Utshovসর্গ 42
42.1
কালধর্মম্ গতে রাম সগরে প্রকৃতী জনাঃ ।
রাজানম্ রোচয়ামাসুর্ অম্শুমন্তম্ সুধার্মিকম্ ॥১-৪২-১॥
42.2
স রাজা সুমহান্ আসীৎ অংশুমান্ রঘুনংদন ।
তস্য পুত্রো মহান্ আসীৎ দিলীপ ইতি বিশ্রুতঃ ॥১-৪২-২॥
42.3
তস্মৈ রাজ্যম্ সমাদিশ্য দিলীপে রঘুনংদন ।
হিমবৎ শিখরে রম্যে তপঃ তেপে সুদারুণম্ ॥১-৪২-৩॥
42.4
দ্বা ত্রিংশৎ সহস্রাম্ বর্ষাণি সুমহা যশাঃ ।
তপোবন গতো রাজা স্বর্গম্ লেভে তপোধনঃ ॥১-৪২-৪॥
42.5
দিলীপঃ তু মহাতেজাঃ শ্রুত্বা পৈতামহম্ বধম্ ।
দুঃখ উপহতয়া বুদ্ধ্যা নিশ্চয়ম্ ন অধ্যগচ্ছত ॥১-৪২-৫॥
42.6
কথম্ গংগা অবতরণম্ কথম্ তেষাং জলক্রিয়া ।
তারয়েয়ম্ কথম্ চ এতান্ ইতি চিংতাপরো অভবৎ ॥১-৪২-৬॥
42.7
তস্য চিংতয়তো নিত্যম্ ধর্মেণ বিদিত আত্মনঃ ।
পুত্রো ভগীরথো নাম জজ্ঞে পরম ধার্মিকঃ ॥১-৪২-৭॥
42.8
দিলীপঃ তু মহাতেজা যজ্ঞৈঃ বহুভিঃ ইষ্টবান্ ।
ত্রিংশৎ বর্ষ সহস্রাণি রাজা রাজ্যম্ অকারয়ৎ ॥১-৪২-৮॥
42.9
অগত্বা নিশ্চয়ম্ রাজা তেষাম্ উদ্ধরণম্ প্রতি ।
ব্যাধিনা নর শার্দূল কাল ধর্মম্ উপেয়িবান্ ॥১-৪২-৯॥
42.10
ইন্দ্রলোকম্ গতো রাজা স্ব অর্জিতেন এব কর্মণা ।
রজ্যে ভগীরথম্ পুত্রম্ অভিষিচ্য নরর্ষভঃ ॥১-৪২-১০॥
42.11
ভগীরথঃ তু রাজর্ষিঃ ধার্মিকো রঘুনংদন ।
অনপত্যো মহারজাঃ প্রজা কামঃ স চ প্রজাঃ ॥১-৪২-১১॥
42.12
মংত্রিষু আধায় তৎ রজ্যম্ গঙ্গ অবতরণে রতঃ।
তপো দীর্ঘম্ সমাতিষ্ঠৎ গোকর্ণে রঘুনংদন ॥১-৪২-১২॥
42.13
ঊর্ধ্ব বাহুঃ পংচ তপা মাস আহারো জিতেইন্দ্রিয়ঃ ।
তস্য বর্ষ সহস্রাণি ঘোরে তপসি তিষ্ঠতঃ ॥১-৪২-১৩॥
42.14
অতীতানি মহবহো তস্য রাজ্ঞো মহাত্মনঃ ।
সুপ্রীতো ভগবান্ ব্রহ্মা প্রজানাম্ পতিঃ ঈশ্বরঃ ॥১-৪২-১৪॥
42.15
ততঃ সুর গণৈঃ সার্ধম্ উপাগম্য পিতামহঃ ।
ভগীরথম্ মহাত্মানম্ তপ্যমানম্ অথ অব্রবীৎ ॥১-৪২-১৫॥
42.16
ভগীরথ মহারাজ প্রীতঃ তে অহম্ জনাধিপ ।
তপসা চ সুতপ্তেন বরম্ বরয় সুব্রত ॥১-৪২-১৬॥
42.17
তম্ উবাচ মহাতেজাঃ সর্বলোক পিতামহম্ ।
ভগীরথো মহাবাহুঃ কৃত অংজলিপুটঃ স্থিতঃ ॥১-৪২-১৭॥
42.18
যদি মে ভগবান্ প্রীতো যদি অস্তি তপসঃ ফলম্ ।
সগরস্য আত্মজাঃ সর্বে মত্তঃ সলিলম্ আপ্নুয়ুঃ ॥১-৪২-১৮॥
42.19
গন্গায়াঃ সলিল ক্লিন্নে ভস্মনি এষাম্ মহাত্মনাম্ ।
স্বর্গম্ গচ্ছেয়ুর্ অত্যংতম্ সর্বে মে প্রপিতামহাঃ ॥১-৪২-১৯॥
42.20
দেব যাচে হ সংতত্যৈ ন অবসীদেৎ কুলম্ চ নঃ ।
ইক্ষ্বাকূণাম্ কুলে দেব এষ মে অস্তু বরঃ পরঃ ॥১-৪২-২০॥
42.21
উক্ত বাক্যম্ তু রাজানম্ সর্বলোক পিতামহঃ ।
প্রত্যুবাচ শুভাম্ বাণীম্ মধুরম্ মধুর অক্ষরাম্ ॥১-৪২-২১॥
42.22
মনোরথো মহান্ এষ ভগীরথ মহারথ ।
এবম্ ভবতু ভদ্রম্ তে ইক্ষ্বাকু কুল বর্ধন ॥১-৪২-২২॥
42.23
ইয়ম্ হৈমবতী জ্যেষ্ঠা গংগা হিমবতঃ সুতা ।
তাম্ বৈ ধারয়িতুম্ রাজন্ হরঃ তত্র নিয়ুজ্যতাম্ ॥১-৪২-২৩॥
42.24
গংগায়াঃ পতনম্ রাজন্ পৃথিবী ন সহিষ্যতে ।
তাম্ বৈ ধারয়িতুম্ রাজন্ ন অন্যম্ পশ্যামি শূলিনঃ ॥১-৪২-২৪॥
42.25
তম্ এবম্ উক্ত্বা রাজানম্ গংগাম্ চ আভাষ্য লোককৃৎ ।
জগাম ত্রিদিবম্ দেবৈঃ সর্বৈঃ সহ মরুৎ গণৈঃ ॥১-৪২-২৫॥