সূক্ত 79

79.1

৫ কবির্ভার্গবঃ । পবমানঃ সোমঃ ।জগতী ।

অচোদসো নো ধন্বন্ত্বিন্দবঃ প্র সুবানাসো বৃহদ্দিবেষু হরয়ঃ ।
বি চ নশন্ন ইষো অরাতয়োঽর্যো নশন্ত সনিষন্ত নো ধিয়ঃ ॥১॥

79.2

প্র ণো ধন্বন্ত্বিন্দবো মদচ্যুতো ধনা বা যেভিরর্বতো জুনীমসি ।
তিরো মর্তস্য কস্য চিত্পরিহ্বৃতিং বয়ং ধনানি বিশ্বধা ভরেমহি ॥২॥

79.3

উত স্বস্যা অরাত্যা অরির্হি ষ উতান্যস্যা অরাত্যা বৃকো হি ষঃ ।
ধন্বন্ন তৃষ্ণা সমরীত তাঁ অভি সোম জহি পবমান দুরাধ্যঃ ॥৩॥

79.4

দিবি তে নাভা পরমো য আদদে পৃথিব্যাস্তে রুরুহুঃ সানবি ক্ষিপঃ ।
অদ্রয়স্ত্বা বপ্সতি গোরধি ত্বচ্য১প্সু ত্বা হস্তৈর্দুদুহুর্মনীষিণঃ ॥৪॥

79.5

এবা ত ইন্দো সুভ্বং সুপেশসং রসং তুঞ্জন্তি প্রথমা অভিশ্রিয়ঃ ।
নিদংনিদং পবমান নি তারিষ আবিস্তে শুষ্মো ভবতু প্রিয়ো মদঃ ॥৫॥