সূক্ত 93

93.1

৫ নোধা গৌতমঃ । পবমানঃ সোমঃ । ত্রিষ্টুপ্ ।

সাকমুক্ষো মর্জয়ন্ত স্বসারো দশ ধীরস্য ধীতয়ো ধনুত্রীঃ ।
হরিঃ পর্যদ্রবজ্জাঃ সূর্যস্য দ্রোণং ননক্ষে অত্যো ন বাজী ॥১॥

93.2

সং মাতৃভির্ন শিশুর্বাবশানো বৃষা দধন্বে পুরুবারো অদ্ভিঃ ।
মর্যো ন যোষামভি নিষ্কৃতং যন্ত্সং গচ্ছতে কলশ উস্রিয়াভিঃ ॥২॥

93.3

উত প্র পিপ্য ঊধরঘ্ন্যায়া ইন্দুর্ধারাভিঃ সচতে সুমেধাঃ ।
মূর্ধানং গাবঃ পয়সা চমূষ্বভি শ্রীণন্তি বসুভির্ন নিক্তৈঃ ॥৩॥

93.4

স নো দেবেভিঃ পবমান রদেন্দো রয়িমশ্বিনং বাবশানঃ ।
রথিরায়তামুশতী পুরংধিরস্মদ্র্য১গা দাবনে বসূনাম্ ॥৪॥

93.5

নূ নো রয়িমুপ মাস্ব নৃবন্তং পুনানো বাতাপ্যং বিশ্বশ্চন্দ্রম্ ।
প্র বন্দিতুরিন্দো তার্যায়ুঃ প্রাতর্মক্ষূ ধিয়াবসুর্জগম্যাৎ ॥৫॥