Utshovসর্গ 29
29.1
অথ তস্য অপ্রমেয়স্য বচনম্ পরিপৃচ্ছতঃ ।
বিশ্বামিত্রো মহাতেজা ব্যাখ্যাতুম্ উপচক্রমে ॥১-২৯-১॥
29.2
ইহ রাম মহাবাহো বিষ্ণুর্ দেব নমস্কৃত ।
বর্ষাণি সুবহূনি ইহ তথা যুগ শতানি চ ॥১-২৯-২॥
29.3
তপঃ চরণ যোগার্থম্ উবাস সু মহাতপাঃ ।
এষ পূর্ব আশ্রমো রাম বামনস্য মহাত্মনঃ ॥১-২৯-৩॥
29.4
সিদ্ধ আশ্রম ইতি খ্যাতঃ সিদ্ধো হি অত্র মহাতপাঃ ।
এতস্মিন্ এব কালে তু রাজা বৈরোচনির্ বলিঃ ॥১-২৯-৪॥
29.5
নির্জিত্য দৈবত গণান্ স ইন্দ্রান্ স মরুদ্ গণান্ ।
কারয়ামাস তদ্ রাজ্যম্ ত্রিষু লোকেষু বিশ্রুতঃ ॥১-২৯-৫॥
29.6
যজ্ঞম্ চকার সুমহান্ অসুরেন্দ্রো মহাবলঃ ।
বলেঃ তু যজমানস্য দেবাঃ সাগ্নি পুরোগমাঃ ।সমাগম্য স্বয়ম্ চৈব বিষ্ণুম্ ঊচুঃ ইহ আশ্রমে ॥১-২৯-৬॥
29.7
বলিঃ বৈরোচনিঃ বিষ্ণো যজতে যজ্ঞম্ উত্তমম্ ।
অসমাপ্ত ব্রতে তস্মিন্ স্ব কার্যম্ অভিপদ্যতাম্ ॥১-২৯-৭॥
29.8
যে চ এনম্ অভিবর্তন্তে যাচিতার ইতঃ ততঃ ।
যৎ চ যত্র যথাবৎ চ সর্বম্ তেভ্যঃ প্রয়চ্ছতি ॥১-২৯-৮॥
29.9
স ত্বম্ সুর হিতার্থায় মায়া যোগম্ উপাশ্রিতঃ ।
বামনত্বম্ গতো বিষ্ণো কুরু কল্যাণম্ উত্তমম্ ॥১-২৯-৯॥
29.10
এতস্মিন্ অনন্তরে রাম কাশ্যপো অগ্নি সম প্রভঃ ।
অদিত্যা সহিতঃ রাম দীপ্যমান ইব ওজসা ॥১-২৯-১০॥
29.11
দেবী সহায়ো ভগবন্ দিব্যম্ বর্ষ সহস্রকম্ ।
ব্রতম্ সমাপ্য বরদম্ তুষ্টাব মধুসূদনম্ ॥১-২৯-১১॥
29.12
তপোময়ম্ তপোরাশিম্ তপোমূর্তিম্ তপাত্মকম্ ।
তপসা ত্বাম্ সুতপ্তেন পশ্যামি পুরোষোত্তমম্ ॥১-২৯-১২॥
29.13
শরীরে তব পশ্যামি জগৎ সর্বম্ ইদম্ প্রভো ।
ত্বম্ অনাদিঃ অনির্দেশ্যঃ ত্বাম্ অহম্ শরণম্ গতঃ ॥১-২৯-১৩॥
29.14
তম্ উবাচ হরিঃ প্রীতঃ কশ্যপম্ ধূত কল্মষম্ ।
বরম্ বরয় ভদ্রম্ তে বর অর্হঃ অসি মতো মম ॥১-২৯-১৪॥
29.15
তৎ শ্রুত্বা বচনম্ তস্য মারীচঃ কশ্যপো অব্রবীৎ ।
অদিত্যা দেবতানাম্ চ মম চ এব অনুয়াচিতম্ ॥১-২৯-১৫॥
29.16
বরম্ বরদ সুপ্রীতো দাতুম্ অর্হসি সুব্রত ।
পুত্রত্বম্ গচ্ছ ভগবন্ অদিত্যা মম চ অনঘ ॥১-২৯-১৬॥
29.17
ভ্রাতা ভব যবীয়ান্ ত্বম্ শক্রস্য অসুরসূদন ।
