Utshovসর্গ 36
36.1
উক্ত বাক্যে মুনৌ তস্মিন্ উভৌ রাঘব লক্ষ্মণৌ ।
প্রতিনংদ্য কথাম্ বীরৌ ঊচতুঃ মুনি পুংগবম্ ॥১-৩৬-১॥
36.2
ধর্ম যুক্তম্ ইদম্ ব্রহ্মন্ কথিতম্ পরমম্ ত্বয়া ।
দুহিতুঃ শৈল রাজস্য জ্যেষ্ঠায় বক্তুম্ অর্হসি ।বিস্তরম্ বিস্তরজ্ঞো অসি দিব্য মানুষ সংভবম্ ॥১-৩৬-২॥
36.3
ত্রীন্ পথো হেতুনা কেন পাবয়েৎ লোক পাবনী ।
কথম্ গঙ্গা ত্রিপথগা বিশ্রুতা সরিৎ উত্তমা ॥১-৩৬-৩॥
36.4
ত্রিষু লোকেষু ধর্মজ্ঞ কর্মভিঃ কৈঃ সমন্বিতা ।
তথা ব্রুবতি কাকুত্স্থে বিশ্বামিত্রঃ তপোধনঃ ॥১-৩৬-৪॥
36.5
নিখিলেন কথাম্ সর্বাম্ ঋষি মধ্যে ন্যবেদয়ৎ ।
পুরা রাম কৃত উদ্বাহঃ শিতি কণ্ঠো মহা তপাঃ ॥১-৩৬-৫॥
36.6
দৃষ্ট্বা চ ভগবান্ দেবীম্ মৈথুনায় উপচক্রমে ।
তস্য সংক্রীডমানস্য মহাদেবস্য ধীমতঃ ।শিতিকণ্ঠস্য দেবস্য দিব্যম্ বর্ষ শতম্ গতম্ ॥১-৩৬-৬॥
36.7
ন চ অপি তনয়ো রাম তস্যাম্ আসীৎ পরংতপ ।
সর্বে দেবাঃ সমুদ্যুক্তাঃ পিতামহ পুরোগমাঃ ॥১-৩৬-৭॥
36.8
যৎ ইহ উত্পদ্যতে ভূতম্ কঃ তৎ প্রতিসহিষ্যতি ।
অভিগম্য সুরাঃ সর্বে প্রণিপত্য ইদম্ অব্রুবন্ ॥১-৩৬-৮॥
36.9
দেব দেব মহাদেব লোকস্য অস্য হিতে রত ।
সুরাণাম্ প্রণিপাতেন প্রসাদম্ কর্তুম্ অর্হসি ॥১-৩৬-৯॥
36.10
ন লোকা ধারয়িষ্যন্তি তব তেজঃ সুরোত্তম ।
ব্রাহ্মেণ তপসা যুক্তো দেব্যা সহ তপঃ চর ॥১-৩৬-১০॥
36.11
ত্রৈলোক্য হিত কাম অর্থম্ তেজঃ তেজসি ধারয় ।
রক্ষ সর্বান্ ইমান্ লোকান্ ন অলোকম্ কর্তুম্ অর্হসি ॥১-৩৬-১১॥
36.12
দেবতানাম্ বচঃ শ্রুত্বা সর্ব লোক মহেশ্বরঃ ।
বাঢম্ ইতি অব্রবীৎ সর্বান্ পুনঃ চ ইদম্ উবাচ হ ॥১-৩৬-১২॥
36.13
ধারয়িষ্যামি অহম্ তেজঃ তেজসি এব সহ উময়া ।
ত্রিদশাঃ পৃথিবী চৈব নির্বাণম্ অধিগচ্ছতু ॥১-৩৬-১৩॥
36.14
যদ্ ইদম্ ক্ষুভিতম্ স্থানাৎ মম তেজো হি অনুত্তমম্ ।
ধারয়িষ্যতি কঃ তৎ মে ব্রুবন্তু সুর সত্তমাঃ ॥১-৩৬-১৪॥
36.15
এবম্ উক্তাঃ ততো দেবাঃ প্রত্যূচুর্ বৃষভ ধ্বজম্ ।
যৎ তেজঃ ক্ষুভিতম্ হি অদ্য তদ্ ধরা ধারয়িষ্যতি ॥১-৩৬-১৫॥
36.16
এবম্ উক্তঃ সুর পতিঃ প্রমুমোচ মহাবলঃ ।
তেজসা পৃথিবী যেন ব্যাপ্তা স গিরি কাননা ॥১-৩৬-১৬॥
36.17
ততো দেবাঃ পুনর্ ইদম্ ঊচুঃ চ অপি হুতাশনম্ ।
আবিশ ত্বম্ মহাতেজো রৌদ্রম্ বায়ু সমন্বিতঃ ॥১-৩৬-১৭॥
36.18
তদ্ অগ্নিনা পুনর্ ব্যাপ্তম্ সংজাতম্ শ্বেত পর্বতম্ ।
দিব্যম্ শরবণম্ চৈব পাবক আদিত্য সংনিভম্ ॥১-৩৬-১৮॥
36.19
যত্র জাতো মহাতেজাঃ কার্তিকেয়ো অগ্নি সংভবঃ ।
অথ উমাম্ চ শিবম্ চৈব দেবাঃ স ঋষি গণাঃ তদা ॥১-৩৬-১৯॥
36.20
পূজয়ামাসুঃ অত্যর্থম্ সুপ্রীত মনসঃ ততঃ ।
অথ শৈল সুতা রাম ত্রিদশান্ ইদম্ অব্রবীৎ।সমন্যুঃ অশপৎ সর্বান্ ক্রোধ সংরক্ত লোচনা ।যস্মাৎ নিবারিতা চ অহম্ সংগতা পুত্র কাম্যয়া ॥১-৩৬-২০॥
36.21
অপত্যম্ স্বেষু দারেষু ন উত্পদয়িতুম্ অর্হথ ।
অদ্য প্রভৃতি যুষ্মাকম্ অপ্রজাঃ সন্তু পত্নয়ঃ ॥১-৩৬-২১॥
36.22
এবম্ উক্ত্বা সুরান্ সর্বান্ শশাপ পৃথিবীম্ অপি ।
অবনে ন এক রূপা ত্বম্ বহু ভার্যা ভবিষ্যসি ॥১-৩৬-২২॥
36.23
ন চ পুত্র কৃতাম্ প্রীতিম্ মৎ ক্রোধ কলুষীকৃতা ।
প্রাপ্স্যসি ত্বম্ সুদুর্মেধে মম পুত্রম্ অনিচ্ছতী ॥১-৩৬-২৩॥
36.24
তান্ সর্বান্ পীডিতান্ দৃষ্ট্বা সুরান্ সুরপতিঃ তদা ।
গমনায় উপচক্রাম দিশম্ বরুণ পালিতাম্ ॥১-৩৬-২৪॥
36.25
স গত্বা তপ আতিষ্ঠৎ পার্শ্বে তস্য উত্তরে গিরেঃ ।
হিমবৎ প্রভবে শৃংগে সহ দেব্যা মহেশ্বরঃ ॥১-৩৬-২৫॥
36.26
এষ তে বিস্তরো রাম শৈল পুত্র্যা নিবেদিতঃ ।
গন্গায়াঃ প্রভবম্ চৈব শৃণু মে সহ লক্ষ্মণ ॥১-৩৬-২৬॥