UtshovSarga 28
28.1
प्रतिगृह्य ततः अस्त्राणि प्रहृष्ट वदनः शुचिः ।
गच्छन् एव च काकुत्स्थो विश्वामित्रम् अथ अब्रवीत् ॥१-२८-१॥
Pratigrihya tatah astrani prahrishta vadanah shuchih
Gachchhan eva cha kakutstho vishvamitram atha abravit
28.2
गृहीत अस्त्रो अस्मि भगवन् दुराधर्षः सुरैः अपि ।
अस्त्राणाम् तु अहम् इच्छामि संहारम् मुनिपुंगव ॥१-२८-२॥
Grihita astro asmi bhagavan duradharshah suraih api
Astranam tu aham ichchhami sanharam munipungava
28.3
एवम् ब्रुवति काकुत्स्थे विश्वामित्रो महा तपाः ।
संहारान् व्याजहार अथ धृतिमान् सुव्रतः शुचिः ॥१-२८-३॥
Evam bruvati kakutsthe vishvamitro maha tapah
Sanharan vyajahara atha dhritiman suvratah shuchih
28.4
सत्यवन्तम् सत्य कीर्तिम् धृष्टम् रभसम् एव च ।
प्रतिहारतरम् नाम पराङ्मुखम् अवाङ्मुखम् ॥१-२८-४॥
Satyavantam satya kirtim dhrishtam rabhasam eva cha
Pratiharataram nama paranmukham avanmukham
28.5
लक्ष्या अलक्ष्याः इमौ चैव दृढ नाभ सुनाभकौ ।
दशाक्ष शतवक्त्रौ च दश शीर्ष शत उदरौ ॥१-२८-५॥
Lakshya alakshyah imau chaiva dridha nabha sunabhakau
Dashaksha shatavaktrau cha dasha shirsha shata udarau
28.6
पद्मनाभ महानाभौ दुन्दुनाभ स्वनाभकौ ।
ज्योतिषम् शकुनम् चैव नैराश्य विमलौ उभौ ॥१-२८-६॥
Padmanabha mahanabhau dundunabha svanabhakau
Jyotisham shakunam chaiva nairashya vimalau ubhau
28.7
यौगंधर विनिद्रौ च दैत्य प्रमधनौ तथा ।
शुचि बाहुर् महाबाहुर् निष्कलि विरुचर् तथासार्चिर्माली धृतिमाली वृत्तिमान् रुचिरः तथा ॥१-२८-७॥
Yaugandhara vinidrau cha daitya pramadhanau tatha
Shuchi bahur mahabahur nishkali viruchar tathasarchirmali dhritimali vrittiman ruchirah tatha
28.8
पित्र्यः सौमनसः चैव विधूत मकरौ उभौ ।
परवीरम् रतिम् चैव धन धान्यौ च राघव ॥१-२८-८॥
Pitryah saumanasah chaiva vidhuta makarau ubhau
Paraviram ratim chaiva dhana dhanyau cha raghava
28.9
कामरूपम् कामरुचिम् मोहम् आवरणम् तथा ।
जृंभकम् सर्पनाथम् च पन्थान वरणौ तथा ॥१-२८-९॥
Kamarupam kamaruchim moham avaranam tatha
Jrimbhakam sarpanatham cha panthana varanau tatha
28.10
कृशाश्व तनयान् राम भास्वरान् काम रूपिणः ।
प्रतीच्छ मम भद्रम् ते पात्र भूतोऽसि राघव ॥१-२८-१०॥
Krishashva tanayan rama bhasvaran kama rupinah
Pratichchha mama bhadram te patra bhutosi raghava
28.11
बाढम् इति एव काकुत्स्थ प्रहृष्टेन अंतरात्मना ।
दिव्य भास्वर देहाः च मूर्तिमन्तः सुखप्रदाः ॥१-२८-११॥
Badham iti eva kakutstha prahrishtena antaratmana
Divya bhasvara dehah cha murtimantah sukhapradah
