Utshovসর্গ 26
26.1
মুনের্ বচনম্ অক্লীবম্ শ্রুত্বা নরবরাত্মজঃ ।
রাঘবঃ প্রাঞ্জলিঃ ভূত্বা প্রত্যুবাচ দৃঢব্রতঃ ॥১-২৬-১॥
26.2
পিতুর্ বচন নির্দেশাৎ পিতুর্ বচন গৌরবাৎ ।
বচনম্ কৌশিকস্য ইতি কর্তব্যম্ অবিশঙ্কয়া ॥১-২৬-২॥
26.3
অনুশিষ্টো অস্মি অয়োধ্যায়াম্ গুরু মধ্যে মহাত্মনা ।
পিত্রা দশরথেন অহম্ ন অবজ্ঞেয়ম্ চ তদ্ বচঃ ॥১-২৬-৩॥
26.4
সোঽহম্ পিতুর্বচঃ শ্রুত্বা শাসনাদ্ ব্রহ্ম বাদিনঃ ।
করিষ্যামি ন সংদেহঃ তাটকা বধম্ উত্তমম্ ॥১-২৬-৪॥
26.5
গো ব্রাহ্মণ হিতার্থায় দেশস্য চ হিতায় চ ।
তব চৈব অপ্রমেয়স্য বচনম্ কর্তুম্ উদ্যতঃ ॥১-২৬-৫॥
26.6
এবম্ উক্ত্বা ধনুর্মধ্যে বধ্বা মুষ্টিম্ অরিন্দমঃ ।
জ্যা ঘোষম্ অকরোৎ তীব্রম্ দিশঃ শব্দেন নাদয়ন্ ॥১-২৬-৬॥
26.7
তেন শব্দেন বিত্রস্তাঃ তাটকা বন বাসিনঃ ।
তাটকা চ সুসংক্রুদ্ধা তেন শব্দেন মোহিতা ॥১-২৬-৭॥
26.8
তম্ শব্দম্ অভিনিধ্যায় রাক্ষসী ক্রোধ মূর্চিতা ।
শ্রুত্বা চ অভ্যদ্রবৎ ক্রুদ্ধা যত্র শব্দো বিনিস্সৃতঃ ॥১-২৬-৮॥
26.9
তাম্ দৃষ্ট্বা রাঘবঃ ক্রুদ্ধাম্ বিকৃতাম্ বিকৃত আননাম্ ।
প্রমাণেন অতি বৃদ্ধাম্ চ লক্ষ্মণম্ সোঽভ্যভাষত ॥১-২৬-৯॥
26.10
পশ্য লক্ষ্মণ যক্ষিণ্যা ভৈরবম্ দারুণম্ বপুঃ ।
ভিদ্যেরন্ দর্শনাৎ অস্যা ভীরূণাম্ হৃদয়ানি চ ॥১-২৬-১০॥
26.11
এতাম্ পশ্য দুরাধর্ষাম্ মায়া বল সমন্বিতাম্ ।
বিনিবৃত্তাম্ করোমি অদ্য হৃত কর্ণাগ্র নাসিকাম্ ॥১-২৬-১১॥
26.12
ন হি এনাম্ উত্সহে হন্তুম্ স্ত্রী স্বভাবেন রক্ষিতাম্ ।
বীর্যম্ চ অস্যা গতিম্ চ এব হন্যতাম্ ইতি মে মতিঃ ॥১-২৬-১২॥
26.13
এবম্ ব্রুবাণে রামে তু তাটকা ক্রোধ মূর্ছিতা ।
উদ্যম্য বাহূম্ গর্জন্তী রামম্ এব অভ্যধাবত ॥১-২৬-১৩॥
26.14
বিশ্বামিত্রস্তু ব্রহ্মর্ষিঃ হুংকারেণা অভিভর্ত্স্য তাম্ ।
স্বস্তি রাঘবয়োঃ অস্তু জয়ম্ চ এব অভ্যভাষত ॥১-২৬-১৪॥
26.15
উদ্ ধুন্বানা রজো ঘোরম্ তাটকা রাঘবৌ উভৌ ।
রজো মেঘেন মহতা মুহূর্তম্ সা ব্যমোহয়ৎ ॥১-২৬-১৫॥
26.16
ততো মায়াম্ সমাস্থায় শিলা বর্ষেণ রাঘবৌ ।
অবাকিরৎ সুমহতা ততঃ চুক্রোধ রাঘবঃ ॥১-২৬-১৬॥
26.17
শিলা বর্ষম্ মহৎ তস্যাঃ শর বর্ষেণ রাঘবঃ ।
প্রতিবার্যো অপধাবন্ত্যাঃ করৌ চিচ্ছেদ পত্রিভিঃ ॥১-২৬-১৭॥
26.18
ততঃ চ্ছিন্ন ভুজাম্ শ্রান্তাম্ অভ্যাশে পরিগর্জতীম্ ।
সৌমিত্রিঃ অকরোৎ ক্রোধাৎ হৃত কর্ণাগ্র নাসিকাম্ ॥১-২৬-১৮॥
26.19
