Utshovসর্গ 45
45.1
বিশ্বামিত্র বচঃ শ্রুত্বা রাঘবঃ সহ লক্ষ্মণঃ ।
বিস্ময়ম্ পরমম্ গত্বা বিশ্বামিত্রম্ অথ অব্রবীৎ ॥১-৪৫-১॥
45.2
অতি অদ্ভুতম্ ইদম্ ব্রহ্মন্ কথিতম্ পরমম্ ত্বয়া ।
গংগা অবতরণম্ পুণ্যম্ সাগরস্য অপি পূরণম্ ॥১-৪৫-২॥
45.3
ক্ষণ ভূত ইব নৌ রাত্রিঃ সংবৃত্ত ইয়ম্ পরংতপ ।
ইমাম্ চিংতয়তোঃ সর্বম্ নিখিলেন কথাম্ তব ॥১-৪৫-৩॥
45.4
তস্য সা শর্বরী সর্বা মম সৌমিত্রিণা সহ ।
জগাম চিংতয়ান্ অস্য বিশ্বামিত্র কথাম্ শুভাম্ ॥১-৪৫-৪॥
45.5
ততঃ প্রভাতে বিমলে বিশ্বামিত্রম্ তপোধনম্।
উবাচ রাঘবো বাক্যম্ কৃত আহ্নিকম্ অরিন্দমঃ ॥১-৪৫-৫॥
45.6
গতা ভগবতী রাত্রিঃ শ্রোতব্যম্ পরমম্ শ্রুতম্ ।
তরাম সরিতম্ শ্রেষ্টম্ পুণ্যম্ ত্রি পথ গাম্ নদীম্ ॥১-৪৫-৬॥
45.7
নৌঃ এষা হি সুখ আস্তীর্ণা ঋষীণাম্ পুণ্য কর্মণাম্ ।
ভগবংতম্ ইহ প্রাপ্তম্ জ্ঞাত্বা ত্বরিতম্ আগতা ॥১-৪৫-৭॥
45.8
তস্য তৎ বচনম্ শ্রুত্বা রাঘবস্য মহাত্মনঃ ।
সংতারম্ কারয়ামাস স ঋষি সংঘস্য কৌশিকঃ ॥১-৪৫-৮॥
45.9
উত্তরম্ তীরম্ আসাদ্য সংপূজ্য ঋষি গণম্ ততঃ ।
গংগা কূলে নিবিষ্টাঃ তে বিশালাম্ দদৃশুঃ পুরীম্ ॥১-৪৫-৯॥
45.10
ততো মুনি বরঃ তূর্ণম্ জগাম সহ রাঘবঃ ।
বিশালাম্ নগরীম্ রম্যাম্ দিব্যাম্ স্বর্গ উপমাম্ তদা ॥১-৪৫-১০॥
45.11
অথ রামো মহাপ্রাজ্ঞো বিশ্বামিত্রম্ মহামুনিম্ ।
পপ্রচ্ছ প্রাংজলিঃ ভূত্বা বিশালাম্ উত্তমাম্ পুরীম্ ॥১-৪৫-১১॥
45.12
কতমো রাজ বংশো অয়ম্ বিশালায়াম্ মহামুনে ।
শ্রোতুম্ ইচ্ছামি ভদ্রম্ তে পরম্ কৌতূহলম্ হি মে ॥১-৪৫-১২॥
45.13
তস্য তৎ বচনম্ শ্রুত্বা রামস্য মুনিপুংগবঃ ।
আখ্যাতুম্ তৎ সমারেভে বিশালস্য পুরাতনম্ ॥১-৪৫-১৩॥
45.14
শ্রূয়তাম্ রাম শক্রস্য কথাম্ কথয়তঃ শ্রুতাম্ ।
অস্মিন্ দেশে হি যৎ বৃত্তম্ শৃণু তত্ত্বেন রাঘব ॥১-৪৫-১৪॥
45.15
পূর্বম্ কৃত যুগে রাম দিতেঃ পুত্রা মহাবলাঃ ।
অদিতেঃ চ মহাভাগা বীর্যবন্তঃ সুধার্মিকাঃ ॥১-৪৫-১৫॥
45.16
