UtshovSarga 46
46.1
हतेषु तेषु पुत्रेषु दितिः परम दुःखिता ।
मारीचम् काश्यपम् राम भर्तारम् इदम् अब्रवीत् ॥१-४६-१॥
Hateshu teshu putreshu ditih parama duhkhita
Maricham kashyapam rama bhartaram idam abravit
46.2
हत पुत्रा अस्मि भगवन् तव पुत्रैः महाबलैः ।
शक्र हन्तारम् इच्छामि पुत्रम् दीर्घ तपो अर्जितम् ॥१-४६-२॥
Hata putra asmi bhagavan tava putraih mahabalaih
Shakra hantaram ichchhami putram dirgha tapo arjitam
46.3
सा अहम् तपः चरिष्यामि गर्भम् मे दातुम् अर्हसि ।
ईश्वरम् शक्र हन्तारम् त्वम् अनुज्ञातुम् अर्हसि ॥१-४६-३॥
Sa aham tapah charishyami garbham me datum arhasi
Ishvaram shakra hantaram tvam anugyatum arhasi
46.4
तस्याः तत् वचनम् श्रुत्वा मारीचः काश्यपः तदा ।
प्रत्युवाच महातेजा दितिम् परम दुःखिताम् ॥१-४६-४॥
Tasyah tat vachanam shrutva marichah kashyapah tada
Pratyuvacha mahateja ditim parama duhkhitam
46.5
एवम् भवतु भद्रम् ते शुचिः भव तपोधने ।
जनयिष्यसि पुत्रम् त्वम् शक्र हन्तारम् आहवे ॥१-४६-५॥
Evam bhavatu bhadram te shuchih bhava tapodhane
Janayishyasi putram tvam shakra hantaram ahave
46.6
पूर्णे वर्ष सहस्रे तु शुचिः यदि भविष्यसि ।
पुत्रम् त्रैलोक्य हन्तारम् मत्तः त्वम् जनयिष्यसि ॥१-४६-६॥
Purne varsha sahasre tu shuchih yadi bhavishyasi
Putram trailokya hantaram mattah tvam janayishyasi
46.7
एवम् उक्त्वा महा तेजाः पाणिना स ममार्ज ताम् ।
तम् आलभ्य ततः स्वस्ति इति उक्त्वा तपसे ययौ ॥१-४६-७॥
Evam uktva maha tejah panina sa mamarja tam
Tam alabhya tatah svasti iti uktva tapase yayau
46.8
गते तस्मिन् नरश्रेष्ठ दितिः परम हर्षिता ।
कुशप्लवम् सामासाद्य तपः तेपे सुदारुणम् ॥१-४६-८॥
Gate tasmin narashreshtha ditih parama harshita
Kushaplavam samasadya tapah tepe sudarunam
46.9
तपः तस्याम् हि कुर्वत्याम् परिचर्याम् चकार ह ।
सहस्राक्षो नरश्रेष्ठ परया गुण संपदा ॥१-४६-९॥
Tapah tasyam hi kurvatyam paricharyam chakara ha
Sahasraksho narashreshtha paraya guna sampada
46.10
अग्निम् कुशान् काष्ठम् अपः फलम् मूलम् तथैव च ।
न्यवेदयत् सहस्राक्षो यच् च अन्यत् अपि कान्क्षितम् ॥१-४६-१०॥
Agnim kushan kashtham apah phalam mulam tathaiva cha
Nyavedayat sahasraksho yach cha anyat api kankshitam
46.11
गात्र संवाहनैः चैव श्रम अपनयनैः तथा ।
शक्रः सर्वेषु कालेषु दितिम् परिचचार ह ॥१-४६-११॥
Gatra sanvahanaih chaiva shrama apanayanaih tatha
Shakrah sarveshu kaleshu ditim parichachara ha
46.12
पूर्णे वर्ष सहस्रे दश ऊने रघुनंदन ।
दितिः परम संहृष्टा सहस्राक्षम् अथ अब्रवीत् ॥१-४६-१२॥
