Utshovসর্গ 37
37.1
তপ্যমানে তদা দেবে স ইন্দ্রাঃ স অগ্নি পুরোগমাঃ ।
সেনাপতিম্ অভীপ্সন্তঃ পিতামহম্ উপাগমন্ ॥১-৩৭-১॥
37.2
ততো অব্রুবন্ সুরাঃ সর্বে ভগবংতম্ পিতামহম্ ।
প্রণিপত্য সুরাঃ রাম স ইন্দ্রাঃ স অগ্নি পুরোগমাঃ ॥১-৩৭-২॥
37.3
যেন সেনাপতিঃ দেব দত্তো ভগবতা পুরা ।
স তপঃ পরম্ আস্থায় তপ্যতে স্ম সহ উময়া ॥১-৩৭-৩॥
37.4
যৎ অত্র অনংতরম্ কার্যম্ লোকানাম্ হিত কাম্যয়া ।
সংবিধত্স্ব বিধানজ্ঞ ত্বম্ হি নঃ পরমা গতিঃ ॥১-৩৭-৪॥
37.5
দেবতানাম্ বচঃ শ্রুত্বা সর্ব লোক পিতামহঃ ।
সান্ত্বয়ন্ মধুরৈঃ বাক্যৈঃ ত্রিদশান্ ইদম্ অব্রবীৎ ॥১-৩৭-৫॥
37.6
শৈল পুত্র্যা যৎ উক্তম্ তৎ ন প্রজাঃ স্বাসু পত্নিষু ।
তস্যা বচনম্ অক্লিষ্টম্ সত্যম্ এব ন সংশয়ঃ ॥১-৩৭-৬॥
37.7
ইয়ম্ আকাশ গংগা যস্যাম্ পুত্রম্ হুতাশনঃ ।
জনয়িষ্যতি দেবানাম্ সেনাপতিম্ অরিংদমম্ ॥১-৩৭-৭॥
37.8
জ্যেষ্ঠা শৈলেন্দ্র দুহিতা মানয়িষ্যতি তম্ সুতম্ ।
উমায়াঃ তৎ বহুমতম্ ভবিষ্যতি ন সংশয়ঃ ॥১-৩৭-৮॥
37.9
তৎ শ্রুত্বা বচনম্ তস্য কৃতার্থা রঘুনন্দন ।
প্রণিপত্য সুরাঃ সর্বে পিতামহম্ অপূজয়ন্ ॥১-৩৭-৯॥
37.10
তে গত্বা পরমম্ রাম কৈলাসম্ ধাতু মণ্ডিতম্ ।
অগ্নিম্ নিয়োজয়ামাসুঃ পুত্রার্থম্ সর্ব দেবতাঃ ॥১-৩৭-১০॥
37.11
দেব কার্যম্ ইদম্ দেব সমাধত্স্ব হুতাশন ।
শৈল পুত্র্যাম্ মহাতেজো গংগায়াম্ তেজ উত্সৃজ ॥১-৩৭-১১॥
37.12
দেবতানাম্ প্রতিজ্ঞায় গংগাম্ অভ্যেত্য পাবকঃ ।
গর্ভম্ ধারয় বৈ দেবি দেবতানাম্ ইদম্ প্রিয়ম্ ॥১-৩৭-১২॥
37.13
ইতি এতৎ বচনম্ শ্রুত্বা দিব্যম্ রূপম্ অধারয়ৎ ।
স তস্যা মহিমাম্ দৃষ্ট্বা সমংতাৎ অবকীর্যত ॥১-৩৭-১৩॥
37.14
সমংততঃ তদা দেবীম্ অভ্যষিংচত পাবকঃ ।
সর্ব স্রোতাংসি পূর্ণানি গংগায়া রঘুনন্দন ॥১-৩৭-১৪॥
37.15
তম্ উবাচ ততো গংগা সর্ব দেব পুরোগমম্ ।
অশক্তা ধারণে দেব তেজঃ তব সমুদ্ধতম্ ॥১-৩৭-১৫॥
37.16
দহ্যমানা অগ্নিনা তেন সংপ্রব্যথিত চেতনা ।
অথ অব্রবীৎ ইদম্ গংগাম্ সর্ব দেব হুতাশনঃ ॥১-৩৭-১৬॥
37.17
ইহ হৈমবতে পার্শ্বে গর্ভো অয়ম্ সংনিবেশ্যতাম্ ।