ততঃ তেষাম্ নরব্যাঘ্রঃ বুদ্ধিঃ আসীৎ মহাত্মনাম্ ।
অমরা বির্জরাঃ চৈব কথম্ স্যামো নিরাময়াঃ ॥১-৪৫-১৬॥
45.17
তেষাম্ চিংতয়তাম্ তত্র বুদ্ধিঃ আসীৎ বিপশ্চিতাম্ ।
ক্ষীর উদ মথনম্ কৃত্বা রসম্ প্রাপ্স্যাম তত্র বৈ ॥১-৪৫-১৭॥
45.18
ততো নিশ্চিত্য মথনম্ যোক্ত্রম্ কৃত্বা চ বাসুকিম্ ।
মন্থানম্ মন্দরম্ কৃত্বা মমন্থুর্ অমিত ওজসঃ ॥১-৪৫-১৮॥
45.19
অথ বর্ষ সহস্রেণ যোক্ত্র সর্প শিরাংসি চ ।
বমন্তো অতি বিষম্ তত্র দদংশুর্ দশনৈঃ শিলাঃ ॥১-৪৫-১৯॥
45.20
উত্পপাতাম্ অগ্নি সংকাশম্ হালাহল মহাবিষম্ ।
তেন দগ্ধম্ জগৎ সর্বম্ স দেব অসুর মানুষম্ ॥১-৪৫-২০॥
45.21
অথ দেবা মহাদেবম্ শংকরম্ শরণার্থ্তিনঃ ।
জগ্মুঃ পশুপতিম্ রুদ্রম্ ত্রাহি ত্রাহি ইতি তুষ্টুবুঃ ॥১-৪৫-২১॥
45.22
এবম্ উক্{]তঃ ততো দেবৈঃ দেবেশ্বরঃ প্রভুঃ ।
প্রাদুর্ আসীৎ ততো অত্র এব শংখ চক্র ধরো হরিঃ ॥১-৪৫-২২॥
45.23
উবাচ এনম্ স্মিতম্ কৃত্বা রুদ্রম্ শূলধরম্ হরিঃ ।
দৈবতৈঃ মধ্যমানো তু তৎ পূর্বম্ সমুপস্থিতম্ ॥১-৪৫-২৩॥
45.24
তৎ ত্বদীয়ম্ সুরশ্রেষ্ঠঃ সুরাণাম্ অগ্রতো হি যৎ ।
অগ্র পূজামি ইহ স্থিত্বা গৃহাণ ইদম্ বিষম্ প্রভো ॥১-৪৫-২৪॥
45.25
ইতি উক্ত্বা চ সুরশ্রেষ্ঠঃ তত্র এব অংতর্ধীয়ত ।
দেবতানাম্ ভয়ম্ দৃষ্ট্বা শ্রুত্বা বাক্যম্ তু শারঙ্গিণঃ ॥১-৪৫-২৫॥
45.26
হালাহলম্ বিষম্ ঘোরম্ সংজগ্রাহ অমৃত উপমম্ ।
দেবান্ বিসৃউজ্য দেবেশো জগাম ভগবান্ হরঃ ॥১-৪৫-২৬॥
45.27
ততো দেব অসুরাঃ সর্বে মমন্থূ রঘুনংদন ।
প্রবিবেশ অথ পাতালম্ মন্থানঃ পর্বতোত্তমঃ ॥১-৪৫-২৭॥
45.28
ততো দেবাঃ স গন্ধর্বাঃ তুষ্টুবুঃ মধুসূদনম্ ।
ত্বম্ গতিঃ সর্ব ভূতানাম্ বিশেষেণ দিবৌকসাম্ ॥১-৪৫-২৮॥
45.29
পালয় অস্মান্ মহাবাহো গিরিম্ উদ্ধর্তুম্ অর্হসি ।
ইতি শ্রুত্বা হৃষীকেশঃ কামঠম্ রূপম্ আস্থিতঃ ॥১-৪৫-২৯॥
45.30
পর্বতম্ পৃষ্টতঃ কৃত্বা শিশ্যে তত্র উদধৌ হরিঃ ।
পর্বত অগ্রম্ তু লোকাত্মা হস্তেন আক্রম্য কেশবঃ ॥১-৪৫-৩০॥