Purne varsha sahasre dasha une raghunandana
Ditih parama sanhrishta sahasraksham atha abravit
46.13
तपः चरन्त्या वर्षाणि दश वीर्यवताम् वर ।
अवशिष्टानि भद्रम् ते भ्रातरम् द्रक्ष्यसे ततः ॥१-४६-१३॥
Tapah charantya varshani dasha viryavatam vara
Avashishtani bhadram te bhrataram drakshyase tatah
46.14
यम् अहम् त्वत् कृते पुत्र तम् आधास्ये जय उत्सुकम् ।
त्रैलोक्य विजयम् पुत्र सह भोक्ष्यसि विज्वरः ॥१-४६-१४॥
Yam aham tvat krite putra tam adhasye jaya utsukam
Trailokya vijayam putra saha bhokshyasi vijvarah
46.15
याचितेन सुरश्रेष्ट पित्रा तव माहात्मना ।
वरो वर्ष सस्र अन्ते मम दत्तः सुतम् प्रति ॥१-४६-१५॥
Yachitena surashreshta pitra tava mahatmana
Varo varsha sasra ante mama dattah sutam prati
46.16
इति उक्त्वा च दितिः तत्र प्राप्ते मध्यन्दिन ईश्वरे ।
निद्रया पहृता देवी पादौ कृत्वाथ शीर्षतः ॥१-४६-१६॥
Iti uktva cha ditih tatra prapte madhyandina ishvare
Nidraya pahrita devi padau kritvatha shirshatah
46.17
दृष्ट्वा ताम् अशुचिम् शक्रः पादयोः कृत मूर्धजाम् ।
शिरः स्थाने कृतौ पादौ जहास च मुमोद च ॥१-४६-१७॥
Drishtva tam ashuchim shakrah padayoh krita murdhajam
Shirah sthane kritau padau jahasa cha mumoda cha
46.18
तस्याः शरीर विवरम् प्रविवेश पुरंदरः ।
गर्भम् च सप्तधा राम चिच्छेद परम आत्मवान् ॥१-४६-१८॥
Tasyah sharira vivaram pravivesha purandarah
Garbham cha saptadha rama chichchheda parama atmavan
46.19
भिद्यमानः ततो गर्भो वज्रेण शत पर्वणा ।
रुरोद सुस्वरम् राम ततो दितिः अबुध्यत ॥१-४६-१९॥
Bhidyamanah tato garbho vajrena shata parvana
Ruroda susvaram rama tato ditih abudhyata
46.20
मा रुदो मा रुदः च इति गर्भम् शक्रो अभ्यभाषत ।
बिभेद च महातेजा रुदन्तम् अपि वासवः ॥१-४६-२०॥
Ma rudo ma rudah cha iti garbham shakro abhyabhashata
Bibheda cha mahateja rudantam api vasavah
46.21
न हन्तव्यम् न हन्तव्यम् इति एवम् दितिः अब्रवीत् ।
निष्पपात ततः शक्रो मातुर् वचन गौरवात् ॥१-४६-२१॥
Na hantavyam na hantavyam iti evam ditih abravit
Nishpapata tatah shakro matur vachana gauravat
46.22
प्रांजलिः वज्र सहितो दितिम् शक्रो अभ्यभाषत ।
अशुचिः देवि सुप्ता असि पादयोः कृत मूर्धजा ॥१-४६-२२॥
Pranjalih vajra sahito ditim shakro abhyabhashata
Ashuchih devi supta asi padayoh krita murdhaja
46.23
तत् अन्तरम् अहम् लब्ध्वा शक्र हन्तारम् आहवे ।
अभिन्दम् सप्तधा देवि तन् मे त्वम् क्षन्तुम् अर्हसि ॥१-४६-२३॥
Tat antaram aham labdhva shakra hantaram ahave
Abhindam saptadha devi tan me tvam kshantum arhasi