সর্গ 28

28.1

প্রতিগৃহ্য ততঃ অস্ত্রাণি প্রহৃষ্ট বদনঃ শুচিঃ ।
গচ্ছন্ এব চ কাকুত্স্থো বিশ্বামিত্রম্ অথ অব্রবীৎ ॥১-২৮-১॥

গৃহীত অস্ত্রো অস্মি ভগবন্ দুরাধর্ষঃ সুরৈঃ অপি ।
অস্ত্রাণাম্ তু অহম্ ইচ্ছামি সংহারম্ মুনিপুংগব ॥১-২৮-২॥

এবম্ ব্রুবতি কাকুত্স্থে বিশ্বামিত্রো মহা তপাঃ ।
সংহারান্ ব্যাজহার অথ ধৃতিমান্ সুব্রতঃ শুচিঃ ॥১-২৮-৩॥

সত্যবন্তম্ সত্য কীর্তিম্ ধৃষ্টম্ রভসম্ এব চ ।
প্রতিহারতরম্ নাম পরাঙ্মুখম্ অবাঙ্মুখম্ ॥১-২৮-৪॥

লক্ষ্যা অলক্ষ্যাঃ ইমৌ চৈব দৃঢ নাভ সুনাভকৌ ।
দশাক্ষ শতবক্ত্রৌ চ দশ শীর্ষ শত উদরৌ ॥১-২৮-৫॥

পদ্মনাভ মহানাভৌ দুন্দুনাভ স্বনাভকৌ ।
জ্যোতিষম্ শকুনম্ চৈব নৈরাশ্য বিমলৌ উভৌ ॥১-২৮-৬॥

যৌগংধর বিনিদ্রৌ চ দৈত্য প্রমধনৌ তথা ।
শুচি বাহুর্ মহাবাহুর্ নিষ্কলি বিরুচর্ তথাসার্চির্মালী ধৃতিমালী বৃত্তিমান্ রুচিরঃ তথা ॥১-২৮-৭॥

পিত্র্যঃ সৌমনসঃ চৈব বিধূত মকরৌ উভৌ ।
পরবীরম্ রতিম্ চৈব ধন ধান্যৌ চ রাঘব ॥১-২৮-৮॥

কামরূপম্ কামরুচিম্ মোহম্ আবরণম্ তথা ।
জৃংভকম্ সর্পনাথম্ চ পন্থান বরণৌ তথা ॥১-২৮-৯॥

কৃশাশ্ব তনয়ান্ রাম ভাস্বরান্ কাম রূপিণঃ ।
প্রতীচ্ছ মম ভদ্রম্ তে পাত্র ভূতোঽসি রাঘব ॥১-২৮-১০॥

বাঢম্ ইতি এব কাকুত্স্থ প্রহৃষ্টেন অংতরাত্মনা ।
দিব্য ভাস্বর দেহাঃ চ মূর্তিমন্তঃ সুখপ্রদাঃ ॥১-২৮-১১॥

কেচিদ্ অংগার সদৃশাঃ কেচিদ্ ধূম উপমাঃ তথা ।
চন্দ্র অর্ক সদৃশাঃ কেচিৎ প্রহ্ব অংজলি পুটাঃ তথা ॥১-২৮-১২॥

রামম্ প্রাংজলয়ো ভূত্বা অব্রুবন্ মধুর ভাষিণঃ ।
ইমে স্ম নরশার্দূল শাধি কিম্ করবাম তে ॥১-২৮-১৩॥

গম্যতাম্ ইতি তান্ আহ যথা ইষ্টম্ রঘুনন্দনঃ ।
মানসাঃ কার্য কালেষু সাহায্যম্ মে করিষ্যথ ॥১-২৮-১৪॥

অথ তে রামম্ আমন্ত্র্য কৃত্বা চ অপি প্রদক্ষিণম্ ।
এবম্ অস্তু ইতি কাকুত্স্থম্ উক্ত্বা জগ্মুঃ যথাআগতম্ ॥১-২৮-১৫॥

স চ তান্ রাঘবো জ্ঞাত্বা বিশ্বামিত্রম্ মহামুনিম্ ।
গচ্ছন্ এব অথ মধুরম্ শ্লক্ষ্ণম্ বচনম্ অব্রবীৎ ॥১-২৮-১৬॥

কিম্ এতন্ মেঘ সংকাশম্ পর্বতস্য অবিদূরতঃ ।
বৃক্ষ খণ্ডম্ ইতঃ ভাতি পরম্ কৌতূহলম্ হি মে ॥১-২৮-১৭॥

দর্শনীয়ম্ মৃগাঅকীর্ণম্ মনোহরম্ অতীব চ ।
নানা প্রকারৈঃ শকুনৈঃ বল্গুভাষৈঃ অলংকৃতম্ ॥১-২৮-১৮॥

নিঃসৃতাঃ স্ম মুনিশ্রেষ্ঠ কান্তারাৎ রোমহর্ষণাৎ ।
অনয়া তু অবগচ্ছামি দেশস্য সুখবত্তয়া ॥১-২৮-১৯॥

সর্বম্ মে শংস ভগবন্ কস্য আশ্রম পদম্ তু ইদম্ ।
সংপ্রাপ্তাঃ যত্র তে পাপাঃ ব্রহ্মঘ্নাঃ দুষ্ট চারিণঃ ॥১-২৮-২০॥

তব যজ্ঞস্য বিঘ্নায় দুরাত্মনো মহামুনেঃ ।
ভগবন্ তস্য কো দেশঃ সা যত্র তব যাজ্ঞিকী ॥১-২৮-২১॥

রক্ষিতব্যা ক্রিয়া ব্রহ্মন্ ময়া বধ্যাঃ চ রাক্ষসাঃ ।
এতৎ সর্বম্ মুনিশ্রেষ্টঃ শ্রোতুম্ ইচ্ছামি অহম্ প্রভো ॥১-২৮-২২॥