গৌরবাৎ ॥১-৪৬-২১॥

প্রাংজলিঃ বজ্র সহিতো দিতিম্ শক্রো অভ্যভাষত ।
অশুচিঃ দেবি সুপ্তা অসি পাদয়োঃ কৃত মূর্ধজা ॥১-৪৬-২২॥

তৎ অন্তরম্ অহম্ লব্ধ্বা শক্র হন্তারম্ আহবে ।
অভিন্দম্ সপ্তধা দেবি তন্ মে ত্বম্ ক্ষন্তুম্ অর্হসি ॥১-৪৬-২৩॥