Utshovসর্গ 27
27.1
অথ তাম্ রজনীম্ উষ্য বিশ্বামিরো মহায়শাঃ ।
প্রহস্য রাঘবম্ বাক্যম্ উবাচ মধুর স্বরম্ ॥১-২৭-১॥
27.2
পরিতুষ্টো অস্মি ভদ্রম্ তে রাজপুত্র মহায়শঃ ।
প্রীত্যা পরময়া যুক্তো দদামি অস্ত্রাণি সর্বশঃ ॥১-২৭-২॥
27.3
দেব অসুর গণান্ বা অপি স গন্ধর্ব উরগান্ ভুবি ।
যৈঃ অমিত্রান্ প্রসহ্য আজৌ বশীকৃত্য জয়িষ্যসি ॥১-২৭-৩॥
27.4
তানি দিব্যানি ভদ্রম্ তে দদামি অস্ত্রাণি সর্বশঃ ।
দণ্ড চক্রম্ মহৎ দিব্যম্ তব দাস্যামি রাঘব ॥১-২৭-৪॥
27.5
ধর্ম চক্রম্ ততো বীর কাল চক্রম্ তথৈব চ ।
বিষ্ণু চক্রম্ তথা অতি উগ্রম্ ঐন্দ্রম্ চক্রম্ তথৈব চ ॥১-২৭-৫॥
27.6
বজ্রম্ অস্ত্রম্ নরশ্রেষ্ঠ শৈবম্ শূলবরম্ তথা ।
অস্ত্রম্ ব্রহ্মশিরঃ চ এব ঐষীকম্ অপি রাঘব ॥১-২৭-৬॥
27.7
দদামি তে মহাবাহো ব্রাহ্মম্ অস্ত্রম্ অনুত্তমম্ ।
গদে দ্বে চৈব কাকুত্স্থ মোদকী শিখরী শুভে ॥১-২৭-৭॥
27.8
প্রদীপ্তে নরশার্দূল প্রয়চ্ছামি নৃপাঅত্মজ ।
ধর্ম পাশম্ অহম্ রাম কাল পাশম্ তথৈব চ ॥১-২৭-৮॥
27.9
বারুণম্ পাশম্ অস্ত্রম্ চ দদামি অহম্ অনুত্তমম্ ।
অশনী দ্বে প্রয়চ্ছামি শুষ্ক আর্দ্রে রঘুনন্দন ॥১-২৭-৯॥
27.10
দদামি চ অস্ত্রম্ পৈনাকম্ অস্ত্রম্ নারায়ণম্ তথা ।
আগ্নেয়ম্ অস্ত্রম্ দয়িতম্ শিখরম্ নাম নামতঃ ॥১-২৭-১০॥
27.11
বায়ব্যম্ প্রথমম্ নাম দদামি তব চ অনঘ ।
অস্ত্রম্ হয়শিরঃ নাম ক্রৌঞ্চম্ অস্ত্রম্ তথৈব চ ॥১-২৭-১১॥
27.12
শক্তি দ্বয়ম্ চ কাকুত্স্থ দদামি তব রাঘব ।
কংকালম্ মুসলম্ ঘোরম্ কাপালম্ অথ কিন্কিণীম্ ॥১-২৭-১২॥
27.13
বধার্থম্ রাক্ষসাম্ যানি দদামি এতানি সর্বশঃ ।
বৈদ্যাধরম্ মহা অস্ত্রম্ চ নন্দনম্ নাম নামতঃ ॥১-২৭-১৩॥
27.14
অসি রত্নম্ মহাবাহো দদামি নৃবরাত্মজ ।
গান্ধর্বম্ অস্ত্রম্ দয়িতম্ মোহনম্ নাম নামতঃ ॥১-২৭-১৪॥
27.15
প্রস্বাপনম্ প্রশমনম্ দদ্মি সৌম্যম্ চ রাঘব ।
বর্ষণম্ শোষণম্ চৈব সংতাপন বিলাপনে ॥১-২৭-১৫॥
27.16
মাদনম্ চৈব দুর্ধর্ষম্ কন্দর্প দয়িতম্ তথা ।
গান্ধর্বম্ অস্ত্রম্ দয়িতম্ মানবম্ নাম নামতঃ ॥১-২৭-১৬॥
27.17
পৈশাচম্ অস্ত্রম্ দয়িতম্ মোহনম্ নাম নামতঃ ।
প্রতীচ্ছ নরশার্দূল রাজপুত্র মহায়শঃ ॥১-২৭-১৭॥
27.18
তামসম্ নরশার্দূল সৌমনম্ চ মহাবলম্ ।
সংবর্তম্ চৈব দুর্ধর্ষম্ মৌসলম্ চ নৃপাত্মজ ॥১-২৭-১৮॥
27.19
সত্যম্ অস্ত্রম্ মহাবাহো তথা মায়াময়ম্ পরম্ ।
সৌরম্ তেজঃপ্রভম্ নাম পর তেজো অপকর্ষণম্ ॥১-২৭-১৯॥
27.20
সোম অস্ত্রম্ শিশিরম্ নাম ত্বাষ্ট্রম্ অস্ত্রম্ সুদারুরণম্ ।
দারুণম্ চ ভগস্য অপি শিতেষুম্ অথ মানবম্ ॥১-২৭-২০॥
27.21
এতান্ রাম মহাবাহো কাম রূপান্ মহাবলান্ ।
গৃহাণ পরমোদারান্ ক্ষিপ্রম্ এব নৃপাত্মজ ॥১-২৭-২১॥
27.22
স্থিতঃ তু প্রাঙ্মুখো ভূত্বা শুচির্ মুনিবরঃ তদা ।
দদৌ রামায় সুপ্রীতো মংত্র গ্রামম্ অনুত্তমম্ ॥১-২৭-২২॥
27.23
সর্ব সংগ্রহণম্ এষাম্ দৈবতৈঃ অপি দুর্লভম্ ।
তানি অস্ত্রাণি তদা বিপ্রো রাঘবায় ন্যবেদৎ ॥১-২৭-২৩॥
27.24
জপতঃ তু মুনেঃ তস্য বিশ্বামিত্রস্য ধীমতঃ ।
উপতস্থুঃ মহা অর্হাণি সর্বাণি অস্ত্রাণি রাঘবম্ ॥১-২৭-২৪॥
27.25
ঊচুঃ চ মুদিতা রামম্ সর্বে প্রাংজলয়ঃ তদা ।
ইমে চ পরমোদার কিংকরাঃ তব রাঘব ॥১-২৭-২৫॥
27.26
যদ্ যদ্ ইচ্ছসি ভদ্রন্ তে তৎ সর্বম্ করবাম বৈ ।
ততো রাম প্রসন্ন আত্মা তৈঃ ইতি উক্তো মহাবলৈঃ ॥১-২৭-২৬॥
27.27
প্রতিগৃহ্য চ কাকুত্স্থঃ সমালভ্য চ পাণিনা ।
মনসা মে ভবিষ্যধ্বম্ ইতি তানি অভ্যচোদয়ৎ ॥১-২৭-২৭॥
27.28
ততঃ প্রীত মনা রামো বিশ্বামিত্রম্ মহামুনিম্ ।
অভিবাদ্য মহাতেজা গমনায় উপচক্রমে ॥১-২৭-২৮॥