UtshovSarga 27
27.1
अथ ताम् रजनीम् उष्य विश्वामिरो महायशाः ।
प्रहस्य राघवम् वाक्यम् उवाच मधुर स्वरम् ॥१-२७-१॥
Atha tam rajanim ushya vishvamiro mahayashah
Prahasya raghavam vakyam uvacha madhura svaram
27.2
परितुष्टो अस्मि भद्रम् ते राजपुत्र महायशः ।
प्रीत्या परमया युक्तो ददामि अस्त्राणि सर्वशः ॥१-२७-२॥
Paritushto asmi bhadram te rajaputra mahayashah
Pritya paramaya yukto dadami astrani sarvashah
27.3
देव असुर गणान् वा अपि स गन्धर्व उरगान् भुवि ।
यैः अमित्रान् प्रसह्य आजौ वशीकृत्य जयिष्यसि ॥१-२७-३॥
Deva asura ganan va api sa gandharva uragan bhuvi
Yaih amitran prasahya ajau vashikritya jayishyasi
27.4
तानि दिव्यानि भद्रम् ते ददामि अस्त्राणि सर्वशः ।
दण्ड चक्रम् महत् दिव्यम् तव दास्यामि राघव ॥१-२७-४॥
Tani divyani bhadram te dadami astrani sarvashah
Danda chakram mahat divyam tava dasyami raghava
27.5
धर्म चक्रम् ततो वीर काल चक्रम् तथैव च ।
विष्णु चक्रम् तथा अति उग्रम् ऐन्द्रम् चक्रम् तथैव च ॥१-२७-५॥
Dharma chakram tato vira kala chakram tathaiva cha
Vishnu chakram tatha ati ugram aindram chakram tathaiva cha
27.6
वज्रम् अस्त्रम् नरश्रेष्ठ शैवम् शूलवरम् तथा ।
अस्त्रम् ब्रह्मशिरः च एव ऐषीकम् अपि राघव ॥१-२७-६॥
Vajram astram narashreshtha shaivam shulavaram tatha
Astram brahmashirah cha eva aishikam api raghava
27.7
ददामि ते महाबाहो ब्राह्मम् अस्त्रम् अनुत्तमम् ।
गदे द्वे चैव काकुत्स्थ मोदकी शिखरी शुभे ॥१-२७-७॥
Dadami te mahabaho brahmam astram anuttamam
Gade dve chaiva kakutstha modaki shikhari shubhe
27.8
प्रदीप्ते नरशार्दूल प्रयच्छामि नृपाअत्मज ।
धर्म पाशम् अहम् राम काल पाशम् तथैव च ॥१-२७-८॥
Pradipte narashardula prayachchhami nripaatmaja
Dharma pasham aham rama kala pasham tathaiva cha
27.9
वारुणम् पाशम् अस्त्रम् च ददामि अहम् अनुत्तमम् ।
अशनी द्वे प्रयच्छामि शुष्क आर्द्रे रघुनन्दन ॥१-२७-९॥
Varunam pasham astram cha dadami aham anuttamam
Ashani dve prayachchhami shushka ardre raghunandana
27.10
ददामि च अस्त्रम् पैनाकम् अस्त्रम् नारायणम् तथा ।
आग्नेयम् अस्त्रम् दयितम् शिखरम् नाम नामतः ॥१-२७-१०॥
Dadami cha astram painakam astram narayanam tatha
Agneyam astram dayitam shikharam nama namatah
27.11
वायव्यम् प्रथमम् नाम ददामि तव च अनघ ।
अस्त्रम् हयशिरः नाम क्रौञ्चम् अस्त्रम् तथैव च ॥१-२७-११॥
Vayavyam prathamam nama dadami tava cha anagha
Astram hayashirah nama krauncham astram tathaiva cha
27.12
शक्ति द्वयम् च काकुत्स्थ ददामि तव राघव ।
कंकालम् मुसलम् घोरम् कापालम् अथ किन्किणीम् ॥१-२७-१२॥
Shakti dvayam cha kakutstha dadami tava raghava
Kankalam musalam ghoram kapalam atha kinkinim
27.13
वधार्थम् राक्षसाम् यानि ददामि एतानि सर्वशः ।
वैद्याधरम् महा अस्त्रम् च नन्दनम् नाम नामतः ॥१-२७-१३॥
Vadhartham rakshasam yani dadami etani sarvashah
Vaidyadharam maha astram cha nandanam nama namatah
27.14
असि रत्नम् महाबाहो ददामि नृवरात्मज ।
गान्धर्वम् अस्त्रम् दयितम् मोहनम् नाम नामतः ॥१-२७-१४॥
Asi ratnam mahabaho dadami nrivaratmaja
