সূক্ত 80

80.1

৫ বসুর্ভারদ্বাজঃ । পবমানঃ সোমঃ ।জগতী ।

সোমস্য ধারা পবতে নৃচক্ষস ঋতেন দেবান্হবতে দিবস্পরি ।
বৃহস্পতে রবথেনা বি দিদ্যুতে সমুদ্রাসো ন সবনানি বিব্যচুঃ ॥১॥

80.2

যং ত্বা বাজিন্নঘ্ন্যা অভ্যনূষতাঽয়োহতং যোনিমা রোহসি দ্যুমান্ ।
মঘোনামায়ুঃ প্রতিরন্মহি শ্রব ইন্দ্রায় সোম পবসে বৃষা মদঃ ॥২॥

80.3

এন্দ্রস্য কুক্ষা পবতে মদিন্তম ঊর্জং বসানঃ শ্রবসে সুমঙ্গলঃ ।
প্রত্যঙ্স বিশ্বা ভুবনাভি পপ্রথে ক্রীলন্হরিরত্যঃ স্যন্দতে বৃষা ॥৩॥

80.4

তং ত্বা দেবেভ্যো মধুমত্তমং নরঃ সহস্রধারং দুহতে দশ ক্ষিপঃ ।
নৃভিঃ সোম প্রচ্যুতো গ্রাবভিঃ সুতো বিশ্বান্দেবাঁ আ পবস্বা সহস্রজিৎ ॥৪॥

80.5

তং ত্বা হস্তিনো মধুমন্তমদ্রিভির্দুহন্ত্যপ্সু বৃষভং দশ ক্ষিপঃ ।
ইন্দ্রং সোম মাদয়ন্দৈব্যং জনং সিন্ধোরিবোর্মিঃ পবমানো অর্ষসি ॥৫॥