Utshovসর্গ 40
40.1
দেবতানাম্ বচঃ শ্রুত্বা ভগবান্ বৈ পিতামহঃ ।
প্রত্যুবাচ সুসংত্রস্তান্ কৃতান্ত বল মোহিতান্ ॥১-৪০-১॥
40.2
যস্য ইয়ম্ বসুধা কৃত্স্না বাসুদেবস্য ধীমতঃ।
মহিষী মাধবসয় স এষা স এব ভগবন্ প্রভুঃ ॥১-৪০-২॥
40.3
কাপিলম্ রূপম্ আস্থায় ধারয়ত্য অনিশম্ ধরাম্ ।
তস্য কোপাগ্নিনা দগ্ধা ভবিষ্যংতি নৃপাত্মজা ॥১-৪০-৩॥
40.4
পৃথিব্যাঃ চ অপি নির্ভেদো দৃষ্ট এব সনাতনঃ ।
সগরস্য চ পুত্রাণাম্ বিনাশো দীর্ঘ দর্শিনাম্ ॥১-৪০-৪॥
40.5
পিতামহ বচঃ শ্রুত্বা ত্রয়ঃ ত্রিংশৎ অরিন্দমঃ ।
দেবাঃ পরম সংহৃষ্টাঃ পুনর্ জগ্মুর্ যথা আগতম্ ॥১-৪০-৫॥
40.6
সগরস্য চ পুত্রাণাম্ প্রাদুর্ আসীৎ মহাস্বনঃ ।
পৃথিব্যাম্ ভিদ্যমানায়াম্ নির্ঘাত সম নিঃবনঃ ॥১-৪০-৬॥
40.7
ততো ভিত্ত্বা মহীম্ সর্বাম্ কৃত্বা চ অপি প্রদক্ষিণম্ ।
সহিতাঃ সগরাঃ সর্বে পিতরম্ বাক্যম্ অব্রুবন্ ॥১-৪০-৭॥
40.8
পরিক্রাংতা মহী সর্বা সত্ত্ববন্তঃ চ সূদিতাঃ ।
দেব দানব রক্ষাংসি পিশাচ উরগ পন্নগাঃ ॥১-৪০-৮॥
40.9
ন চ পশ্যামহে অশ্বম্ তে অশ্ব হর্তারম্ এব চ ।
কিম্ করিষ্যাম ভদ্রম্ তে বুদ্ধিঃ অত্র বিচার্যতাম্ ॥১-৪০-৯॥
40.10
তেষাম্ তৎ বচনম্ শ্রুত্বা পুত্রাণাম্ রাজ সত্তমঃ ।
সমন্যুঃ অব্রবীৎ বাক্যম্ সগরো রঘুনংদন ॥১-৪০-১০॥
40.11
ভূয়ঃ খনত ভদ্রম্ বো বিভেদ্য বসুধা তলম্অশ্ব হর্তারম্ আসাদ্য কৃতার্থাঃ চ নিবর্তত ॥১-৪০-১১॥
40.12
পিতুর্ বচনম্ আসাদ্য সগরস্য মহাত্মনঃ ।
ষষ্টিঃ পুত্র সহস্রাণি রসাতলম্ অভিদ্রবন্ ॥১-৪০-১২॥
40.13
খন্যমানে ততঃ তস্মিন্ দদৃশুঃ পর্বত উপমম্ ।
দিশা গজম্ বিরূপাক্ষম্ ধারয়ংতম্ মহীতলম্ ॥১-৪০-১৩॥
40.14
স পর্বত বনাম্ কৃত্স্নাম্ পৃথিবীম্ রঘুনংদন ।
ধারয়ামাস শিরসা বিরূপাক্ষো মহাগজঃ ॥১-৪০-১৪॥
40.15
যদা পর্বণি কাকুত্স্থ বিশ্রমার্থম্ মহাগজঃ ।
খেদাৎ চালয়তে শীর্ষম্ ভূমি কম্পঃ তদা ভবেৎ ॥১-৪০-১৫॥
40.16
তে তম্ প্রদক্ষিণম্ কৃত্বা দিশা পালম্ মহাগজম্ ।
