Utshovসর্গ 38
38.1
তাম্ কথাম্ কৌশিকো রামে নিবেদ্য মধুর অক্ষরম্ ।
পুনঃ এব অপরম্ বাক্যম্ কাকুত্স্থম্ ইদম্ অব্রবীৎ ॥১-৩৮-১॥
38.2
অয়োধ্যা অধিপতিঃ বীরঃ পূর্বম্ আসীৎ নরাধিপঃ ।
সগরো নাম ধর্মাত্মা প্রজাকামঃ স চ অপ্রজঃ ॥১-৩৮-২॥
38.3
বৈদর্ভ দুহিতা রাম কেশিনী নাম নামতঃ ।
জ্যেষ্ঠা সগর পত্নী সা ধর্মিষ্ঠা সত্য বাদিনী ॥১-৩৮-৩॥
38.4
অরিষ্ঠনেমি দুহিতা সুপর্ণ ভগিনী তু সা ।
দ্বিতীয়া সগরস্য আসীৎ পত্নী সুমতি সংজ্ঞিতা ॥১-৩৮-৪॥
38.5
তাভ্যাম্ সহ মহারাজা পত্নীভ্যাম্ তপ্তবান্ তপঃ ।
হিমবংতম্ সমাসাদ্য ভৃগু প্রস্রবণে গিরৌ ॥১-৩৮-৫॥
38.6
অথ বর্ষ শতে পূর্ণে তপসা আরাধিতো মুনিঃ ।
সগরায় বরম্ প্রাদাদ্ ভৃগুঃ সত্যবতাম্ বরঃ ॥১-৩৮-৬॥
38.7
অপত্য লাভঃ সুমহান্ ভবিষ্যতি তব অনঘ ।
কীর্তিম্ চ অপ্রতিমাম্ লোকে প্রাপ্স্যসে পুরুষর্ষভ ॥১-৩৮-৭॥
38.8
একা জনয়িতা তাত পুত্রম্ বংশকরম্ তব ।
ষষ্টিম্ পুত্র সহস্রাণি অপরা জনয়িষ্যতি ॥১-৩৮-৮॥
38.9
ভাষমাণম্ মহাত্মানম্ রাজ পুত্র্যৌ প্রসাদ্য তম্ ।
ঊচতুঃ পরম প্রীতে কৃতাংজলি পুটে তদা ॥১-৩৮-৯॥
38.10
একঃ কস্যাঃ সুতো ব্রহ্মন্ কা বহূন্ জনয়িষ্যতি ।
শ্রোতুম্ ইচ্ছাবহে ব্রহ্মন্ সত্যম্ অস্তু বচঃ তব ॥১-৩৮-১০॥
38.11
তয়োঃ তৎ বচনম্ শ্রুত্বা ভৃগুঃ পরমধার্মিকঃ ।
উবাচ পরমাম্ বাণীম্ স্বচ্ছন্দো অত্র বিধীয়তাম্ ॥১-৩৮-১১॥
38.12
একো বংশ করো বা অস্তু বহবো বা মহাবলাঃ ।
কীর্তিমন্তো মহোত্সাহাঃ কা বা কম্ বরম্ ইচ্ছতি ॥১-৩৮-১২॥
38.13
মুনেঃ তু বচনম্ শ্রুত্বা কেশিনী রঘুনংদন ।
পুত্রম্ বংশ করম্ রাম জগ্রাহ নৃপ সংনিধৌ ॥১-৩৮-১৩॥
38.14
ষষ্টিম্ পুত্র সহস্রাণি সুপর্ণ ভগিনী তদা ।
মহোত্সাহান্ কীর্তিমতো জগ্রাহ সুমতিঃ সুতান্ ॥১-৩৮-১৪॥
38.15
প্রদক্ষিণম্ ঋষিম্ কৃত্বা শিরসা অভিপ্রণম্য চ ।
জগাম স্ব পুরম্ রাজা সভার্যা রঘু নন্দন ॥১-৩৮-১৫॥
38.16
অথ কালে গতে তস্মিন্ জ্যেষ্ঠা পুত্রম্ ব্যজায়ত ।
অসমংজ ইতি খ্যাতম্ কেশিনী সগরাত্মজম্ ॥১-৩৮-১৬॥
38.17
সুমতিঃ তু নরব্যাঘ্র গর্ভ তুংবম্ ব্যজায়ত ।
ষষ্টিঃ পুত্র সহস্রাণি তুংব ভেদাৎ বিনিঃসৃতাঃ ॥১-৩৮-১৭॥
38.18
ঘৃত পূর্ণেষু কুংভেষু ধাত্র্যঃ তান্ সমবর্ধয়ন্ ।
কালেন মহতা সর্বে যৌবনম্ প্রতিপেদিরে ॥১-৩৮-১৮॥
38.19
অথ দীর্ঘেণ কালেন রূপ যৌবনশালিনঃ ।
ষষ্টিঃ পুত্র সহস্রাণি সগরস্য অভবন্ তদা ॥১-৩৮-১৯॥
38.20
স চ জ্যেষ্ঠো নরশ্রেষ্ঠ সগরস্য আত্ম সংভবঃ ।
বালান্ গৃহীত্বা তু জলে সরয্বা রঘুনংদন ॥১-৩৮-২০॥
38.21
প্রক্ষিপ্য প্রহসন্ নিত্যম্ মজ্জতস্ তান্ নিরীক্ষ্য বৈ ।
এবম্ পাপ সমাচারঃ সজ্জন প্রতিবাধকঃ ॥১-৩৮-২১॥
38.22
পৌরাণাম্ অহিতে যুক্তঃ পিত্রা নির্বাসিতঃ পুরাৎ ।
তস্য পুত্রো অংশুমান্ নাম অসমংজস্য বীর্যবান্ ॥১-৩৮-২২॥
38.23
সম্মতঃ সর্ব লোকস্য সর্বস্য অপি প্রিয়ম্ বদঃ ।
ততঃ কালেন মহতা মতিঃ সমভিজায়ত ॥১-৩৮-২৩॥
38.24
সগরস্য নরশ্রেষ্ঠ যজেয়ম্ ইতি নিশ্চিতা ।
স কৃত্বা নিশ্চয়ম্ রাজা স উপাধ্যায় গণঃ তদা ।যজ্ঞ কর্মণি বেদজ্ঞো যষ্টুম্ সমুপচক্রমে ॥১-৩৮-২৪॥