Utshovসর্গ 41
41.1
পুত্রান্ চির গতান্ জ্ঞাত্বা সগরো রঘুনংদন ।
নপ্তারম্ অব্রবীৎ রাজা দীপ্যমানম্ স্ব তেজসা ॥১-৪১-১॥
41.2
শূরঃ চ কৃত বিদ্যঃ চ পূর্বৈঃ তুল্যো অসি তেজসা ।
পিতৃণাম্ গতিম্ অন্বিচ্ছ যেন চ অশ্বো অপহারিতঃ ॥১-৪১-২॥
41.3
অন্তর্ ভৌমানি সত্ত্বানি বীর্যবন্তি মহান্তি চ ।
তেষাম্ ত্বম্ প্রতিঘাত অর্থম্ স অসিম্ গৃহ্ণীষ্ব কার্মুকম্ ॥১-৪১-৩॥
41.4
অভিবাদ্য অভিবাদ্যান্ ত্বম্ হত্বা বিঘ্ন করান্ অপি ।
সিদ্ধার্থঃ সংনিবর্তস্ব মম যজ্ঞস্য পারগঃ ॥১-৪১-৪॥
41.5
এবম্ উক্তো অংশুমান্ সম্যক্ সগরেণ মহাত্মনা ।
ধনুর্ আদায় খড্গম্ চ জগাম লঘুবিক্রমঃ ॥১-৪১-৫॥
41.6
স খাতম্ পিতৃভিঃ মার্গম্ অন্তর্ ভৌমম্ মহাত্মভিঃ ।
প্রাপদ্যত নরশ্রেষ্ঠ তেন রাজ্ঞা অভিচোদিতঃ ॥১-৪১-৬॥
41.7
দেব দানব রক্ষোভিঃ পিশাচ পতগ উরগৈঃ ।
পূজ্যমানম্ মহাতেজা দিশা গজম্ অপশ্যত ॥১-৪১-৭॥
41.8
স তম্ প্রদক্ষিণম্ কৃত্বা পৃষ্ট্বা চৈব নিরাময়ম্ ।
পিতৃইন্ স পরিপপ্রচ্ছ বাজি হর্তারম্ এব চ ॥১-৪১-৮॥
41.9
দিশা গজঃ তু তৎ শ্রুত্বা প্রত্যুবাচ মহামতিঃ ।
আসমংজ কৃতার্থঃ ত্বম্ সহ অশ্বঃ শীঘ্রম্ এষ্যসি ॥১-৪১-৯॥
41.10
তস্য তদ্ বচনম্ শ্রুত্বা সর্বান্ এব দিশা গজান্ ।
যথা ক্রমম্ যথা ন্যায়ম্ প্রষ্টুম্ সমুপচক্রমে ॥১-৪১-১০॥
41.11
তৈঃ চ সর্বৈঃ দিশা পালৈঃ বাক্যজ্ঞৈঃ বাক্যকোবিদৈঃ ।
পূজিতঃ স হয়ঃ চৈব গন্তা অসি ইতি অভিচোদিতঃ ॥১-৪১-১১॥
41.12
তেষাম্ তৎ বচনম্ শ্রুত্বা জগাম লঘুবিক্রমঃ ।
ভস্ম রাশী কৃতা যত্র পিতরঃ তস্য সাগরাঃ ॥১-৪১-১২॥
41.13
স দুঃখ বশম্ আপন্নঃ তু অসমংজ সুতঃ তদা ।
চুক্রোশ পরম আর্তঃ তু বধাৎ তেষাম্ সুদুঃখিতঃ ॥১-৪১-১৩॥
41.14
যজ্ঞিয়ম্ চ হয়ম্ তত্র চরন্তম্ অবিদূরতঃ ।
দদর্শ পুরুষব্যাঘ্রো দুঃখ শোক সমন্বিতঃ ॥১-৪১-১৪॥
41.15
স তেষাম্ রাজ পুত্রাণাম্ কর্তু কামো জল ক্রিয়াম্ ।
স জলার্থম্ মহাতেজা ন চ অপশ্যৎ জল আশয়ম্ ॥১-৪১-১৫॥
41.16
বিসার্য নিপুণাম্ দৃষ্টিম্ ততো অপশ্যৎ খগ অধিপম্ ।
পিতৃণাম্ মাতুলম্ রাম সুপর্ণম্ অনিল উপমম্ ॥১-৪১-১৬॥
41.17
স চ এনম্ অব্রবীৎ বাক্যম্ বৈনতেয়ো মহাবলঃ ।
মা শুচঃ পুরুষব্যাঘ্র বধো অয়ম্ লোক সম্মতঃ ॥১-৪১-১৭॥
41.18
কপিলেন অপ্রমেয়েণ দগ্ধা হি ইমে মহাবলাঃ ।
সলিলম্ ন অর্হসি প্রাজ্ঞ দাতুম্ এষাম্ হি লৌকিকম্ ॥১-৪১-১৮॥
41.19
গংগা হিমবতো জ্যেষ্ঠা দুহিতা পুরুষর্ষভ ।
তস্যাম্ কুরু মহাবাহো পিতৄণাম্ তু জল ক্রিয়াম্ ॥১-৪১-১৯॥
41.20
ভস্ম রাশী কৃতান্ এতান্ পাবয়েৎ লোক কাংতয়া ।
তয়া ক্লিন্নম্ ইদম্ ভস্ম গংগয়া লোক কান্তয়া ।ষষ্টিম্ পুত্র সহস্রাণি স্বর্গ লোকম্ গমিষ্যতি ॥১-৪১-২০॥
41.21
নির্গচ্ছ চ অশ্বম্ মহাভাগ সংগৃহ্য পুরুষর্ষভ ।
যজ্ঞম্ পৈতামহম্ বীর নির্বর্তয়িতুম্ অর্হসি ॥১-৪১-২১॥
41.22
সুপর্ণ বচনম্ শ্রুত্বা সঃ অংশুমান্ অতিবীর্যবান্ ।
ত্বরিতম্ হয়ম্ আদায় পুনর্ আয়াৎ মহায়শাঃ ॥১-৪১-২২॥
41.23
ততো রাজানম্ আসাদ্য দীক্ষিতম্ রঘুনংদন ।
ন্যবেদয়ৎ যথা বৃত্তম্ সুপর্ণ বচনম্ তথা ॥১-৪১-২৩॥
41.24
তৎ শ্রুত্বা ঘোর সংকাশম্ বাক্যম্ অংশুমতো নৃপঃ ।
যজ্ঞম্ নির্বর্তয়ামাস যথা কল্পম্ যথা বিধি ॥১-৪১-২৪॥
41.25
স্ব পুরম্ চ অগমৎ শ্রীমান্ ইষ্ট যজ্ঞো মহীপতিঃ ।
গংগায়াঃ চ আগমে রাজা নিশ্চয়ম্ ন অধ্যগচ্ছত ॥১-৪১-২৫॥
41.26
অগত্বা নিশ্চয়ম্ রাজা কালেন মহতা মহান্ ।
ত্রিংশৎ বর্ষ সহস্রাণি রাজ্যম্ কৃত্বা দিবম্ গতঃ ॥১-৪১-২৬॥