মানয়ন্তো হি তে রাম জগ্মুর্ ভিত্ত্বা রসাতলম্ ॥১-৪০-১৬॥
40.17
ততঃ পূর্বাম্ দিশম্ ভিত্ত্বা দক্ষিণাম্ বিভিদুঃ পুনঃ ।
দক্ষিণস্যাম্ অপি দিশি দদৃশুঃ তে মহাগজম্ ॥১-৪০-১৭॥
40.18
মহা পদ্মম্ মহাত্মানম্ সুমহা পর্বতোপমম্ ।
শিরসা ধারয়ংতম্ গাম্ বিস্ময়ম্ জগ্মুর্ উত্তমম্ ॥১-৪০-১৮॥
40.19
তে তম্ প্রদক্ষিণম্ কৃত্বা সগরস্য মহাত্মনঃ ।
ষষ্টিঃ পুত্র সহস্রাণি পশ্চিমাম্ বিভিদুর্ দিশম্ ॥১-৪০-১৯॥
40.20
পশ্চিমায়াম্ অপি দিশি মহাংতম্ অচলোপমম্ ।
দিশা গজম্ সৌমনসম্ দদৃশুঃ তে মহা বলাঃ ॥১-৪০-২০॥
40.21
তে তম্ প্রদক্ষিণম্ কৃত্বা পৃষ্ট্বা চ অপি নিরাময়ম্ ।
খনংতঃ সমুপক্রাংতা দিশম্ সোমবতীম্ তদা ॥১-৪০-২১॥
40.22
উত্তরস্যাম্ রঘুশ্রেষ্ঠ দদৃশুর্ হিম পাণ্ডুরম্ ।
ভদ্রম্ ভদ্রেণ বপুষা ধারয়ংতম্ মহীম্ ইমাম্ ॥১-৪০-২২॥
40.23
সমালভ্য ততঃ সর্বে কৃত্বা চ এনম্ প্রদক্ষিণম্ ।
ষষ্টিঃ পুত্র সহস্রাণি বিভিদুর্ বসুধা তলম্ ॥১-৪০-২৩॥
40.24
ততঃ প্রাক্ উত্তরাম্ গত্বা সাগরাঃ প্রথিতাম্ দিশম্ ।
রোষাৎ অভ্যখনন্ সর্বে পৃথিবীম্ সগর আত্মজাঃ ॥১-৪০-২৪॥
40.25
তে তু সর্বে মহত্মানো ভিমবেগ মহবলাঃ ।
দদৃশুঃ কপিলম্ তত্র বাসুদেবম্ সনাতনম্ ॥১-৪০-২৫॥
40.26
হয়ম্ চ তস্য দেবস্য চরন্তম্ অবিদূরতঃ ।
প্রহর্ষম্ অতুলম্ প্রপ্তঃ সর্বে তে রঘুনংদন ॥১-৪০-২৬॥
40.27
তে তম্ হয় হরম্ জ্ঞাত্বা ক্রোধ পর্যাকুল ঈক্ষণাঃ ।
খনিত্র লাংগলা ধর নানা বৃক্ষ শিলা ধরাঃ ॥১-৪০-২৭॥
40.28
অভ্যধাবন্ত সংক্রুদ্ধাঃ তিষ্ঠ তিষ্ঠ ইতি চ অব্রুবন্ ।
অস্মাকম্ ত্বম্ হি তুরগম্ যজ্ঞিয়ম্ হৃতবান্ অসি ॥১-৪০-২৮॥
40.29
দুর্মেধঃ ত্বম্ হি সংপ্রাপ্তান্ বিদ্ধি নঃ সগরাত্মজান্ ।
শ্রুত্বা তৎ বচনম্ তেষাম্ কপিলো রঘুনংদন ॥১-৪০-২৯॥
40.30
রোষেণ মহতা আবিষ্টো হুম্ কারম্ অকরোৎ তদা ।
ততঃ তেন অপ্রমেয়েণ কপিলেন মহাত্মনা ।ভস্ম রাশী কৃতাঃ সর্বে কাকুত্স্থ সগরাত্মজাঃ ॥১-৪০-৩০॥