শোক আর্তানাম্ তু দেবানাম্ সাহায্যম্ কর্তুম্ অর্হসি ॥১-২৯-১৭॥
29.18
অয়ম্ সিদ্ধ আশ্রমো নাম প্রসাদাৎ তে ভবিষ্যতি ।
সিদ্ধে কর্মণি দেবেশ উত্তিষ্ঠ ভগবন্ ইতঃ ॥১-২৯-১৮॥
29.19
অথ বিষ্ণুর্ মহাতেজাঅ আদিত্যাম্ সমজায়ত ।
বামনম্ রূপম্ আস্থায় বৈরোচনিম্ উপাগমৎ ॥১-২৯-১৯॥
29.20
ত্রীন্ পাদান্ অথ ভিক্ষিত্বা প্রতিগৃহ্য চ মেদিনীম্ ।
আক্রম্য লোকান্ লোকার্থো সর্ব লোক হিতে রতঃ ॥১-২৯-২০॥
29.21
মহেন্দ্রায় পুনঃ প্রাদাৎ নিয়ম্য বলিম্ ওজসা ।
ত্রৈলোক্যম্ স মহাতেজাঃ চক্রে শক্র বশম্ পুনঃ ॥১-২৯-২১॥
29.22
তেন এব পূর্বম্ আক্রান্ত আশ্রমঃ শ্রম নাশনঃ ।
ময়া অপি ভক্ত্যা তস্য এব বামনস্য উপভুজ্যতে ॥১-২৯-২২॥
29.23
এনম্ আশ্রমম্ আয়ান্তি রাক্ষসা বিঘ্ন কারিণঃ ।
অত্র তে পুরুষব্যাঘ্র হন্তব্যা দুষ্ট চারিণঃ ॥১-২৯-২৩॥
29.24
অদ্য গচ্ছামহে রাম সিদ্ধাশ্রমম্ অনুত্তমম্ ।
তৎ আশ্রম পদম্ তাত তব অপি এতদ্ যথা মম ॥১-২৯-২৪॥
29.25
ইতি উক্ত্বা পরম প্রীতো গৃহ্য রামম্ স লক্ষ্মণম্ ।
প্রবিশন্ আশ্রম পদম্ ব্যরোচত মহামুনিঃ ।শশী ইব গত নীহারঃ পুনর্বসু সমন্বিতঃ ॥১-২৯-২৫॥
29.26
তম্ দৃষ্ট্বা মুনয়ঃ সর্বে সিদ্ধাশ্রম নিবাসিনঃ ।
উত্পত্যোত্পত্য সহসা বিশ্বামিত্রম্ অপূজয়ন্ ॥১-২৯-২৬॥
29.27
যথা অর্হম্ চক্রিরে পূজাম্ বিশ্বামিত্রায় ধীমতে ।
তথৈব রাজ পুত্রাভ্যাম্ অকুর্বন্ অতিথি ক্রিয়াম্ ॥১-২৯-২৭॥
29.28
মুহূর্তম্ অথ বিশ্রান্তৌ রাজ পুত্রৌ অরিন্দমৌ ।
প্রাংজলী মুনি শার্দূলম্ ঊচতূ রঘুনংদনৌ ॥১-২৯-২৮॥
29.29
অদ্য এব দীক্ষাম্ প্রবিশ ভদ্রম্ তে মুনিপুংগব ।
সিদ্ধাশ্রমো অয়ম্ সিদ্ধঃ স্যাৎ সত্যম্ অস্তু বচঃ তব ॥১-২৯-২৯॥
29.30
এবম্ উক্তো মহাতেজা বিশ্বামিত্রো মহানৃষিঃ ।
প্রবিবেশ তদা দীক্ষাম্ নিয়তো নিয়তেন্দ্রিয়ঃ ॥১-২৯-৩০॥
29.31
কুমারৌ এব তাম্ রাত্রিম্ উষিত্বা সুসমাহিতৌ ।
প্রভাত কালে চ উত্থায় পূর্বাম্ সংধ্যাম্ উপাস্য চ ॥১-২৯-৩১॥
29.32
প্রশুচী পরম্ জাপ্যম্ সমাপ্য নিয়মেন চ ।
হুত অগ্নিহোত্রম্ আসীনম্ বিশ্বমিত্রম্ অবন্দতাম্ ॥১-২৯-৩২॥