28.12
केचिद् अंगार सदृशाः केचिद् धूम उपमाः तथा ।
चन्द्र अर्क सदृशाः केचित् प्रह्व अंजलि पुटाः तथा ॥१-२८-१२॥
Kechid angara sadrishah kechid dhuma upamah tatha
Chandra arka sadrishah kechit prahva anjali putah tatha
28.13
रामम् प्रांजलयो भूत्वा अब्रुवन् मधुर भाषिणः ।
इमे स्म नरशार्दूल शाधि किम् करवाम ते ॥१-२८-१३॥
Ramam pranjalayo bhutva abruvan madhura bhashinah
Ime sma narashardula shadhi kim karavama te
28.14
गम्यताम् इति तान् आह यथा इष्टम् रघुनन्दनः ।
मानसाः कार्य कालेषु साहाय्यम् मे करिष्यथ ॥१-२८-१४॥
Gamyatam iti tan aha yatha ishtam raghunandanah
Manasah karya kaleshu sahayyam me karishyatha
28.15
अथ ते रामम् आमन्त्र्य कृत्वा च अपि प्रदक्षिणम् ।
एवम् अस्तु इति काकुत्स्थम् उक्त्वा जग्मुः यथाआगतम् ॥१-२८-१५॥
Atha te ramam amantrya kritva cha api pradakshinam
Evam astu iti kakutstham uktva jagmuh yathaagatam
28.16
स च तान् राघवो ज्ञात्वा विश्वामित्रम् महामुनिम् ।
गच्छन् एव अथ मधुरम् श्लक्ष्णम् वचनम् अब्रवीत् ॥१-२८-१६॥
Sa cha tan raghavo gyatva vishvamitram mahamunim
Gachchhan eva atha madhuram shlakshnam vachanam abravit
28.17
किम् एतन् मेघ संकाशम् पर्वतस्य अविदूरतः ।
वृक्ष खण्डम् इतः भाति परम् कौतूहलम् हि मे ॥१-२८-१७॥
Kim etan megha sankasham parvatasya aviduratah
Vriksha khandam itah bhati param kautuhalam hi me
28.18
दर्शनीयम् मृगाअकीर्णम् मनोहरम् अतीव च ।
नाना प्रकारैः शकुनैः वल्गुभाषैः अलंकृतम् ॥१-२८-१८॥
Darshaniyam mrigaakirnam manoharam ativa cha
Nana prakaraih shakunaih valgubhashaih alankritam
28.19
निःसृताः स्म मुनिश्रेष्ठ कान्तारात् रोमहर्षणात् ।
अनया तु अवगच्छामि देशस्य सुखवत्तया ॥१-२८-१९॥
Nihsritah sma munishreshtha kantarat romaharshanat
Anaya tu avagachchhami deshasya sukhavattaya
28.20
सर्वम् मे शंस भगवन् कस्य आश्रम पदम् तु इदम् ।
संप्राप्ताः यत्र ते पापाः ब्रह्मघ्नाः दुष्ट चारिणः ॥१-२८-२०॥
Sarvam me shansa bhagavan kasya ashrama padam tu idam
Sampraptah yatra te papah brahmaghnah dushta charinah
28.21
तव यज्ञस्य विघ्नाय दुरात्मनो महामुनेः ।
भगवन् तस्य को देशः सा यत्र तव याज्ञिकी ॥१-२८-२१॥
Tava yagyasya vighnaya duratmano mahamuneh
Bhagavan tasya ko deshah sa yatra tava yagyiki
28.22
रक्षितव्या क्रिया ब्रह्मन् मया वध्याः च राक्षसाः ।
एतत् सर्वम् मुनिश्रेष्टः श्रोतुम् इच्छामि अहम् प्रभो ॥१-२८-२२॥
Rakshitavya kriya brahman maya vadhyah cha rakshasah
Etat sarvam munishreshtah shrotum ichchhami aham prabho