Gandharvam astram dayitam mohanam nama namatah
27.15
प्रस्वापनम् प्रशमनम् दद्मि सौम्यम् च राघव ।
वर्षणम् शोषणम् चैव संतापन विलापने ॥१-२७-१५॥
Prasvapanam prashamanam dadmi saumyam cha raghava
Varshanam shoshanam chaiva santapana vilapane
27.16
मादनम् चैव दुर्धर्षम् कन्दर्प दयितम् तथा ।
गान्धर्वम् अस्त्रम् दयितम् मानवम् नाम नामतः ॥१-२७-१६॥
Madanam chaiva durdharsham kandarpa dayitam tatha
Gandharvam astram dayitam manavam nama namatah
27.17
पैशाचम् अस्त्रम् दयितम् मोहनम् नाम नामतः ।
प्रतीच्छ नरशार्दूल राजपुत्र महायशः ॥१-२७-१७॥
Paishacham astram dayitam mohanam nama namatah
Pratichchha narashardula rajaputra mahayashah
27.18
तामसम् नरशार्दूल सौमनम् च महाबलम् ।
संवर्तम् चैव दुर्धर्षम् मौसलम् च नृपात्मज ॥१-२७-१८॥
Tamasam narashardula saumanam cha mahabalam
Sanvartam chaiva durdharsham mausalam cha nripatmaja
27.19
सत्यम् अस्त्रम् महाबाहो तथा मायामयम् परम् ।
सौरम् तेजःप्रभम् नाम पर तेजो अपकर्षणम् ॥१-२७-१९॥
Satyam astram mahabaho tatha mayamayam param
Sauram tejahprabham nama para tejo apakarshanam
27.20
सोम अस्त्रम् शिशिरम् नाम त्वाष्ट्रम् अस्त्रम् सुदारुरणम् ।
दारुणम् च भगस्य अपि शितेषुम् अथ मानवम् ॥१-२७-२०॥
Soma astram shishiram nama tvashtram astram sudaruranam
Darunam cha bhagasya api shiteshum atha manavam
27.21
एतान् राम महाबाहो काम रूपान् महाबलान् ।
गृहाण परमोदारान् क्षिप्रम् एव नृपात्मज ॥१-२७-२१॥
Etan rama mahabaho kama rupan mahabalan
Grihana paramodaran kshipram eva nripatmaja
27.22
स्थितः तु प्राङ्मुखो भूत्वा शुचिर् मुनिवरः तदा ।
ददौ रामाय सुप्रीतो मंत्र ग्रामम् अनुत्तमम् ॥१-२७-२२॥
Sthitah tu pranmukho bhutva shuchir munivarah tada
Dadau ramaya suprito mantra gramam anuttamam
27.23
सर्व संग्रहणम् एषाम् दैवतैः अपि दुर्लभम् ।
तानि अस्त्राणि तदा विप्रो राघवाय न्यवेदत् ॥१-२७-२३॥
Sarva sangrahanam esham daivataih api durlabham
Tani astrani tada vipro raghavaya nyavedat
27.24
जपतः तु मुनेः तस्य विश्वामित्रस्य धीमतः ।
उपतस्थुः महा अर्हाणि सर्वाणि अस्त्राणि राघवम् ॥१-२७-२४॥
Japatah tu muneh tasya vishvamitrasya dhimatah
Upatasthuh maha arhani sarvani astrani raghavam
27.25
ऊचुः च मुदिता रामम् सर्वे प्रांजलयः तदा ।
इमे च परमोदार किंकराः तव राघव ॥१-२७-२५॥
Uchuh cha mudita ramam sarve pranjalayah tada
Ime cha paramodara kinkarah tava raghava
27.26
यद् यद् इच्छसि भद्रन् ते तत् सर्वम् करवाम वै ।
ततो राम प्रसन्न आत्मा तैः इति उक्तो महाबलैः ॥१-२७-२६॥
Yad yad ichchhasi bhadran te tat sarvam karavama vai
Tato rama prasanna atma taih iti ukto mahabalaih
27.27
प्रतिगृह्य च काकुत्स्थः समालभ्य च पाणिना ।
मनसा मे भविष्यध्वम् इति तानि अभ्यचोदयत् ॥१-२७-२७॥
Pratigrihya cha kakutsthah samalabhya cha panina
Manasa me bhavishyadhvam iti tani abhyachodayat
27.28
ततः प्रीत मना रामो विश्वामित्रम् महामुनिम् ।
अभिवाद्य महातेजा गमनाय उपचक्रमे ॥१-२७-२८॥
Tatah prita mana ramo vishvamitram mahamunim
Abhivadya mahateja gamanaya upachakrame