কাম রূপধরা সা তু কৃত্বা রূপাণি অনেকশঃ ।
অন্তর্ধানম্ গতা যক্ষী মোহয়ন্তি স্ব মায়য়া ॥১-২৬-১৯॥
26.20
অশ্ম বর্ষম্ বিমুংচন্তী ভৈরবম্ বিচচার সা।
ততঃ তৌ অশ্ম বর্ষেণ কীর্যমাণৌ সমন্ততঃ ॥১-২৬-২০॥
26.21
দৃষ্ট্বা গাধি সুতঃ শ্রীঈমান্ ইদম্ বচনম্ অব্রবীৎ ।
অলম্ তে ঘৃণয়া রাম পাপা এষা দুষ্ট চারিণী ॥১-২৬-২১॥
26.22
যজ্ঞ বিঘ্ন করী যক্ষী পুরা বর্ধেত মায়য়া ।
বধ্যতাম্ তাবৎ এব এষা পুরা সংধ্যা প্রবর্ততে ॥১-২৬-২২॥
26.23
রক্ষাংসি সংধ্যা কালে তু দুর্ধর্ষাণি ভবন্তি হি ।
ইতি উক্তঃ স তু তাম্ যক্ষীম্ অশ্ম বৃষ্ট্যা অভিবর্ষণীম্ ॥১-২৬-২৩॥
26.24
দর্শয়ন্ শব্দ বেধিত্বম্ তাম্ রুরোধ স সায়কৈঃ ।
সা রুদ্ধা বাণ জালেন মায়া বল সমন্বিতা ॥১-২৬-২৪॥
26.25
অভি দুদ্রাব কাকুত্স্থম্ লক্ষমণম্ চ বিনেষুদী।
তাম্ আপতন্তীম্ বেগেন বিক্রান্তাম্ অশনীম্ ইব ॥১-২৬-২৫॥
26.26
শরেণ উরসি বিব্যাধ সা পপাত মমার চ ।
তাম্ হতাম্ ভীম সংকাশাম্ দৃষ্ট্বা সুরপতিঃ তদা ॥১-২৬-২৬॥
26.27
সাধু সাধ্বিতি কাকুত্স্থম্ সুরাঃ চ অপি অভিপূজয়ন্ ।
উবাচ পরম প্রীতঃ সহস্রাক্ষঃ পুরন্দরঃ ॥১-২৬-২৭॥
26.28
সুরাঃ চ সর্বে সংহৃষ্টা বিশ্বামিত্রম্ অথ অব্রুবন্ ।
মুনে কৌশিক ভদ্রম্ তে সহ ইন্দ্রাঃ সর্বে মরুদ্ গণাঃ ॥১-২৬-২৮॥
26.29
তোষিতাঃ কর্মণা অনেন স্নেহম্ দর্শয় রাঘবে ।
প্রজাপতেঃ কৃশাশ্বস্য পুত্রান্ সত্য পরাক্রমান্ ॥১-২৬-২৯॥
26.30
তপো বল ভৃতো ব্রহ্মন্ রাঘবায় নিবেদয় ।
পাত্রভূতঃ চ তে ব্রহ্মন্ তব অনুগমনে রতঃ ॥১-২৬-৩০॥
26.31
কর্তব্যম্ সুমহৎ কর্ম সুরাণাম্ রাজ সূনুনা ।
এবম্ উক্ত্বা সুরাঃ সর্বে জগ্মুর্ হৃষ্টা বিহায়সম্ ॥১-২৬-৩১॥
26.32
বিশ্বামিত্রম্ পূজয়ন্ ততঃ সংধ্যা প্রবর্ততে ।
ততো মুনিবরঃ প্রীতঃ তাটকা বধ তোষিতঃ ॥১-২৬-৩২॥
26.33
মূর্ধ্নি রামম্ উপাঘ্রায় ইদম্ বচনম্ অব্রবীৎ ।
ইহ অদ্য রজনীম্ রাম বসাম শুভ দর্শন ॥১-২৬-৩৩॥
26.34
শ্বঃ প্রভাতে গমিষ্যামঃ তদ্ আশ্রম পদম্ মম ।
বিশ্বামিত্রঃ বচঃ শ্রুত্বা হৃষ্টো দশরধাত্মজঃ ॥১-২৬-৩৪॥
26.35
উবাস রজনীম্ তত্র তাটকায়া বনে সুখম্ ।
মুক্ত শাপম্ বনম্ তৎ চ তস্মিন্ এব তৎ আহনি ।রমণীয়ম্ বিবভ্রাজ যথা চৈত্র রথম্ বনম্ ॥১-২৬-৩৫॥
26.36
নিহত্য তাম্ যক্ষ সুতাম্ স রামঃপ্রশস্যমানঃ সুর সিদ্ধ সন্ঘৈঃ ।
উবাস তস্মিন্ মুনিনা সহ এবপ্রভাত বেলাম্ প্রতি বোধ্যমানঃ ॥১-২৬-৩৬॥