সূক্ত 91

91.1

৬ কশ্যপো মারীচঃ । পবমানঃ সোমঃ । ত্রিষ্টুপ্ ।

অসর্জি বক্বা রথ্যে যথাজৌ ধিয়া মনোতা প্রথমো মনীষী ।
দশ স্বসারো অধি সানো অব্যেঽজন্তি বহ্নিং সদনান্যচ্ছ ॥১॥

91.2

বীতী জনস্য দিব্যস্য কব্যৈরধি সুবানো নহুষ্যেভিরিন্দুঃ ।
প্র যো নৃভিরমৃতো মর্ত্যেভির্মর্মৃজানোঽবিভির্গোভিরদ্ভিঃ ॥২॥

91.3

বৃষা বৃষ্ণে রোরুবদংশুরস্মৈ পবমানো রুশদীর্তে পয়ো গোঃ ।
সহস্রমৃক্বা পথিভির্বচোবিদধ্বস্মভিঃ সূরো অণ্বং বি যাতি ॥৩॥

91.4

রুজা দৃল্হা চিদ্রক্ষসঃ সদাংসি পুনান ইন্দ ঊর্ণুহি বি বাজান্ ।
বৃশ্চোপরিষ্টাত্তুজতা বধেন যে অন্তি দূরাদুপনায়মেষাম্ ॥৪॥

91.5

স প্রত্নবন্নব্যসে বিশ্ববার সূক্তায় পথঃ কৃণুহি প্রাচঃ ।
যে দুঃষহাসো বনুষা বৃহন্তস্তাঁস্তে অশ্যাম পুরুকৃত্পুরুক্ষো ॥৫॥

91.6

এবা পুনানো অপঃ স্ব১র্গা অস্মভ্যং তোকা তনয়ানি ভূরি ।
শং নঃ ক্ষেত্রমুরু জ্যোতীংষি সোম জ্যোঙ্নঃ সূর্যং দৃশয়ে রিরীহি ॥৬॥