Utshovসর্গ 30
30.1
অথ তৌ দেশ কালজ্ঞৌ রাজপুত্রৌ অরিংদমৌ ।
দেশে কালে চ বাক্যজ্ঞৌ অব্রূতাম্ কৌশিকম্ বচঃ ॥১-৩০-১॥
30.2
ভগবন্ শ্রোতুম্ ইচ্ছাবো যস্মিন্ কালে নিশাচরৌ ।
সংরক্ষণীয়ৌ তৌ ব্রূহি ন অতিবর্তেত তৎ ক্ষণম্ ॥১-৩০-২॥
30.3
এবম্ ব্রুবাণৌ কাকুত্স্থৌ ত্বরমাণৌ যুয়ুত্সয়া ।
সর্বে তে মুনয়ঃ প্রীতাঃ প্রশশংসুর্ নৃপাত্মজৌ ॥১-৩০-৩॥
30.4
অদ্য প্রভৃতি ষট্ রাত্রম্ রক্ষতম্ রাঘবৌ যুবাম্ ।
দীক্ষাম্ গতো হি যেষ মুনির্ মৌনিত্বম্ চ গমিষ্যতি ॥১-৩০-৪॥
30.5
তৌ তু তদ্ বচনম্ শ্রুত্বা রাজপুত্রৌ যশস্বিনৌ ।
অনিদ্রৌ ষট্ অহোরাত্রম্ তপোবনম্ অরক্ষতাম্ ॥১-৩০-৫॥
30.6
উপাসাম্ চক্রতুর্ বীরৌ যত্তৌ পরম ধন্বিনৌ ।
ররক্ষতুর্ মুনিবরম্ বিশ্বামিত্রম্ অরিংদমৌ ॥১-৩০-৬॥
30.7
অথ কালে গতে তস্মিন্ ষষ্ঠে অহনি তদা আগতে ।
সৌমিত্রম্ অব্রবীদ্ রামো যত্তো ভব সমাহিতঃ ॥১-৩০-৭॥
30.8
রামস্য এবম্ ব্রুবাণস্য ত্বরিতস্য যুয়ুত্সয়া ।
প্রজজ্বাল ততো বেদিঃ স উপাধ্যায় পুরোহিতা ॥১-৩০-৮॥
30.9
স দর্ভ চমস স্রুক্কা স সমিৎ কুসুমোচ্চয়া ।
বিশ্বামিত্রেণ সহিতা বেদিঃ জজ্বাল স ঋত্বিজা ॥১-৩০-৯॥
30.10
মংত্রবৎ চ যথা ন্যায়ম্ যজ্ঞো অসৌ সংপ্রবর্ততে ।
আকাশে চ মহান্ শব্দঃ প্রাদুর্ আসীৎ ভয়ানকঃ ॥১-৩০-১০॥
30.11
আবার্য গগনম্ মেঘো যথা প্রাবৃষি দৃশ্যতে ।
তথা মায়াম্ বিকুর্বাণৌ রাক্ষসৌ অভ্যধাবতাম্ ॥১-৩০-১১॥
30.12
মারীচঃ চ সুবাহুঃ চ তয়োর্ অনুচরাঃ তথা ।
আগম্য ভীম সংকাশা রুধির ওঘান্ অবাসৃজন্ ॥১-৩০-১২॥
30.13
তাম্ তেন রুধির ওঘেণ বেদীম্ বীক্ষ্য সমুক্ষিতাম্ ।
সহসা অভিদ্রুতো রামঃ তান্ অপশ্যৎ ততো দিবি ॥১-৩০-১৩॥
30.14
তৌ আপতন্তৌ সহসা দৃষ্ট্বা রাজীব লোচনঃ ।
লক্ষ্মণম্ তৌ অভিসংপ্রেক্ষ্য রামো বচনম্ অব্রবীৎ ॥১-৩০-১৪॥
30.15
পশ্য লক্ষ্মণ দুর্বৃত্তান্ রাক্ষসান্ পিশিত অশনান্ ।
মানবাস্ত্র সমাধূতান্ অনিলেন যথা ঘনান্ ॥১-৩০-১৫॥
30.16
করিষ্যামি ন সংদেহো ন উত্সহে হন্তুম্ ঈদৃশান্ ।
ইতি উক্ত্বা বচনম্ রামঃ চাপে সংধায় বেগবান্ ॥১-৩০-১৬॥
30.17
মানবম্ পরম উদারম্ অস্ত্রম্ পরম ভাস্বরম্ ।
চিক্ষেপ পরম ক্রুদ্ধো মারীচ উরসি রাঘবঃ ॥১-৩০-১৭॥
30.18
স তেন পরমাস্ত্রেণ মানবেন সমাহিতঃ ।
সংপূর্ণম্ যোজন শতম্ ক্ষিপ্তঃ সাগর সংপ্লবে ॥১-৩০-১৮॥
30.19
বিচেতনম্ বিঘূর্ণন্তম্ শীতেষু বল পীডিতম্ ।
নিরস্তম্ দৃশ্য মারীচম্ রামো লক্ষ্মণম্ অব্রবীৎ ॥১-৩০-১৯॥
30.20
পশ্য লক্ষ্মণ শীতেষুম্ মানবম্ মনু সংহিতম্ ।
মোহয়িত্বা নয়তি এনম্ ন চ প্রাণৈর্ ব্যয়ুজ্যত ॥১-৩০-২০॥
30.21
ইমান্ অপি বধিষ্যামি নির্ঘৃণান্ দুষ্ট চারিণঃ ।
রাক্ষসান্ পাপ কর্মস্থান্ যজ্ঞ ঘ্নান্ রুধির অশনান্ ॥১-৩০-২১॥
30.22
ইতি উক্ত্বা লক্ষ্মণম্ চ অশু লাঘবম্ দর্শয়ন্ ইব ।
সংগৃহ্য সুমহৎ চ অস্ত্রম্ আগ্নেয়ম্ রঘুনংদনঃ ।সুবাহু উরসি চিক্ষেপ স বিদ্ধঃ প্রাপতৎ ভুবি ॥১-৩০-২২॥
30.23
শেষান্ বায়ব্যম্ আদায় নিজঘান মহায়শাঃ ।
রাঘবঃ পরমোদারো মুনীনাম্ মুদম্ আবহন্ ॥১-৩০-২৩॥
30.24
স হত্বা রাক্ষসান্ সর্বান্ যজ্ঞ ঘ্নান্ রঘুনংদনঃ ।
ঋষিভিঃ পূজিতঃ তত্র যথা ইন্দ্রো বিজয়ে পুরা ॥১-৩০-২৪॥
30.25
অথ যজ্ঞে সমাপ্তে তু বিশ্বামিত্রো মহামুনিঃ ।
নিরীতিকা দিশো দৃষ্ট্বা কাকুত্স্থম্ ইদম্ অব্রবীৎ ॥১-৩০-২৫॥
30.26
কৃতার্থো অস্মি মহাবাহো কৃতম্ গুরু বচঃ ত্বয়া ।
সিদ্ধাশ্রমম্ ইদম্ সত্যম্ কৃতম্ বীর মহায়শঃ ।স হি রামম্ প্রশস্য এবম্ তাভ্যাম্ সংধ্যাম্ উপাগমৎ ॥১-৩০-২৬॥