শ্রুত্বা তু অগ্নি বচো গংগা তম্ গর্ভম্ অতিভাস্বরম্ ॥১-৩৭-১৭॥
37.18
উত্সসর্জ মহাতেজাঃ স্রোতোভ্যো হি তদা অনঘ ।
যৎ অস্যা নির্গতম্ তস্মাৎ তপ্ত জাংবূনদ প্রভম্ ॥১-৩৭-১৮॥
37.19
কাংচনম্ ধরণীম্ প্রাপ্তম্ হিরণ্যম্ অতুল প্রভম্ ।
তাম্রম্ কার্ষ্ণায়সম্ চৈব তৈক্ষ্ণ্যাৎ এব অভিজায়ত ॥১-৩৭-১৯॥
37.20
মলম্ তস্য অভবৎ তত্র ত্রপু সীসকম্ এব চ ।
তৎ এতৎ ধরণীম্ প্রাপ্য নানা ধাতুঃ অবর্ধত ॥১-৩৭-২০॥
37.21
নিক্ষিপ্ত মাত্রে গর্ভে তু তেজোভিঃ অভিরংজিতম্ ।
সর্বম্ পর্বত সংনদ্ধম্ সৌবর্ণম্ অভবৎ বনম্ ॥১-৩৭-২১॥
37.22
জাতরূপম্ ইতি খ্যাতম্ তদা প্রভৃতি রাঘব ।
সুবর্ণম্ পুরুষব্যাঘ্র হুতাশন সম প্রভম্ ।তৃণ বৃক্ষ লতা গুল্মম্ সর্বম্ ভবতি কাংচনম্ ॥১-৩৭-২২॥
37.23
তম্ কুমারম্ ততো জাতম্ স ইন্দ্রাঃ সহ মরুদ্ গণাঃ ।
ক্ষীর সংভাবন অর্থায় কৃত্তিকাঃ সময়োজয়ন্ ॥১-৩৭-২৩॥
37.24
তাঃ ক্ষীরম্ জাত মাত্রস্য কৃত্বা সময়ম্ উত্তমম্ ।
দদুঃ পুত্রো অয়ম্ অস্মাকম্ সর্বাসাম্ ইতি নিশ্চিতাঃ ॥১-৩৭-২৪॥
37.25
ততঃ তু দেবতাঃ সর্বাঃ কার্তিকেয় ইতি ব্রুবন্ ।
পুত্রঃ ত্রৈলোক্য বিখ্যাতো ভবিষ্যতি ন সংশয়ঃ ॥১-৩৭-২৫॥
37.26
তেষাম্ তৎ বচনম্ শ্রুত্বা স্কন্নম্ গর্ভ পরিস্রবে ।
স্নাপয়ন্ পরয়া লক্ষ্ম্যা দীপ্যমানম্ যথা অনলম্ ॥১-৩৭-২৬॥
37.27
স্কংদ ইতি অব্রুবন্ দেবাঃ স্কন্নম্ গর্ভ পরিস্রবাৎ ।
কার্তিকেয়ম্ মহাবাহুম্ কাকুত্স্থ জ্বলন উপমম্ ॥১-৩৭-২৭॥
37.28
প্রাদুর্ভূতম্ ততঃ ক্ষীরম্ কৃত্তিকানাম্ অনুত্তমম্ ।
ষণ্ণাম্ ষড্ আননো ভূত্বা জগ্রাহ স্তনজম্ পয়ঃ ॥১-৩৭-২৮॥
37.29
গৃহীত্বা ক্ষীরম্ এক অহ্না সুকুমার বপুঃ তদা ।
অজয়ৎ স্বেন বীর্যেণ দৈত্য সৈন্য গণান্ বিভুঃ ॥১-৩৭-২৯॥
37.30
সুর সেনা গণ পতিম্ অভ্যষিংচৎ মহাদ্যুতিম্ ।
ততঃ তম্ অমরাঃ সর্বে সমেত্য অগ্নি পুরোগমাঃ ॥১-৩৭-৩০॥
37.31
এষ তে রাম গংগায়া বিস্তরো অভিহিতো ময়া ।
কুমার সংভবঃ চৈব ধন্যঃ পুণ্যঃ তথৈব চ ॥১-৩৭-৩১॥
37.32
ভক্তঃ চ যঃ কার্তিকেয়ে কাকুত্স্থ ভুবি মানবঃ ।
আয়ুষ্মান্ পুত্র পৌত্রঃ চ স্কন্দ সালোক্যতাম্ ব্রজতে ॥১-৩৭-৩২॥