সর্গ 44

44.1

স গত্বা সাগরম্ রাজা গংগয়া অনুগতস্ তদা ।
প্রবিবেশ তলম্ ভূমেঃ যত্র তে ভস্মসাৎ কৃতাঃ ॥১-৪৪-১॥

ভস্মনি অথ আপ্লুতে রাম গংগাইআঃ সলিলেন বৈ ।
সর্ব লোক প্রভুঃ ব্রহ্মা রাজানম্ ইদম্ অব্রবীৎ ॥১-৪৪-২॥

তারিতা নরশার্দূল দিবম্ যাতাঃ চ দেববৎ ।
ষষ্টিঃ পুত্র সহস্রাণি সগরস্য মহাত্মনঃ ॥১-৪৪-৩॥

সাগরস্য জলম্ লোকে যাবৎ স্থাস্যতি পার্থিব ।
সগরস্য আত্মজাঃ সর্বে দিবি স্থাস্যন্তি দেববৎ ॥১-৪৪-৪॥

ইয়ম্ চ দুহিতা জ্যেষ্ঠা তব গংগা ভবিষ্যতি ।
ত্বৎ কৃতেন চ নাম্না অথ লোকে স্থাস্যতি বিশ্রুতা ॥১-৪৪-৫॥

গংগা ত্রিপথগা নাম দিব্যা ভাগীরথী ইতি চ ।
ত্রীন্ পথো ভাবয়ন্তি ইতি তস্মৎ ত্রিপথগা স্মৃতা ॥১-৪৪-৬॥

পিতামহানাম্ সর্বেষাম্ ত্বম্ অত্র মনুজাধিপ ।
কুরুষ্ব সলিলম্ রাজন্ প্রতিজ্ঞাম্ অপবর্জয় ॥১-৪৪-৭॥

পূর্বকেণ হি তে রাজন্ তেন অতিয়শসা তদা ।
ধর্মিণাম্ প্রবরেণ অথ ন এষ প্রাপ্তো মনোরথঃ ॥১-৪৪-৮॥

তথৈব অংশুমতা বত্স লোকে অপ্রতিম তেজসা ।
গংগাম্ প্রার্থয়তা নেতুম্ প্রতিজ্ঞা ন অপবর্জিতা ॥১-৪৪-৯॥

রাজর্ষিণা গুণবতা মহর্ষি সম তেজসা ।
মৎ তুল্য তপসা চৈব ক্ষত্র ধর্ম স্থিতেন চ ॥১-৪৪-১০॥

দিলীপেন মহাভাগ তব পিত্রা অতিতেজসা ।
পুনর্ ন শকিতা নেতুম্ গংগাম্ প্রার্থয়ত অনঘ ॥১-৪৪-১১॥

সা ত্বয়া সমতিক্রান্তা প্রতিজ্ঞা পুরুষর্ষভ ।
প্রাপ্তো অসি পরমম্ লোকে যশঃ পরম সংমতম্ ॥১-৪৪-১২॥

তৎ চ গংগা অবতরণম্ ত্বয়া কৃতম্ অরিন্দম ।
অনেন চ ভবান্ প্রাপ্তো ধর্মস্য আয়তনম্ মহৎ ॥১-৪৪-১৩॥

প্লাবয়স্ব ত্বম্ আত্মানম্ নরোত্তম সদা উচিতে ।
সলিলে পুরুষশ্রেষ্ঠ শুচিঃ পুণ্যফলো ভব ॥১-৪৪-১৪॥

পিতামহানাম্ সর্বেষাম্ কুরুষ্ব সলিলক্রিয়াম্ ।
স্বস্তি তে অস্তু গমিষ্যামি স্বম্ লোকম্ গম্যতাম্ নৃপ ॥১-৪৪-১৫॥

ইতি এবম্ উক্ত্বা দেবেশঃ সর্বলোক পিতামহঃ ।
যথা আগতম্ তথা অগচ্ছৎ দেব লোকম্ মহায়শাঃ ॥১-৪৪-১৬॥

ভগীরথঃ তু রাজর্ষিঃ কৃত্বা সলিলম্ উত্তমম্ ।
যথাক্রমম্ যথান্যায়ম্ সাগরাণাম্ মহায়শাঃ ॥১-৪৪-১৭॥

কৃতোদকঃ শুচী রাজা স্বপুরম্ প্রবিবেশ হ ।
সমৃদ্ধার্থো নরশ্রেষ্ঠ স্বরাজ্যম্ প্রশশাস হ ॥১-৪৪-১৮॥

প্রমুমোদ চ লোকঃ তম্ নৃপম্ আসাদ্য রাঘব ।
নষ্টশোকঃ সমৃদ্ধার্থো বভূব বিগতজ্বরঃ ॥১-৪৪-১৯॥

এষ তে রাম গংগায়া বিস্তরো অভিহিতো ময়া ।
স্বস্তি প্রাপ্নুহি ভদ্রম্ তে সংধ্যা কালো অতিবর্ততে ॥১-৪৪-২০॥

ধন্যম্ যশস্যম্ আয়ুষ্যম্ পুত্র্যম্ স্বর্গ্যম্ অথ অপি চ ।
যঃ শ্রাবয়তি বিপ্রেষু ক্ষত্রিয়েষু ইতেরেষু চ ॥১-৪৪-২১॥

ইদম্ আKযনম্ আয়ুশ্যম্ গংগা অবতরণম্ শুভম্ ॥১-৪৪-২২॥

যঃ শ্রুণোতি চ কাকুত্স্থ সর্বান্ কামান্ অবাপ্নুয়াৎ ।
সর্বে পাপাঃ প্রণশ্যন্তি আয়ুঃ কীর্তিঃ চ বর্ধতে ॥১-৪৪-২৩॥