Utshovসর্গ 32
32.1
ব্রহ্ম যোনির্ মহান্ আসীৎ কুশো নাম মহাতপাঃ ।
অক্লিষ্ট ব্রত ধর্মজ্ঞঃ সজ্জন প্রতি পূজকঃ ॥১-৩২-১॥
32.2
স মহাত্মা কুলীনায়াম্ যুক্তায়াম্ সুমহাবলান্ ।
বৈদর্ভ্যাম্ জনয়াম্ আস চতুরঃ সদৃশান্ সুতান্ ॥১-৩২-২॥
32.3
কুশাম্বম্ কুশনাভম্ চ আসূর্তরজসম্ বসুম্ ।
দীপ্তি যুক্তান্ মহোত্সাহান্ ক্ষত্রধর্ম চিকীর্ষয়া ॥১-৩২-৩॥
32.4
তান্ উবাচ কুশঃ পুত্রান্ ধর্মিষ্ঠান্ সত্যবাদিনঃ ।
ক্রিয়তাম্ পালনম্ পুত্রা ধর্ম প্রাপ্যথ পুষ্কলম্ ॥১-৩২-৪॥
32.5
কুশস্য বচনম্ শ্রুত্বা চত্বারো লোক সত্তমাঃ ।
নিবেশম্ চক্রিরে সর্বে পুরাণাম্ নৃ বরাঃ তদা ॥১-৩২-৫॥
32.6
কুশাম্বঃ তু মহাতেজাঃ কৌশাংবীম্ অকরোৎ পুরীম্ ।
কুশনাভঃ তু ধর্মাত্মা পুরম্ চক্রে মহোদয়ম্ ॥১-৩২-৬॥
32.7
অসূর্তরজসো রাম ধর্মারণ্যম্ মহামতিঃ ।
চক্রে পুরবরম্ রাজা বসুর্ নাম গিরিব্রজম্ ॥১-৩২-৭॥
32.8
এষা বসুমতী নাম বসোঃ তস্য মহাত্মনঃ ।
এতে শৈলবরাঃ পংচ প্রকাশন্তে সমংততঃ ॥১-৩২-৮॥
32.9
সুমাগধী নদী রম্যা মাগধান্ বিশ্রুতা আয়য়ৌ ।
পংচানাম্ শৈল মুখ্যানাম্ মধ্যে মালা ইব শোভতে ॥১-৩২-৯॥
32.10
সা এষা হি মাগধী রাম বসোঃ তস্য মহাত্মনঃ ।
পূর্ব অভিচরিতা রাম সুক্ষেত্রা সস্য মালিনী ॥১-৩২-১০॥
32.11
কুশনাভঃ তু রাজর্ষিঃ কন্যা শতম্ অনুত্তমম্ ।
জনয়ামাস ধর্মাত্মা ঘৃতাচ্যাম্ রঘু নংদন ॥১-৩২-১১॥
32.12
তাঃ তু যৌবন শালিন্যো রূপবত্যঃ স্বলংকৃতাঃ ।
উদ্যান ভূমিম্ আগম্য প্রাবৃষি ইব শতহ্রদাঃ ॥১-৩২-১২॥
32.13
গায়ংত্যো নৃত্যমানাঃ চ বাদয়ংত্যঃ চ রাঘব ।
আমোদম্ পরমম্ জগ্মুর্ বর আভরণ ভূষিতাঃ ॥১-৩২-১৩॥
32.14
অথ তাঃ চারু সর্ব অংগ্যো রূপেণ অপ্রতিমা ভুবি ।
উদ্যান ভূমিম্ আগম্য তারা ইব ঘন অন্তরে ॥১-৩২-১৪॥
32.15
তাঃ সর্বগুণ সংপন্না রূপ যৌবন সংয়ুতাঃ ।
দৃষ্ট্বা সর্বাত্মকো বায়ুর্ ইদম্ বচনম্ অব্রবীৎ ॥১-৩২-১৫॥
32.16
অহম্ বঃ কাময়ে সর্বা ভার্যা মম ভবিষ্যথ ।
মানুষঃ ত্যজ্যতাম্ ভাবো দীর্ঘম্ আয়ুর্ অবাপ্স্যথ ॥১-৩২-১৬॥
32.17
চলম্ হি যৌবনম্ নিত্যম্ মানুষেষু বিশেষতঃ ।
অক্ষয়ম্ যৌবনম্ প্রাপ্তা অমর্যঃ চ ভবিষ্য্থ ॥১-৩২-১৭॥
32.18
তস্য তদ্ বচনম্ শ্রুত্বা বায়োঃ অক্লিষ্ট কর্মণঃ ।
অপহাস্য ততো বাক্যম্ কন্যা শতম্ অথ অব্রবীৎ ॥১-৩২-১৮॥
32.19
অন্তঃ চরসি ভূতানাম্ সর্বেষাম্ ত্বম্ সুর সত্তম ।
প্রভাবজ্ঞাঃ চ তে সর্বাঃ কিম্ অর্থম্ অবমন্যসে ॥১-৩২-১৯॥
32.20
কুশনাভ সুতাঃ দেবম্ সমস্তা সুর সত্তম ।
স্থানাৎ চ্যাবয়িতুম্ দেবম্ রক্ষামঃ তু তপো বয়ম্ ॥১-৩২-২০॥
32.21
মা ভূৎ স কালো দুর্মেধঃ পিতরম্ সত্য বাদিনম্ ।
অবমন্যস্ব স্ব ধর্মেণ স্বয়ম্ বরম্ উপাস্মহে ॥১-৩২-২১॥
32.22
পিতা হি প্রভুর্ অস্মাকম্ দৈবতম্ পরমম্ চ সঃ ।
যস্য নো দাস্যতি পিতা স নো ভর্তা ভবিষ্যতি ॥১-৩২-২২॥
32.23
তাসাম্ তু বচনম্ শ্রুত্বা হরিঃ পরম কোপনঃ ।
প্রবিশ্য সর্ব গাত্রাণি বভংজ ভগবান্ প্রভুঃ ॥১-৩২-২৩॥
32.24
তাঃ কন্যা বায়ুনা ভগ্না বিবিশুর্ নৃপতেঃ গৃহম্ ।
প্রবিশ্য চ সুসংভ্রান্তাঃ স লজ্জাঃ স অস্র লোচন ॥১-৩২-২৪॥
32.25
স চ তা দয়িতা ভগ্নাঃ কন্যাঃ পরম শোভনাঃ ।
দৃষ্ট্বা দীনাঃ তদা রাজা সংভ্রাংত ইদম্ অব্রবীৎ ॥১-৩২-২৫॥
32.26
কিম্ ইদম্ কথ্যতাম্ পুত্র্যঃ কো ধর্মম্ অবমন্যতে ।
কুব্জাঃ কেন কৃতাঃ সর্বাঃ চেষ্টন্ত্যো ন অভিভাষথ ।এবম্ রাজা বিনিঃশ্বস্য সমাধিম্ সংদধে ততঃ ॥১-৩২-২৬॥