Utshovসর্গ 39
39.1
বিশ্বামিত্র বচঃ শ্রুত্বা কথান্তে রঘুনংদন ।
উবাচ পরম প্রীতো মুনিম্ দীপ্তম্ ইব অনলম্ ॥১-৩৯-১॥
39.2
শ্রোতুম্ ইচ্ছামি ভদ্রম্ তে বিস্তরেণ কথাম্ ইমাম্ ।
পূর্বজো মে কথম্ ব্রহ্মন্ যজ্ঞম্ বৈ সমুপাহরৎ ॥১-৩৯-২॥
39.3
তস্য তৎ বচনম্ শ্রুত্বা কৌতূহল সমন্বিতঃ ।
বিশ্বামিত্রঃ তু কাকুত্স্থম্ উবাচ প্রহসন্নিব ॥১-৩৯-৩॥
39.4
শ্রূয়তাম্ বিস্তরো রাম সগরস্য মহাত্মনঃ ।
শংকর শ্বশুরো নাম হিমবান্ ইতি বিশ্রুতঃ ॥১-৩৯-৪॥
39.5
বিংধ্য পর্বতম্ আসাদ্য নিরীক্ষেতে পরস্পরম্ ।
তয়োর্ মধ্যে সংভবৎ যজ্ঞঃ স পুরুষোত্তম ॥১-৩৯-৫॥
39.6
স হি দেশো নরব্যাঘ্র প্রশস্তো যজ্ঞ কর্মণি।
তস্য অশ্ব চর্যাম্ কাকুত্স্থ দৃঢ ধন্বা মহারথঃ ॥১-৩৯-৬॥
39.7
অংশুমান্ অকরোৎ তাত সগরস্য মতে স্থিতঃ ।
তস্য পর্বণি তম্ যজ্ঞম্ যজমানস্য বাসবঃ ১-৩৯-৭রাক্ষসীম্ তনুম্ আস্থায় যজ্ঞিয় অশ্বম্ অপাহরৎ ।হ্রিয়মাণে তু কাকুত্স্থ তস্মিন্ অশ্বে মহাত্মনঃ ॥১-৩৯-৭॥
39.8
উপাধ্যায় গণাঃ সর্বে যজমানম্ অথ অব্রুবন্ ।
অয়ম্ পর্বণি বেগেন যজ্ঞিয় অশ্বো অপনীয়তে ॥১-৩৯-৮॥
39.9
হর্তারম্ জহি কাকুত্স্থ হয়ঃ চ এব উপনীয়তাম্ ।
যজ্ঞঃ চ্ছিদ্রম্ ভবতি এতৎ সর্বেষাম্ অশিবায় নঃ ॥১-৩৯-৯॥
39.10
তৎ তথা ক্রিয়তাম্ রাজন্ যজ্ঞো অচ্ছিদ্রঃ ক্রুতো ভবেৎ ।
সো উপাধ্যায় বচঃ শ্রুত্বা তস্মিন্ সদসি পার্থিবঃ ॥১-৩৯-১০॥
39.11
ষষ্টিম্ পুত্র সহস্রাণি বাক্যম্ এতৎ উবাচ হ ।
গতিম্ পুত্রা ন পশ্যামি রক্ষসাম্ পুরুষর্ষভাঃ ॥১-৩৯-১১॥
39.12
মংত্র পূতৈঃ মহাভাগৈঃ আস্থিতো হি মহাক্রতুঃ ।
তৎ গচ্ছত বিচিন্বধ্বম্ পুত্রকা ভদ্রম্ অস্তু বঃ ॥১-৩৯-১২॥
39.13
সমুদ্র মালিনীম্ সর্বাম্ পৃথিবীম্ অনুগচ্ছত ।
এক একম্ যোজনম্ পুত্রা বিস্তারম্ অভিগচ্ছত ॥১-৩৯-১৩॥
39.14
যাবৎ তুরগ সংদর্শঃ তাবৎ খনত মেদিনীম্ ।
তম্ এব হয় হর্তারম্ মার্গমাণা মম আজ্ঞয়া ॥১-৩৯-১৪॥
39.15
দীক্ষিতঃ পৌত্র সহিতঃ স উপাধ্যায় গণঃ তু অহম্ ।
ইহ স্থাস্যামি ভদ্রম্ বো যাবৎ তুরগ দর্শনম্ ॥১-৩৯-১৫॥
39.16
তে সর্বে হৃষ্টমনসো রাজ পুত্রা মহাবলাঃ ।
জগ্মুর্ মহী তলম্ রাম পিতুর্ বচন যংত্রিতাঃ ॥১-৩৯-১৬॥
39.17
গত্ব তু পৃথিবীম্ সর্বম্ অদৃষ্টা তম্ মহবলাঃ ।
যোজনায়াম্ অবিস্তারম্ একৈকো ধরণী তলম্ ।বিভিদুঃ পুরুষব্যাঘ্র বজ্র স্পর্শ সমৈঃ ভুজৈঃ ॥১-৩৯-১৭॥
39.18
শূলৈঃ অশনি কল্পৈঃ চ হলৈঃ চ অপি সুদারুণৈঃ ।
ভিদ্যমানা বসুমতী ননাদ রঘুনংদন ॥১-৩৯-১৮॥
39.19
নাগানাম্ বধ্যমানানাম্ অসুরাণাম্ চ রাঘব ।
রাক্ষসানাম্ চ দুর্ধর্ষঃ সত্ত্বানাম্ নিনদো অভবৎ ॥১-৩৯-১৯॥
39.20
যোজনানাম্ সহস্রাণি ষষ্টিম্ তু রঘুনংদন ।
বিভিদুর্ ধরণীম্ রাম রসা তলম্ অনুত্তমম্ ॥১-৩৯-২০॥
39.21
এবম্ পর্বত সংবাধম্ জম্বূ দ্বীপম্ নৃপাত্মজাঃ ।
খনন্তো নৃপশার্দূল সর্বতঃ পরিচক্রমুঃ ॥১-৩৯-২১॥
39.22
ততো দেবাঃ স গংধর্বাঃ স অসুরাঃ সহ পন্নগাঃ ।
সংভ্রাংত মনসঃ সর্বে পিতামহম্ উপাগমন্ ॥১-৩৯-২২॥
39.23
তে প্রসাদ্য মহাত্মানম্ বিষণ্ণ বদনাঃ তদা ।
ঊচুঃ পরম সংত্রস্তাঃ পিতামহম্ ইদম্ বচঃ ॥১-৩৯-২৩॥
39.24
ভগবন্ পৃথিবী সর্বা খন্যতে সগর আত্মজৈঃ ।
বহবঃ চ মহাত্মানো বধ্যন্তে জল চারিণঃ ॥১-৩৯-২৪॥
39.25
অয়ম্ যজ্ঞ হরো অস্মাকম্ অনেন অশ্বো অপনীয়তে ।
ইতি তে সর্ব ভূতানি হিংসন্তি সগর আত্মজঃ ॥১-৩৯-২৫॥