Utshovসর্গ 33
33.1
তস্য তদ্ বচনম্ শ্রুত্বা কুশনাভস্য ধীমতঃ ।
শিরোভিঃ চরণৌ স্পৃষ্ট্বা কন্যা শতম্ অভাষত ॥১-৩৩-১॥
33.2
বায়ুঃ সর্বাত্মকো রাজন্ প্রধর্ষয়িতুম্ ইচ্ছতি ।
অশুভম্ মার্গম্ আস্থায় ন ধর্মম্ প্রত্যবেক্ষতে ॥১-৩৩-২॥
33.3
পিতৃমত্যঃ স্ম ভদ্রম্ তে স্বচ্ছন্দে ন বয়ম্ স্থিতাঃ ।
পিতরম্ নো বৃণীষ্ব ত্বম্ যদি নো দাস্যতে তব ॥১-৩৩-৩॥
33.4
তেন পাপ অনুবন্ধেন বচনম্ ন প্রতীচ্ছতা ।
এবম্ ব্রুবংত্যঃ সর্বাঃ স্ম বায়ুনা অভিহতা ভৃষম্ ॥১-৩৩-৪॥
33.5
তাসাম্ তু বচনম্ শ্রুত্বা রাজা পরম ধার্মিকঃ ।
প্রত্যুবাচ মহাতেজাঃ কন্যা শতম্ অনুত্তমম্ ॥১-৩৩-৫॥
33.6
ক্ষান্তম্ ক্ষমাবতাম্ পুত্র্যঃ কর্তব্যম্ সুমহৎ কৃতম্ ।
ঐকমত্যম্ উপাগম্য কুলম্ চ আবেক্ষিতম্ মম ॥১-৩৩-৬॥
33.7
অলংকারো হি নারীণাম্ ক্ষমা তু পুরুষস্য বা ।
দুষ্করম্ তৎ চ বৈ ক্ষান্তম্ ত্রিদশেষু বিশেষতঃ ॥১-৩৩-৭॥
33.8
যাদৃশীঃ বঃ ক্ষমা পুত্র্যঃ সর্বাসাম্ অবিশেষতঃ ।
ক্ষমা দানম্ ক্ষমা সত্যম্ ক্ষমা যজ্ঞঃ চ পুত্রিকাঃ ॥১-৩৩-৮॥
33.9
ক্ষমা যশঃ ক্ষমা ধর্মঃ ক্ষমায়াম্ বিষ্ঠিতম্ জগৎ ।
বিসৃজ্য কন্যাঃ কাকুত্স্থ রাজা ত্রিদশ বিক্রমঃ ॥১-৩৩-৯॥
33.10
মংত্রজ্ঞো মংত্রয়ামাস প্রদানম্ সহ মংত্রিভিঃ ।
দেশে কালে চ কর্তব্যম্ সদৃশে প্রতিপাদনম্ ॥১-৩৩-১০॥
33.11
এতস্মিন্ এব কালে তু চূলী নাম মহাদ্যুতিঃ ।
ঊর্ধ্ব রেতাঃ শুভাচারো ব্রাহ্মম্ তপ উপাগমৎ ॥১-৩৩-১১॥
33.12
তপস্যংতম্ ঋষিম্ তত্র গংধর্বী পর্যুপাসতে ।
সোমদা নাম ভদ্রম্ তে ঊর্মিলা তনয়া তদা ॥১-৩৩-১২॥
33.13
সা চ তম্ প্রণতা ভূত্বা শুশ্রূষণ পরায়ণা ।
উবাস কালে ধর্মিষ্ঠা তস্যাঃ তুষ্টো অভবৎ গুরুঃ ॥১-৩৩-১৩॥
33.14
স চ তাম্ কাল যোগেন প্রোবাচ রঘু নংদন ।
পরিতুষ্টো অস্মি ভদ্রম্ তে কিম্ করোমি তব প্রিয়ম্ ॥১-৩৩-১৪॥
33.15
পরিতুষ্টম্ মুনিম্ জ্ঞাত্বা গন্ধর্বী মধুর স্বরম্ ।
উবাচ পরম প্রীতা বাক্যজ্ঞা বাক্য কোবিদম্ ॥১-৩৩-১৫॥
33.16
লক্ষ্ম্যা সমুদিতো ব্রাহ্ম্যা ব্রহ্ম ভূতো মহাতপাঃ ।
ব্রাহ্মেণ তপসা যুক্তম্ পুত্রম্ ইচ্ছামি ধার্মিকম্ ॥১-৩৩-১৬॥
33.17
অপতিঃ চ অস্মি ভদ্রম্ তে ভার্যা চ অস্মি ন কস্যচিৎ ।
ব্রাহ্মেণ উপগতায়াঃ চ দাতুম্ অর্হসি মে সুতম্ ॥১-৩৩-১৭॥
33.18
তস্যাঃ প্রসন্নো ব্রহ্মর্ষির্ দদৌ ব্রাহ্মম্ অনুত্তমম্ ।
ব্রহ্মদত্ত ইতি খ্যাতম্ মানসম্ চূলিনঃ সুতম্ ॥১-৩৩-১৮॥
33.19
স রাজা ব্রহ্মদত্তঃ তু পুরীম্ অধ্যবসৎ তদা ।
কাংপিল্যাম্ পরয়া লক্ষ্ম্যা দেবরাজো যথা দিবম্ ॥১-৩৩-১৯॥
33.20
স বুদ্ধিম্ কৃতবান্ রাজা কুশনাভঃ সুধার্মিকঃ ।
ব্রহ্মদত্তায় কাকুত্স্থ দাতুম্ কন্যা শতম্ তদা ॥১-৩৩-২০॥
33.21
তম্ আহূয় মহাতেজা ব্রহ্মদত্তম্ মহীপতিঃ ।
দদৌ কন্যা শতম্ রাজা সুপ্রীতেন অংতরাত্মনা ॥১-৩৩-২১॥
33.22
যথা ক্রমম্ ততঃ পাণিম্ জগ্রাহ রঘুনংদন ।
ব্রহ্মদত্তো মহীপালঃ তাসাম্ দেবপতির্ যথা ॥১-৩৩-২২॥
33.23
স্পৃষ্ট মাত্রে ততঃ পাণৌ বিকুব্জা বিগত জ্বরাঃ ।
যুক্তাঃ পরময়া লক্ষ্ম্যা বভৌ কন্যা শতম্ তদা ॥১-৩৩-২৩॥
33.24
স দৃষ্ট্বা বায়ুনা মুক্তাঃ কুশনাভো মহীপতিঃ ।
বভূব পরম প্রীতো হর্ষম্ লেভে পুনঃ পুনঃ ॥১-৩৩-২৪॥
33.25
কৃত উদ্বাহম্ তু রাজানম্ ব্রহ্মদত্তম্ মহীপতিঃ ।
সদারম্ প্রেষয়ামাস স উপাধ্যায় গণম্ তদা ॥১-৩৩-২৫॥
33.26
সোমদা অপি সুতম্ দৃষ্ট্বা পুত্রস্য সদৃশীম্ ক্রিয়াম্ ।
যথা ন্যায়ম্ চ গন্ধর্বী স্নুষাঃ তাঃ প্রত্যনংদত ।স্পৃষ্ট্বা স্পৃষ্ট্বা চ তাঃ কন্যাঃ কুশনাভম্ প্রশস্য চ ॥১-৩৩-২৬॥