Utshovসর্গ 31
31.1
অথ তাম্ রজনীম্ তত্র কৃতার্থৌ রাম লক্ষণৌ ।
ঊষতুর্ মুদিতৌ বীরৌ প্রহৃষ্টেন অংতরাত্মনা ॥১-৩১-১॥
31.2
প্রভাতায়াম্ তু শর্বর্যাম্ কৃত পৌর্ব অহ্ণিক ক্রিয়ৌ ।
বিশ্বামিত্রম্ ঋষীম্ চ অন্যান্ সহিতৌ অভিজগ্মতুঃ ॥১-৩১-২॥
31.3
অভিবাদ্য মুনি শ্রেষ্ঠম্ জ্বলংতম্ ইব পাবকম্ ।
ঊচতুর্ পরমোদারম্ বাক্যম্ মধুর ভাষিণৌ ॥১-৩১-৩॥
31.4
ইমৌ স্ম মুনি শার্দূল কিংকরৌ সমুপস্থিতৌ ।
আজ্ঞাপয় মুনিশ্রেষ্ঠ শাসনম্ করবাব কিম্ ॥১-৩১-৪॥
31.5
এবম্ উক্তে তয়োঃ বাক্যম্ সর্ব এব মহর্ষয়ঃ ।
বিশ্বামিত্রম্ পুরস্কৃত্য রামম্ বচনম্ অব্রুবন্ ॥১-৩১-৫॥
31.6
মৈথিলস্য নরশ্রেষ্ঠ জনকস্য ভবিষ্যতি ।
যজ্নঃ পরম ধর্মিষ্ঠঃ তত্র যাস্যামহে বয়ম্ ॥১-৩১-৬॥
31.7
ত্বম্ চৈব নরশার্দূল সহ অস্মাভির্ গমিষ্যসি ।
অদ্ভুতম্ চ ধনূ রত্নম্ তত্র ত্বম্ দ্রষ্টুম্ অর্হসি ॥১-৩১-৭॥
31.8
তদ্ধি পূর্বম্ নরশ্রেষ্ঠ দত্তম্ সদসি দৈবতৈঃ ।
অপ্রমেয় বলম্ ঘোরম্ মখে পরম ভাস্বরম্ ॥১-৩১-৮॥
31.9
ন অস্য দেবা ন গংধর্বা ন অসুরা ন চ রাক্ষসাঃ ।
কর্তুম্ আরোপণম্ শক্তা ন কথংচন মানুষাঃ ॥১-৩১-৯॥
31.10
ধনুষস্য তস্য বীর্যম্ হি জিজ্ঞাসন্তো মহীক্ষিতঃ ।
ন শেকুর্ আরোপয়িতুম্ রাজপুত্রা মহাবলাঃ ॥১-৩১-১০॥
31.11
তদ্ ধনুর্ নরশার্দূল মৈথিলস্য মহাত্মনঃ ।
তত্র দ্রক্ষ্যসি কাকুত্স্থ যজ্ঞম্ চ পরম অদ্ভুতম্ ॥১-৩১-১১॥
31.12
তদ্ধি যজ্ঞ ফলম্ তেন মৈথিলেন উত্তমম্ ধনুঃ ।
যাচিতম্ নর শার্দূল সুনাভম্ সর্ব দৈবতৈঃ ॥১-৩১-১২॥
31.13
আয়াগভূতম্ নৃপতেঃ তস্য বেশ্মনি রাঘব ।
অর্চিতম্ বিবিধৈঃ গন্ধৈঃ ধূপৈঃ চ অগুরু গংধ্ভিঃ ॥১-৩১-১৩॥
31.14
এবম্ উক্ত্বা মুনিবরঃ প্রস্থানম্ অকরোৎ তদা ।
স ঋষি সংঘঃ স কাকুত্স্থ আমংত্র্য বন দেবতাঃ ॥১-৩১-১৪॥
31.15
স্বস্তি বো অস্তু গমিষ্যামি সিদ্ধঃ সিদ্ধ আশ্রমাৎ অহম্ ।
উত্তরে জাহ্নবী তীরে হিমবংতম্ শিলোচ্চয়ম্ ॥১-৩১-১৫॥
31.16
ইতি উক্ত্বা মুনিশার্দূলঃ কৌশিকঃ স তপোধনঃ ।
উত্তরাম্ দিশম্ উদ্দিশ্য প্রস্থাতুম্ উপচক্রমে ॥১-৩১-১৬॥
31.17
তম্ ব্রজংতম্ মুনিবরম্ অন্বগাৎ অনুসারিণাম্ ।
শকটী শত মাত্রম্ তু প্রয়াণে ব্রহ্ম বাদিনাম্ ॥১-৩১-১৭॥
31.18
মৃগ পক্ষি গণাঃ চৈব সিদ্ধ আশ্রম নিবাসিনঃ ।
অনুজগ্মুর্ মহাত্মানম্ বিশ্বামিত্রম্ তপোধনম্ ॥১-৩১-১৮॥
31.19
নিবর্তয়ামাস ততঃ স ঋসি সন্ঘঃ স পক্ষিণঃ ।
তে গত্বা দূরম্ অধ্বানম্ লম্বমানে দিবাকরে ॥১-৩১-১৯॥
31.20
বাসম্ চক্রুর্ মুনি গণাঃ শোণা কূলে সমাহিতাঃ ।
তে অস্তম্ গতে দিনকরে স্নাত্বা হুত হুতাশনাঃ ॥১-৩১-২০॥
31.21
বিশ্বামিত্রম্ পুরস্কৃত্য নিষেদুর্ অমিত ওজসঃ ।
রামো অপি সহ সৌমিত্রিঃ মুনীম্ তান্ অভিপূজ্য চ ॥১-৩১-২১॥
31.22
অগ্রতো নিষসাদ অথ বিশ্বামিত্রস্য ধীমতঃ ।
অথ রামো মহাতেজা বিশ্বামিত্রম্ তপোধনম্ ॥১-৩১-২২॥
31.23
পপ্রচ্ছ মুনিশার্দূলম্ কৌতূহল সমন্বিতঃ ।
ভগবন্ কঃ নু অয়ম্ দেশঃ সমৃদ্ধ বন শোভিতঃ ॥১-৩১-২৩॥
31.24
শ্রোতুম্ ইচ্ছামি ভদ্রম্ তে বক্তুম্ অর্হসি তত্ত্বতঃ ।
চোদিতো রাম বাক্যেন কথয়ামাস সুব্রতঃ ।তস্য দেশস্য নিখিলম্ ঋষি মধ্যে মহাতপাঃ ॥১-৩১-২৪॥