45.31
দেবানাম্ মধ্যতঃ স্থিত্বা মমন্থ পুরুষোত্তমঃ ।
অথ বর্ষ সহস্রেণ আয়ুর্বেদময়ঃ পুমান্ ॥১-৪৫-৩১॥
45.32
উদতিষ্ঠৎ সুধর্মাত্মা স দণ্ড স কমণ্দুলুঃ ।
পূর্বম্ ধন্বন্তরির্ নাম অপ্সরাঃ চ সু বর্চসঃ ॥১-৪৫-৩২॥
45.33
অপ্সু নির্মথনাৎ এব রসাৎ তস্মাৎ বর স্ত্রিয়ঃ ।
উত্পেতুঃ মনুজ শ্রেষ্ঠ তস্মাৎ অপ্সরসো অভবন্ ॥১-৪৫-৩৩॥
45.34
ষষ্টিঃ কোট্যো অভবন্ তাসাম্ অপ্সরাণাম্ সুবর্চসাম্ ।
অসংখ্যেয়াঃ তু কাকুত্স্থ যাঃ তাসাম্ পরিচারিকাঃ ॥১-৪৫-৩৪॥
45.35
ন তাঃ স্ম প্রতিগৃহ্ণন্তি সর্বে তে দেব দানবাঃ ।
অপ্রতিগ্রহণাৎ এব তা বৈ সাধারণাঃ স্মৃতাঃ ॥১-৪৫-৩৫॥
45.36
বরুণস্য ততঃ কন্যা বারুণী রঘুনংদন ।
উত্পপাত মহাভাগা মার্গমাণা পরিগ্রহম্ ॥১-৪৫-৩৬॥
45.37
দিতেঃ পুত্রা ন তাম্ রাম জগৃহুর্ বরুণ আত্মজাম্ ।
অদিতেঃ তু সুতা বীর জগৃহুঃ তাম্ অনিংদিতাম্ ॥১-৪৫-৩৭॥
45.38
অসুরাঃ তেন দৈতেয়াঃ সুরাঃ তেন অদিতেঃ সুতাঃ ।
হৃষ্টাঃ প্রমুদিতাঃ চ আসন্ বারুণী গ্রহণাৎ সুরাঃ ॥১-৪৫-৩৮॥
45.39
উচ্চৈঃশ্রবা হয় শ্রেষ্ঠো মণি রত্নম্ চ কৌস্তুভম্ ।
উদতিষ্ঠন্ নরশ্রেষ্ঠ তথৈব অমৃতম্ উত্তমম্ ॥১-৪৫-৩৯॥
45.40
অথ তস্য কৃতে রাম মহান্ আসীৎ কুল ক্ষয়ঃ ।
অদিতেঃ তু ততঃ পুত্রা দিতেঃ পুত্রান্ অসূদয়ন্ ॥১-৪৫-৪০॥
45.41
একতাম্ অগমন্ সর্বে অসুরা রাক্ষসৈঃ সহ ।
যুদ্ধম্ আসীৎ মহাঘোরম্ বীর ত্রৈলোক্য মোহনম্ ॥১-৪৫-৪১॥
45.42
যদা ক্ষয়ম্ গতম্ সর্বম্ তদা বিষ্ণুঃ মহাবলঃ ।
অমৃতম্ সঃ অহরৎ তূর্ণম্ মায়াম্ আস্থায় মোহিনীম্ ॥১-৪৫-৪২॥
45.43
যে গতা অভিমুখম্ বিষ্ণুম্ অক্ষরম্ পুরুষোত্তমম্ ।
সংপিষ্টাঃ তে তদা যুদ্ধে বিষ্ণুনা প্রভ বিষ্ণুনা ॥১-৪৫-৪৩॥
45.44
অদিতেঃ আত্মজা বীরা দিতেঃ পুত্রান্ নিজঘ্নিরে ।
অস্মিন্ ঘোরে মহায়ুদ্ধে দৈতেয়া অদিত্যায়োঃ ভৃশম্ ॥১-৪৫-৪৪॥
45.45
নিহত্য দিতি পুত্রান্ তু রাজ্যম্ প্রাপ্য পুরংদরঃ ।
শশাস মুদিতো লোকান্ স ঋষি সংঘান্ স চারণান্ ॥১-৪৫-৪৫॥